Yúhanná Dí Injíl 16
16
1Ih galláṉ maiṉ tuhánúṉ ákhíáṉ ne, táṉ jo tusíṉ ṭhokar na kháo. 2Lok tuhánúṉ jamáʼatoṉ kaḍḍh denge, te uh ghaṛí áuṉdí hai, paí jihṛá koí tuháḍá khún kare, uh ih samjhegá, paí maiṉ Ḳhudá dí ḳhidmat karná háṉ. 3Uh is wáste karange; kyúṉ jo na uhnáṉ Báp núṉ játá hai, na mainúṉ. 4Par ih galláṉ maiṉ tuhánúṉ ákhíáṉ ne, paí jad uhnáṉ dí ghaṛí áwe, tad uhnáṉ núṉ yád karo, paí maiṉ tuhánúṉ ákhíáṉ; te ih galláṉ maiṉ shurúʼ thoṉ tuhánúṉ nahíṉ dassíáṉ, kyúṉ jo maiṉ tuháḍe nál saṉ. 5Te hun maiṉ uh de kol jáná háṉ, jis mainúṉ ghalliá sí; tad bhí tuháḍe vichchoṉ koí nahiṉ puchchdá, paí Túṉ kitthe jáná haiṉ? 6Par is karke paí maiṉ ih galláṉ tuháṉúṉ ákhíáṉ ne, tuháḍá dil gam nál bhar gayá hai. 7Tad bhí maiṉ tuhánúṉ ṭhík ákhná háṉ, paí Merá ṭur jáná tuháḍe wáste chaṉgá hai; kyúṉjo je maiṉ na jáṉ, táṉ Madadgár tuháḍe kol nahíṉ áwegá; par je maiṉ jáṉ, táṉ uh núṉ tuháḍe kol ghalláṉgá. 8Te uh áke dunyá núṉ gunáh, te nekí, te ʼadálat dí bábat qusúrwár banáegá. 9Gunáh dí bábat, is laí paí uh núṉ mere utte nahíṉ ímán li-áuṉdá; 10Nekí dí bábat is laí, paí maiṉ Báp kol jáná háṉ, te tusíṉ mainúṉ pher na vekhoge; 11ʼAdálat dí bábat is laí, paí dunyá dá sardár mujrim kítá gayá. 12Maiṉ aje bahut sáríáṉ galláṉ tuhánúṉ ákhníáṉ ne, par tusíṉ uhnáṉ núṉ hun nahíṉ sah sakkde. 13Par jad uh áwegá, jihṛá Sachchíáí dá Rúh hai, tad uh tuhánúṉ sárí sachchíáí dá ráh páegá; kyúṉ jo uh apne walloṉ nahíṉ ákhegá, par jo kujh sunegá, so hí ákhegá, te áunwálíáṉ galláṉ dí khabar tuháṉúṉ degá. 14Uh merá jalál záhir karegá, is laí paí uh meríáṉ chízáṉ vichchoṉ láegá, te tuhánúṉ khabar degá. 15Sáríáṉ chízáṉ jihṛíáṉ Báp díáṉ ne, meríáṉ ne; tade maiṉ ákhíá, paí uh meríáṉ chízáṉ vichchoṉ laiṉdá hai, te tuhánúṉ khabar degá. 16Thoṛe chir núṉ tusíṉ mainúṉ pher na vekhoge: te pher thoṛe chir núṉ mainúṉ vekhoge. 17Tad shágirdáṉ vichchoṉ kaíáṉ ikk dújje núṉ ákhíá, Ih kí hai, jo uh sánúṉ ákhdá hai, “Thoṛe chir núṉ tusíṉ mainúṉ na vekhoge; te pher thoṛe chir núṉ tusíṉ mainúṉ vekhoge,” te ih gall ví, “Kyúṉ jo maiṉ Báp kol jáná háṉ.” 18Is laí uhnán ákhíá, Ih kí hai, jo uh ákhdá hai, “Thoṛá chir”? Asíṉ nahíṉ samajhde, paí uh kí ákhdá hai. 19Yesúʼ ján gayá, paí uh maithoṉ puchchná cháhuṉde ne; tad uhnáṉ núṉ ákhíá, Tusíṉ kí ápo vichch ih dí bábat puchchde ho, paí maiṉ ákhíá, “Thoṛe chir núṉ tusíṉ mainúṉ pher na vekhoge, te pher thoṛe chir núṉ tusíṉ mainúṉ vekhoge?” 20Maiṉ tuhánúṉ sach sach ákhná háṉ, Tusíṉ rooge, te kurláoge, par dunyá ḳhushí ḳaregí; tusíṉ gam karoge, par túháḍá g̣am khushí ban jáegá. 21Zánání jad bachcha jamman laggdí hai, gam kardí hai, kyúṉ jo uh dí ghaṛí á pahuṉchí hai; par jad bachcha jamm piá, uh apne dukh nún muṛ yád nahíṉ kardi, is ḳhushí de máre paí dunyá vichch ikk ádmí jammiá hai. 22So hun táṉ tuhánúṉ gam hai; par maiṉ tuhánúṉ pher vekháṉgá, te tuháḍá dil khushí karegá, te tuháḍí ḳhushí tuháthoṉ koí khoh nahíṉ laiṉdá. 23Te us din tusíṉ maithoṉ kujh na puchchoge. Main tuhánúṉ sach sach ákhná háṉ, Je tusíṉ Báp koloṉ kujh maṉgoge, taṉ mere náṉ utte tuhánúṉ dewegá. 24Aje tíkar tusáṉ mere náṉ utte kujh nahíṉ maṉgiá; maṉgo, te tuhánúṉ milegá, táṉ jo tuháḍí ḳhushí púrí ho jáe. 25Ih galláṉ maiṉ tuhánúṉ tamsíláṉ vichch ákhíáṉ ne; uh ghaṛí áundí hai, jad main tuháḍe nál tamsíláṉ vichch nahíṉ boláṉgá, par sáf sáf tuhánúṉ Báp dí khabar diáṉgá. 26Us din tusíṉ mere náṉ utte maṉgoge; te maiṉ tuhánúṉ ih nahíṉ ákhdá, paí Báp kol tuháḍe laí ʼarz karáṉgá; 27Kyúṉ jo Báp áp hí tuhánúṉ piár kardá hai, is laí paí tusáṉ mainúṉ piár kítá hai, te ímán li-áuṉdá hai, paí maiṉ Báp koloṉ nikliá háṉ. 28Maiṉ Báp vichchoṉ nikliá te dunyá vichch áyá háṉ; phir dunyá núṉ widiá hoke Báp kol jáná háṉ. 29Uh de shágird ákhan lagge, Lo, hun táṉ túṉ sáf sáf ákhná haiṉ, te koí tamsíl nahíṉ deṉdá. 30Hun asíṉ jánne háṉ, paí túṉ sab kujh jánná haiṉ, te tainúṉ loṛ nahíṉ, paí koí taithoṉ puchche; is gall thoṉ sánúṉ yaqín áuṉdá hai, paí túṉ Ḳhudá thoṉ nikliá haiṉ. 31Yesúʼ uhnáṉ núṉ jawáb dittá, Hun tuhánúṉ yaqín áuṉdá hai? 32Vekho, uh ghaṛí áuṉdí hai, sagoṉ á gayí hai, paí tusíṉ har ikk ápo apní khinḍáe jáoge, te mainúṉ ikalliáṉ chhaḍḍ jáoge; tad bhí maiṉ ikallá nahíṉ; kyúṉ jo Báp mere nál hai. 33Ih galláṉ máiṉ tuhánúṉ ákhíáṉ ne, táṉ jo tuhánúṉ mere vichch tasallí mile. Dunyá vichch tuhánúṉ dukh hai; par tagṛe raho, kyúṉ jo maiṉ dunyá núṉ jitt liyá hai.
Okuqokiwe okwamanje:
Yúhanná Dí Injíl 16: PNT1927R
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
Historical texts published by British and Foreign Bible Society 1917-1927.
