ÏOANNIS 18
18
Kaba kem ïa U Jisu
(Mat. 26:47-56; Mrk. 14:43-50; Luk. 22:47-53)
1 #
Mat. 26:30,36; Mrk. 14:26,32; Luk. 22:39; 2 Sam. 15:23. Haba U Jisu u la lah kren ïa kine ki ktien, u la leit noh lem bad ki synran jong u sha shiliang ka wah duid Kedron, sha kaba la don ka kper, ha kaba u la leit rung ma u bad ki synran jong u. 2Te u Judas ruh, uba la die noh ïa U, u la ithuh ïa kata ka jaka, naba bunsien U Jisu u la ju leit ïaseng hangta lem bad ki synran jong u. 3#Mat. 26:47-56; Mrk. 14:43-50; Luk. 22:47-53.Ynda kumta, u Judas haba u la ïoh shi kynhun ki shipai, bad ïa ki shakri rangbah na ki rangbah lyngdoh bad na ki Pharisi, u la wan hangta lem bad ki sharak bad ki jingtbeh ding bad ki atiar. 4#Ïoan. 6:64; 13:1.U Jisu te ba u tip ïa kiei kiei baroh ki ban sa jia ha u, haba u la mih noh, u la ong ha ki, “Ïano phi ïawad?” 5Ki la ïathuh ha u, “Ïa U Jisu u nong Nasaret.” U Jisu u ong ha ki, “Nga long ma u.” Te u Judas ruh, uba la die noh ïa U, u la ïeng lem bad ki. 6Katba U la lah ïathuh te ha ki, “Nga long ma nga,” ki la ïakynran da dien, bad ki la ïakyllon ha khyndew. 7Namar kata, U la kylli ïa ki pat, “Ïano phi ïawad?” Ki te ki la ïa-ong, “Ïa U Jisu u nong Nasaret.” 8U Jisu u la ïathuh, “Nga la ong ha phi ba nga long ma nga; namar kata, lada phi wad ïa nga, ai ïa kine ban leit noh.” 9#Ïoan. 17:12; 6:39.Ba yn pyndep ïa kata ka ktien ïa kaba U la kren, “Na kita kiba me la ai ha nga, ngam shym la pynjah noh uwei ruh.” 10Ynda kumta, u Simon Petros ba u don ka waitlam, u la sei ïa ka bad u la pom ïa u shakri u rangbah lyngdoh, bad u la mait noh ïa ka shkor kamon jong u: te ka kyrteng uta u shakri ka la long “u Malkhos”. 11#Mat. 26:39; Mrk. 10:38; 14:36; Luk. 22:42.Ynda kumta, U Jisu u la ong ha u Petros, “To suh noh ïa kato ka waitlam jong me ha ka jingsop: ïa ka khuri kaba la ai U Kpa ha nga, ngan ym dih ïa ka?”
U Jisu ha khmat u Rangbah Lyngdoh
(Mat. 26:57-58; Mrk. 14:53-54; Luk. 22:54)
12 #
Mat. 26:57; Mrk. 14:53; Luk. 22:54; 3:2. Ynda kumta, kata ka kynhun bad u rangbah shihajar, bad ki shakri rangbah jong ki Jiw, ki la ïakem ïa U Jisu bad ki la ïakhum ïa u, 13bad ki la ïalam noh ïa u ha u Annas nyngkong, naba u la long u kthaw kurim u Kaïaphas, uba la long u rangbah lyngdoh ha kata ka snem. 14#Ïoan. 11:49-51.Te u Kaïaphas u la long uta uba la lah pyni buit ha ki Jiw, ba ka long kaba myntoi ba uwei u briew un ïap noh na ka bynta u paidbah.
U Petros u len noh ïa U Jisu
(Mat. 26:69-70; Mrk. 14:66-68; Luk. 22:55-57)
15 #
Mat. 26:58; Mrk. 14:54; Luk. 22:54. Te u Simon Petros u la bud ïa U Jisu, bad uta uwei pat u synran ruh. Te la ju ithuh ïa uta u synran da uta u rangbah lyngdoh, bad u la leit bsut lem bad U Jisu sha ka phyllaw jong u rangbah lyngdoh. 16Hynrei, u Petros u la ïeng ha ka jingkhang shabar. Ynda kumta, uta uwei pat u synran, ïa uba la ju ithuh da u rangbah lyngdoh, u la mih noh bad u la kren ha ka nongap jingkhang, bad u la ïalam shapoh ïa u Petros. 17#Mat. 26:69-72; Mrk. 14:66-69; Luk. 22:56-58.Ynda kumta, kata ka shakri kaba ap jingkhang, ka ong ha u Petros, “Ma me ruh mem long na ki synran jong une u briew?” U ong, “Ngam long.” 18Te kita ki shakri bad kita ki shakri rangbah haba ki la sliew ding rnga, naba ka pjah, ki la ïasyaid ding ruh; u Petros de u la ïeng lem bad ki bad u syaid ding.
U Rangbah Lyngdoh u kylli jingkylli ïa U Jisu
(Mat. 26:59-66; Mrk. 14:55-64; Luk. 22:66-71)
19 #
Mat. 26:59-66; Mrk. 14:55-64; Luk. 22:67-71. Ynda kumta, uta u rangbah lyngdoh u la kylli ïa U Jisu shaphang ki synran jong U, bad shaphang ka jinghikai jong U. 20U Jisu u la ïathuh ha u, “Nga, nga la kren ha kaba paw shynna ha ka pyrthei; nga, nga la hikai ha la ka sngi ha ka synagog bad ha ka templ, ha kaba ki Jiw baroh ki ju ïaseng; bad ha kaba rieh ngam shym kren ei ei ruh em. 21Balei me kylli ha nga? To kylli ha kita kiba la ïohsngew, kaei ba nga la kren ha ki; ha khmih kita ki ïatip ïa-ei ba nga la ong.” 22Te haba U la lah kren ïa kine kiei kiei ruh, uwei na kita ki shakri rangbah uba la ïeng hajan u la thab ïa U Jisu, u da ong, “Kumta du me phai ktien ha u rangbah lyngdoh?” 23#Mat. 5:39; Ki Kam. 23:2-5.U Jisu u la ïathuh ha u, “Lada nga la kren bymdei, to pyni shaphang kata ka bymdei; hynrei, lada dei, balei me thap ïa nga?” 24#Ïoan. 18:13; Luk. 3:2.Namar kata, u Annas u la phah noh ïa U ba la khum ha u Kaïaphas u rangbah lyngdoh.
U Petros u len pat ïa U Jisu
(Mat. 26:71-75; Mrk. 14:69-72; Luk. 22:58-62)
25 #
Mat. 26:73-75; Mrk. 14:70-72; Luk. 22:59-62. Te u Simon Petros u dang ïeng ba u syaid ding. Kumta ki ïa-ong ha u, “Me ruh mem long na kita ki synran jong u?” U la len, bad u la ong, “Ngam long.” 26Uwei na kita ki shakri jong u rangbah lyngdoh, uba dei kur ïa uta uba u Petros u la lah mait noh ïa ka shkor jong u, u ong, “Ngam shym la ïohi ma nga ïa me ha kata ka kper lem bad u?” 27Ynda kumta, u Petros u la len pat; te kumne kumne ruh u la riew u syiar.
U Jisu ha khmat u Pilat
(Mat. 27:1-2,11-14; Mrk. 15:1-5; Luk. 23:1-5)
28 #
Ïoan. 11:55; Mat. 27:1-2; Mrk. 15:1; Luk. 23:1. Ynda kumta, ki la ïalam noh ïa U Jisu na u Kaïaphas sha ka ïingbah u lyngskor: te ka la long mynstep eh; hynrei, ki hi kim shym la leit rung shapoh kata ka ïingbah u lyngskor, ba ïoh kin pynsang ïa lade; hynrei, ba kin ïoh bam ïa Ka Jinglait. 29#Mat. 27:11-14; Mrk. 15:2-5; Luk. 23:2-3.Namar kata, u Pilat u la mih noh shabar sha ki, bad u la ong, “Phi wan mudui aïu ïa une u briew?” 30Ki la ïathuh bad ki la ïa-ong ha u, “Lymda une u long u nongleh basniew, ngin ym da la aiti noh ïa u ha me.” 31Namar kata, u Pilat u la ong ha ki, “To shim ma phi hi ïa u, to bishar ruh ïa u katba kum Ka Hukum jong phi.” Kita ki Jiw te ki la ïathuh ha u, “Ym don hukum ïa ngi ban pynïap noh ïano ïano ruh”: 32#Ïoan. 3:14; 12:32.ba yn ïoh pyndep ïa kata ka ktien jong U Jisu, ïa kaba u la lah ong, ba u da saham na ka jingïap kaba kumno ba un sa ïap. 33Ynda kumta, u Pilat u la leit rung pat sha kata ka ïingbah u lyngskor, bad u la khot ïa U Jisu, bad u la ong ha U, “Me, me long U Syiem ki Jiw?” 34U Jisu u la ïathuh ha u, “Me ong ïa kane na lade, ne kiwei ki la ïathuh ha me shaphang jong nga?” 35U Pilat u la ïathuh, “Nga long Jiw ma nga mo? Ki parakher paramer ki jong me hi bad ki rangbah lyngdoh, ki la ïa-aiti noh ïa me ha nga: me la leh aïu?” 36#Ïoan. 6:15; Mat. 26:53.U Jisu u la ïathuh, “Ka hima jong nga kam long na ka jong kane ka pyrthei; lada ka hima jong nga ka la long na ka jong kane ka pyrthei, ki shakri jong nga kin da ïaleh, ba yn ym aiti noh ïa nga ha ki Jiw; hynrei, mynta, ka hima jong nga kam long nangne.” 37#Ïoan. 3:32; 8:14,47; 1 Ïoan. 4:6.Namar kata, u Pilat u la ong ha U, “Ma me, me long u syiem te?” U Jisu u la ïathuh, “Me ong keiñ ba nga long ma nga u syiem. Ïa kane khnang la kha ïa nga, bad ïa kane khnang nga la wan sha ka pyrthei, ba ngan ïoh phla skhem ïa ka jingshisha. Uei uei baroh uba da long na ka jong ka jingshisha, u shahshkor ïa ka ktien jong nga.” 38#Mat. 27:15-26; Mrk. 15:6-15; Luk. 23:18-19; Ki Kam. 3:14.U Pilat u kylli ïa U, “Ka long aïu ka jingshisha?”
La aiti noh ïa U Jisu ban sahnarphna
(Mat. 27:15-31; Mrk. 15:6-20; Luk. 23:13-25)
Te ynda u la lah ong ïa kane, u la mih noh shabar sha kita ki Jiw pat, bad u la ong ha ki, “Nga ngam shem ka jingpalat satia ha U. 39Hynrei, phi don ka rukom ba ngan pyllait noh ïa uwei ha phi ha Ka Niam Ka Jinglait: phi ïamon, namar kata, ba ngan pyllait noh ha phi ïa U Syiem ki Jiw?” 40Ynda kumta, baroh ki la ïapyrta pat, ki da ong, “Ym ïa une u briew! hynrei, ïa uta u Barabbas!” Te uta u Barabbas u la long u nongpynïap briew.
The Bible Society of India