Yúhanná Dí Injíl 15
15
1Sachche angúr dá búṭá maiṉ háṉ, te merá Báp málí hai. 2Jihṛí ṭahní mere vichch hoke phal nahíṉ li-áuṉdí, uh núṉ uh waḍḍh deṉdá hai; te jihṛí phal li-áuṉdí hai, uh núṉ uh sáf kardá hai, táṉ jo uh hor bhí phal li-áwe. 3Hun us gall dá sadqa, jihṛí maiṉ tuhá-núṉ ákhí, tusíṉ pák ho. 4Tusíṉ mere vichch raho, te maiṉ tuhaḍe vichch. Jis tarah ṭahní, jinná chir angúr de búṭe vichch na rahe, ape phal nahiṉ liá sakkdí, ise tarah tusíṉ bhí nahíṉ, jinná chir mere vichch na raho. 5Maiṉ angúr dá búṭá haṉ, te tusíṉ ṭah-niáṉ ho. Uh, jihṛá mere vichch rahṉdá, te maiṉ uh de vichch, uh bahut phal li-áuṉdá hai; kyúṉ jo maithoṉ wakkh tusíṉ kujh nahíṉ kar sakkde. 6Je koí mere vichch na rahe, uh tahní wáṉgúṉ báhar suṭṭiá jándá, te sukk jáṉdá hai, te lok uhnáṉ núṉ ikatthiáṉ karke agg vichch suṭṭ deṉde ne, te uh bal jáṉdíáṉ ne. 7Je tusíṉ mere vichch raho, te meríáṉ galláṉ tuháḍe vichch rahan, táṉ, jo cháho, maṉgo, te uh tuháḍe lai hoegá. 8Mere Báp dá jalál ih de vichch hai, pai tusíṉ bahut phal li-áo; tad hí mere shágird hooge. 9Jis tarah Báp mainúṉ piár kítá, use tarah maiṉ bhí tuhánúṉ kítá; tusíṉ mere piár vichch raho. 10Je mere hukmáṉ núṉ manno, táṉ mere piár vichch rahoge; jis tarah maiṉ apne Báp de hukmáṉ núṉ manniá hai, te uh de piár vichch rahṉdá háṉ. 11Ih galláṉ maiṉ tuhánúṉ ákhíáṉ ne, táṉ jo merí ḳhushí tuháḍe vichch rahe; te tuháḍí ḳhushí púrí ho jáe. 12Merá hukm ih hai, paí tusíṉ ikk dujje núṉ piár karo, jis tarah maiṉ tuhánúṉ piár kítá. 13Koí ádmí ih de thoṉ wadh piár nahíṉ kardá, paí apne dostáṉ laí apní ján dewe. 14Tusíṉ tad hí mere dost ho, je mere hukmáṉ núṉ púríáṉ karo. 15Aidoṉ agge maiṉ tuhánúṉ naukar nahíṉ ákháṉgá; kyúṉ jo naukar nahiṉ jándá, paí uh dá málik kí kardá hai; par iṉaiṉ tuhánúṉ dost ákhíá hai; kyúṉ jo sáríáṉ galláṉ jihṛiáṉ maiṉ apne Báp koloṉ suníáṉ ne, tuhánúṉ dassíáṉ. 16Tusáṉ mainúṉ nahíṉ chuniá, par maiṉ tuhánúṉ chuniá, te tuhánúṉ muqarrar kítá, paí tusíṉ jáo, te phal li-áo, te tuhaḍá phal qáim rahe; táṉ jo tusíṉ Báp koloṉ mere náṉ utte jo kujh maṉgo, uh tuhánúṉ dewe. 17Ihnáṉ galláṉ dá maiṉ tuhánúṉ is wáste hukm dená hán, paí tusíṉ ikk dujje núṉ piár karo. 18Je dunyá tuháḍe nál wair rakhdí hai, tusíṉ jánde ho, paí us tuháthoṉ pahláṉ mere nál wair kítá hai. 19Je tusíṉ dunyá de huṉde, táṉ dunyá apneáṉ núṉ piár kardí; par tusíṉ dunyá de jo nahíṉ ho, is laí paí maiṉ tuhánúṉ dunyá vichchoṉ chuniá, dunyá tuháḍe nál wair rakhdi hai. 20Uh gall yád karo, jihṛí maiṉ tuhánúṉ ákhí, paí naukar apne málik náloṉ waḍḍá nahíṉ. Je uhnáṉ mainúṉ satáyá, táṉ tuhánúṉ bhí satáwange; je uhnáṉ mere kalám núṉ manniá, táṉ tuháḍe kalám núṉ bhí mannange. 21Par ih sab kujh mere náṉ karke tuháḍe nál karange, is laí paí uh uhnúṉ nahíṉ jánde, jis mainúṉ ghalliá hai. 22Je maiṉ na áyá huṉdá, te uhnáṉ núṉ na dassdá, tad uhnáṉ dá gunáh na huṉdá; par hun táṉ uhnáṉ kol uhnáṉ de gunáh dá kujh, ʼúzr nahíṉ. 23Jihṛá mere nál wair rakhdá hai, mere Báp nál bhí wair rakhdá hai. 24Je maiṉ uhnáṉ vichch uh kamm, jihṛe kise dújje ne nahíṉ kíte, na kardá, táṉ uhnáṉ dá gunáh na huṉdá; par hun táṉ uhnáṉ mainúṉ te mere Báp núṉ doháṉ núṉ vekhiá, te sáḍe nál wair bhí kítá hai. 25Par ih is karke hoiá, páí uh gall, jihṛí uhnáṉ dí sharíʼat vichch likhí hoí hai, púrí howe, paí “Uhnáṉ aiṉweṉ mere nál wair rakhiá”. 26Par jád uh Madadgár áwegá, jih núṉ maiṉ Báp walloṉ tuháḍe kol ghalláṉgá yaʼne Sachchiái dá Rúh, jihṛá Báp walloṉ nikaldá hai, táṉ uh merí bábat gawáhí degá. 27Te tusíṉ bhí gawáh ho; kyúṉ jo tusíṉ muḍḍhoṉ mere nal ho.
Okuqokiwe okwamanje:
Yúhanná Dí Injíl 15: PNT1927R
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
Historical texts published by British and Foreign Bible Society 1917-1927.
