ÏOANNIS 19
19
1Ynda kumta te, u Pilat u la shim ïa U Jisu bad u la sympat ïa U. 2#Mat. 27:27-31; Mrk. 15:16-20; Luk. 22:63-65; 23:11.Kita ki shipai ruh, haba ki la lah ïathain ïa ka pansngiat shiah, ki la ïa-pynphong halor ka khlieh jong U, bad ki la ïa-pynkup da ka jaiñ saw bthuh ïa U; 3bad ki la ïa-ong, “Khublei, ko Syiem ki Jiw!” bad ki la ïathab ïa U. 4#Ïoan. 18:38; 19:6; Luk. 23:4.Bad u Pilat u la mih noh shabar pat, bad u ong ha ki, “Ha khmih nga ïalam shabar ïa U ha phi, ba phin ïoh tip ba ngam shem ka jingpalat satia ha U.” 5Ynda kumta, U Jisu u la wan mih noh shabar, U da phong ïa kata ka pansngiat shiah, bad ïa kata ka jaiñkup ka basaw bthuh. U Pilat u ong te ha ki, “Ha khmih uta u briew!” 6Mynba kita ki rangbah lyngdoh bad kita ki shakri ki la ïohi te ïa U, ki la ïapyrta ki da ong, “To sahnarphna, sahnarphna!” U Pilat u ong ha ki, “To shim ma phi hi ïa U, bad to sahnarphna; namar nga, ngam shem ka jingpalat satia ha U.” 7#Leb. 24:16; Mrk. 14:61-64; Ïoan. 5:18; 10:33.Kita ki Jiw ki la ïathuh ha u, “Ngi, ngi don ka hukum, bad da ka hukum jong ngi ka dei ïa U ban ïap, namar U la leh Khun U Blei ïa lade.” 8Mynba u Pilat u la ïohsngew te ïa kata ka jingong, u la nang kham sheptieng sheptieng; 9bad u la leit rung pat shapoh kata ka ïingbah u lyngskor, bad u ong ha U Jisu, “Nangno me long?” Hynrei, U Jisu um ïathuh ei ei ha u. 10Namar kata, u Pilat u ong ha U, “Mem kren ha nga? Mem tip ba nga don bor ban sahnarphna ïa me, bad ba nga don bor ruh ban pyllait noh ïa me?” 11#Rom. 13:1; Ïoan. 18:28.U Jisu u la ïathuh, “Mem shym don ka bor satia halor jong nga, lymda la long ba la ai ha me na jrong; namar kata, uta uba la aiti noh ïa nga ha me, u don ka pop kaba kham khraw.”
12 #
Luk. 23:2. Naduh kata, u Pilat u la wad lad ban pyllait noh ïa U, hynrei, kita ki Jiw ki la ïapyrta ki da ïa-ong, “Lada men pyllait noh ïa une, mem long u lok jong u Kaisar: uno uno baroh uba pynlong syiem ïa lade, u ïaleh ïa u Kaisar.”
13Hangta, u Pilat haba u la ïohsngew ïa kata ka jingong, u la ïalam shabar ïa U Jisu, bad u la shong halor ka jaka shong bishar, ha ka jaka ba la khot “Ka Basiang maw”, hynrei, ha ka Hebru, “Gabbatha.” 14#Mrk. 15:42; Ïoan. 19:31,42; Mrk. 15:25,33.Te ka la long kaba pynkhreh ïa kata Ka Niam Ka Jinglait, bad hamar kaba hynriew baje#19:14 hynriew baje: Kane ka dei ka kynta ka bahynriew. Ha ka jingkheiñ por ha kine ki sngi, kan dei ka por khat-ar baje shiteng sngi.: u ong ruh ha kita ki Jiw, “Ha khmih, U Syiem jong phi!” 15Hynrei, ki la ïapyrta jam, “Shim noh, shim noh, sahnarphna ïa U!” U Pilat u ong ha ki, “Ïa U Syiem jong phi ngan sahnarphna?” Kita ki rangbah lyngdoh ki la ïathuh, “Ngim don u syiem, hynrei, tang u Kaisar.” 16Namar kata te, u la aiti noh ïa U ha ki ba yn sahnarphna.
Kaba sahnarphna ïa U Jisu
(Mat. 27:32-44; Mrk. 15:21-32; Luk. 23:26-43)
Te kumta, ki la ïashim noh ïa U Jisu. 17#Mat. 27:33-44; Mrk. 15:22-32; Luk. 23:33-43.Te da kaba U bah hi ïa la ka diengphna, U la leit noh sha kata ka jaka ba la khot “Maloi khlieh”, ïa kaba la khot ha ka Hebru, “Golgotha”; 18hangta, ki la ïasahnarphna ïa U, bad ïa ar ngut kiwei pat lem bad U, uwei sha kawei ka krung uwei sha kawei ka krung, bad ïa U Jisu hapdeng. 19U Pilat ruh u la thoh ïa ka jingthoh, bad u la buh ha kata ka diengphna; bad la thoh, “U JISU U NONG NASARET, U SYIEM KI JIW.” 20Ïa kane ka jingthoh, shibun na kita ki Jiw, namar kata, ki la ïapule, naba kata ka jaka ha kaba la sahnarphna ïa U Jisu ka la long hajan kata ka nongbah; la thoh ruh ïa ka ha ka ktien Hebru, bad ka Grik, bad ka Latin. 21Ynda kumta, kita ki rangbah lyngdoh jong ki Jiw ki la ïa-ong ha u Pilat, “Wat thoh, ‘U Syiem ki Jiw’; hynrei, ba u la ong, ‘Nga long U Syiem ki Jiw.’ ” 22U Pilat u la ïathuh, “Ïa kaba nga la thoh, nga la thoh.”
23Ynda kumta, kita ki shipai, mynba ki la lah ïasahnarphna ïa U Jisu, ki la ïashim ïa ki jaiñkup jong U, te ki la ïa-pynlong saw bynta, ïa uwei uwei u shipai shi bynta; bad ïa ka jingphong jong U, te kata ka jingphong ka la long khlem snur, kaba la shu thain baroh shilynter. 24#Eks. 28:32; Salm. 22:18.Namar kata, ki la ïa-ong paralok hi, “Ngin ym ïakad ïa ka, hynrei, ngin ïakhalai ïa ka, ka jongno kan long”: ba yn pyndep ïa kata Ka Jingthoh, kaba ong:
“Ki la ïabynta ïa ki jaiñkup
jong nga hapdeng jong ki,
bad ki la ïakhalai
ïa ka jingphong jong nga.”
Namar kata keiñ, kita ki shipai ki la leh ïa kine kiei kiei ruh. 25#Mat. 27:55-56; Mrk. 15:40-41; Luk. 23:49; Ïoan. 2:3; Mrk. 3:31; Luk. 24:18; Ïoan. 20:1,18.Te la ïeng hajan kata ka diengphna jong U Jisu, ka kmie jong U, bad ka para ka kmie jong U, ka Mari ka tnga jong u Klophas, bad ka Mari ka nong Magdala. 26#Ïoan. 13:23; 20:2; 21:20.Namar kata, haba U Jisu u la ïohi ïa la ka kmie, bad ïa uta u synran ïa uba U ju ieit ba u ïeng hajan, U ong ha la ka kmie, “Ko ka briew, ha khmih ïa la u khun!” 27Hadien kata, U ong ha uta u synran, “Ha khmih ïa la ka kmie!” Naduh kata ka por te, uta u synran u la shim ïa ka sha ka ïing jong u hi.
Ka jingïap U Jisu
(Mat. 27:45-56; Mrk. 15:33-41; Luk. 23:44-49)
28 #
Salm. 69:21; Mat. 27:45-50; Mrk. 15:33-37; Luk. 23:44-46; Ïoan. 17:4. Hadien kane, haba U Jisu u tip ba la pyndep mynta ïa kiei kiei baroh, ba yn ïoh pyndep ïa Ka Jingthoh, u ong, “Nga sliang.” 29Te la buh u khiew ba-dap da ka bajew hangta; te haba ki la ïa-pyndap ïa u spanj da ka bajew, bad haba ki la ïabuh ha u Hyssop, ki la kyntiew ha ka shyntur jong u. 30Te mynba U Jisu u la shim ïa kata ka bajew, u la ong, “La pyndep:” bad haba u la noh lyngngeh ïa la ka khlieh, u la aiti noh ïa la ka mynsiem.
U shipai u sum ïa ka krung U Jisu
31 #
Deu. 21:23; Eks. 12:16. Kita ki Jiw, namar kata, ïoh ba kita ki met kin sah halor ka diengphna ha ka sngi Sabbaton, naba ka la long ka sngi pynkhreh (namar kata ka Sabbaton ka la long ka sngi ka bakhraw), ki la ïakyrpad ïa u Pilat ba yn ïoh pynkheiñ ïa ki kjat jong ki, bad ba yn ïoh rah noh ïa ki. 32Namar kata, kita ki shipai ki la ïawan bad ki la ïa-pynkheiñ ïa ki kjat jong uba nyngkong, bad ki jong uta uwei pat ïa uba la sahnarphna lem bad u. 33Hynrei, haba ki la ïawan ha U Jisu, bad ki la ïohi ïa u ba u la lah ïap lypa, kim shym la pynkheiñ ïa ki kjat jong u; 34#1 Ïoan. 5:6-8.la kumta ruh, uwei na kita ki shipai u la sum ïa ka krung jong u da u sum, te kumne kumne ruh la mih noh ka snam bad ka um. 35#Ïoan. 15:27; 21:24.Te uta uba la ïohi, u la phla, bad ka jingphla jong u ka long kaba shisha: bad uta u tip ba u ong kaba shisha, ba phi ruh phin ïoh ngeit. 36#Eks. 12:46; Jkñ. 9:12; Salm. 34:20.Namar la leh ïa kine kiei kiei ruh, ba yn ïoh pyndep ïa kata Ka Jingthoh: “Ïa kawei ka shyieng jong u yn ym pynkheiñ.” 37#Sekh. 12:10; Jpw. 1:7.Bad sa kawei pat Ka Jingthoh ruh ka ong: “Kin ïakhmih ha uta ïa uba ki la ïasum.”
Kaba tep ïa U Jisu
(Mat. 27:57-61; Mrk. 15:42-47; Luk. 23:50-56)
38 #
Mat. 27:57-61; Mrk. 15:42-47; Luk. 23:50-56. Te hadien kane, u Joseph uba na Arimathaïa, uba long u synran jong U Jisu, hynrei, ha kaba rieh namar ba sheptieng ïa kita ki Jiw, u la kyrpad ïa u Pilat ba un ïoh rah noh ïa ka met U Jisu: u Pilat te u la shah. Namar kata, u la leit bad u la rah noh ïa ka met jong U. 39#Ïoan. 3:1,2; 7:50.U Nikodimos ruh u la wan, uta uba la lah leit mynshuwa ha U Jisu mynmiet, u da wallam ka jingkhleh na ka jong ka mirr bad ka alos#19:39 alos: Ha ki Kitab ka Testament Barim la speldak aloes., jin sanphew ser. 40#Mrk. 16:1; 14:8.Ynda kumta, ki la ïashim ïa ka met jong U Jisu, bad ki la ïasop spaiñ ïa ka ha ki jaiñ linen bani lem bad kita ki jingiwbih, kumba long ka rukom jong ki Jiw haba tep. 41Te ha kata ka jaka ha kaba la sahnarphna ïa U, la don ka kper, bad ha kata ka kper, ka jingtep thymmai, ha kaba ym pat shym la buh ïano ïano ruh; 42hangta te, namar kata ka sngi Pynkhreh jong ki Jiw, naba kata ka jingtep ka don hajan, ki la ïabuh ïa U Jisu.
The Bible Society of India