ÏOANNIS 20
20
Ka jingmihpat U Jisu
(Mat. 28:1-10; Mrk. 16:1-8; Luk. 24:1-12)
1 #
Mat. 28:1-8; Mrk. 16:1-8; Luk. 24:1-10. Te ha ka sngi nyngkong jong ka taïew, ka Mari ka nong Magdala ka la leit mynstep haba ka dang dum, sha kata ka jingtep; bad ka la ïohi ba la rah noh ïa uta u maw na kata ka jingtep. 2Ynda kumta te, ka wan phet noh sha u Simon Petros bad sha uta uwei pat u synran, ïa uba U Jisu u ju ieit, bad ka ong ha ki, “Ki la ïashim noh ïa U Trai na kata ka jingtep, bad ngim tip hangno ki la ïabuh ïa u.” 3#Luk. 24:11-12.Namar kata, u Petros u la mih noh bad uta uwei pat u synran, te ki la ïaleit sha kata ka jingtep. 4Te ki baroh ar ngut ki la ïaphet lang; hynrei, uta uwei pat u synran u la phet kham stet ban ïa u Petros, bad u la poi shuwa ha kata ka jingtep. 5Te haba u la dem ban jngoh, u la ïohi ïa kita ki jaiñ linen bani ba la buh, hynrei, um shym la bsut shapoh. 6Ynda kumta, la wan u Simon Petros, u da bud ïa u, bad u la leit bsut shapoh ka jingtep; bad u la khmih ruh ïa kita ki jaiñ linen bani ba la buh; 7bad ïa kata ka rumar kaba la don halor ka khlieh jong U, ym shym la buh lem bad kita ki jaiñ linen bani, hynrei, kyrpang ba la khylliap noh ha kawei pat ka jaka. 8Ynda kumta, la leit rung sa uta uwei pat u synran, uba la poi nyngkong ha kata ka jingtep, bad u la ïohi bad u la ngeit ruh. 9#Luk. 24:26,46.Namar kim pat shym la shemphang ïa Ka Jingthoh, ba ka dei ïa U, ban mihpat na ki baïap. 10Ynda kumta, kita ki synran ki la ïaleit phai noh pat sha la ïing.
U Jisu u mihpaw ha ka Mari ka nong Magdala
(Mrk. 16:9-11)
11Hynrei, ka Mari ka la ïeng shabar kata ka jingtep, ka da ïam: te katba ka la ïam, ka la dem ban jngoh ha kata ka jingtep; 12#Luk. 24:4; Mat. 28:5; Mrk. 16:5.bad ka la ïohi ar ngut ki angel ha ki jaiñ balieh, kiba ïashong uwei na sha khlieh, bad uwei na sha kjat, ha kaba la thiah ka met U Jisu. 13#Ïoan. 20:2.Kita ki ong te ha ka, “Ko briew, balei pha ïam?” Ka ïathuh ha ki, “Naba ki la ïashim noh ïa U Trai jong nga, bad ngam tip shaei ki la ïabuh ïa u.” 14#Mat. 28:9; Ïoan. 21:4.Haba ka la ïathuh ïa kane, ka la phai dien, bad ka la ïohi ïa U Jisu ba u da ïeng, hynrei, kam shym tip ba u long U Jisu. 15U Jisu u ong ha ka, “Ko ka briew, balei pha ïam? ïano pha wad?” Ka te ba ka da mut ba u long u nongsumar kper, ka ïathuh ha u, “Ko Kynrad, lada la bah noh ma me ïa U, to ïathuh ha nga hangno me la buh ïa U, te ngan shim noh ïa U.” 16U Jisu u ong ha ka, “Wa Mari!” Ka, haba ka la phai, ka ong ha U ha ka ktien Hebru, “Wa Rabboni!” (kata ka ban ong, “Ko Nonghikai”). 17#Ïoan. 20:27; Mat. 28:10; Ïoan. 7:33.U Jisu u ong ha ka, “To wat ktah ïa nga; namar ngam pat leit kiew sha la U Kpa; hynrei, to khie leit sha ki para jong nga, bad to ong ha ki: Ngan sa leit kiew sha U Kpa jong nga, bad U Kpa jong phi, bad U Blei jong nga, bad U Blei jong phi.” 18#Luk. 24:10,23.Ka Mari ka nong Magdala ka la leit ïathuh ha kita ki synran, ba ka la ïohi ïa U Trai, bad ba U la kren ïa kine kiei kiei ruh ha ka.
U Jisu u mihpaw ha ki synran jong u
(Mat. 28:16-20; Mrk. 16:14-18; Luk. 24:36-49)
19 #
Luk. 24:36-39. Ynda kumta, haba la janmiet ha kata ka sngi, ka sngi nyngkong jong ka taïew, bad haba la khang ïa ki jingkhang ha kaba ki synran ki la don, namar kaba sheptieng ïa ki Jiw, U Jisu u la wan bad u la ïeng hapdeng, bad u ong ha ki, “Long ka jingsuk ïa phi!” 20Haba u la ong te ïa kane, u la pyni ha ki ïa la ki kti bad ïa la ka krung. Namar kata, kita ki synran ki la ïakmen haba ki la ïohi ïa U Trai. 21#Ïoan. 17:18; Mat. 28:19.Ynda kumta, U Jisu u la ong pat ha ki, “Long ka jingsuk ïa phi! Kumba U Kpa u la phah ïa nga, nga ruh nga phah ïa phi.” 22#Ki Kam. 2:4,33.Te haba u la lah ong ïa kane, u la pyrsad halor jong ki, bad u ong ha ki, “To pdiang ïa U Mynsiem Bakhuid! 23#Mat. 16:19; 18:18.Ïa ki pop jongno jongno ruh ba phi map, la map ïa ki: ïa ki pop jongno jongno ruh ba phi bat, la bat ïa ki.”
U Jisu bad u Thomas
24 #
Ïoan. 11:16. Hynrei, u Thomas, uwei na kita ki khat-ar ngut, ïa uba la khot “Didimos”, um shym don lem bad ki, mynba la wan U Jisu. 25Namar kata, kita kiwei ki synran ki la ïa-ong ha u, “Ngi la ïohi ïa U Trai.” Hynrei, u la ïathuh ha ki, “Lymda ngan ïohi ha ki kti jong U ïa ka dien jong ki prek, bad buh ïa ka shynriah'ti jong nga ha kata ka dien jong kita ki prek, bad buh ïa ka kti jong nga de ha ka krung jong U, ngan ym ngeit.”
26Te hadien phra sngi pat, ki synran jong u ki la ïadon hapoh ïing, bad u Thomas lem bad ki. U Jisu u la wan, haba la khang ïa ki jingkhang, bad u la ïeng hapdeng bad u la ong, “Long ka jingsuk ïa phi!” 27#Luk. 24:40.Hadien kata, U ong ha u Thomas, “To ai hangne ïa ka shynriah'ti jong me, bad khmih ïa ki kti jong nga; to ai hangne ruh ïa ka kti jong me, bad to buh ha ka krung jong nga; wat long te u bymngeit, hynrei, u bangeit.” 28U Thomas te u la ïathuh, bad u la ong ha U, “U Trai jong nga, bad U Blei jong nga!” 29#1 Pet. 1:8.U Jisu u ïathuh ha u, “Naba me la ïohi ïa nga, ko Thomas, me la ngeit? Suk te kita ki bym shym la ïohi, bad kiba ngeit pynban.”
Ka jingthmu jong kane ka kitab
30 #
Ïoan. 21:25. Te bun ruh kiwei kiwei ki dak U Jisu u la leh ha khmat ki synran jong u, ïa ki bym shym la thoh ha kane ka kitab; 31#Ïoan. 3:15.hynrei, la thoh ïa kine kiei kiei ruh, ba phin ïoh ngeit ba U Jisu u long uta U Khrist, U Khun U Blei; bad ba haba da ngeit, phin ïoh ka jingim ha ka kyrteng jong u.
The Bible Society of India