ÏOANNIS 16
16
1 “Ïa kine kiei kiei ruh, nga la kren ha phi, ba phin ym thut. 2#Ïoan. 9:22; Ki Kam. 26:9-11; Isa. 66:5.Kin kyntait noh ïa phi na ki synagog; shisha ka por ka jia, ba uno uno ruh uba pynïap noh ïa phi, un mut ba u ainguh ha U Blei. 3Te ïa kine kiei kiei ruh, kin leh ïa phi, naba kim ithuh ïa U Kpa, lymne ïa nga. 4Hynrei, ïa kine kiei kiei ruh, nga la ïathuh ha phi, ba ynda la jia kata ka por, phin ïoh kynmaw ïa ki, ba nga, nga la ïathuh ha phi:
Ka jingtrei U Mynsiem Bakhuid
“Ïa kine kiei kiei ruh te, ngam shym la ong ha phi ha kaba mynnyngkong, naba nga la ju don lem bad phi. 5#Ïoan. 7:33; 14:5.Hynrei, mynta, ngan sa leit noh sha uta uba la phah ïa nga; ym don te na phi uba kylli ïa nga, ‘Shano men sa leit?’ 6Hynrei, namar ba nga la kren ïa kine kiei kiei ruh ha phi, ka jingsngewsih ka la pyndap ïa ka dohnud jong phi. 7#Ïoan. 14:16,26; 15:26.Hynrei, nga, nga ïathuh ïa kaba shisha ha phi, ka myntoi ïa phi ba nga, nga leit noh: namar lada nga ngam leit noh, uta U Nongpyntngen un ym wan ha phi; hynrei, lada nga leit noh, ngan phah ïa u ha phi. 8Te ynda u la wan ma u, un pynkynduh ïa ka pyrthei shaphang ka pop, bad shaphang ka hok, bad shaphang ka jingbishar de: 9#Ïoan. 15:22.shaphang ka pop te, naba kim ngeit ha nga; 10#Ki Kam. 3:14; 7:52; 1 Pet. 3:18.shaphang ka hok ruh, naba ngan sa leit noh sha U Kpa jong nga, bad phim ïohi shuh ïa nga; 11#Ïoan. 12:31.shaphang ka jingbishar de, naba la pynrem ïa u syiem jong kane ka pyrthei.
12 “Nga dang don shibun kiei kiei ruh ban ong ha phi, hynrei, phim lah ban shah ïa ki mynta. 13Hynrei, ynda u la wan ma u, U Mynsiem ka jingshisha keiñ, un ïalam ïa phi sha ka jingshisha baroh: namar un ym kren na lade, hynrei, ïa kiei kiei ruh katba un ïohsngew, un kren, bad un pynpaw ha phi ïa kiei kiei ruh ki ban sa wan. 14#Ïoan. 7:39.Un pyndonburom ïa nga, naba un shim na ka jong nga, bad un pynpaw ha phi. 15Kiei kiei baroh katba U Kpa u don, ki long ki jong nga; namar kata, nga la ong, ba un shim na ka jong nga, bad un pynpaw ha phi.
Ka jingsngewsih kan kylla sha ka jingkmen
16 #
Ïoan. 14:18-24. “Sa shibit ar bit, te phin ym ïohi ïa nga; bad sa shibit ar bit pat, te phin ïohi ïa nga, naba ngan sa leit noh sha uta U Kpa.” 17Namar kata, kiba na ki synran jong u ki la ïakren paralok hi, “Ka long aïu kane ïa kaba u ong ha ngi, ‘Sa shibit ar bit, te phin ym ïohi ïa nga’; bad ‘Sa shibit ar bit pat, te phin ïohi pat ïa nga’; bad, ‘Naba ngan sa leit noh sha uta U Kpa?’ ” 18Namar kata, ki la ïa-ong, “Ka long aïu kane, ‘Sa shibit ar bit’ kaba u ong? Ngim tip aïu ba u kren.” 19Te U Jisu u la tip ba ki la ïamon ban kylli ïa u, te u la ong ha ki, “Phi ïakylli paralok hi shaphang kane ba nga la ong, ‘Sa shibit ar bit, te phin ym ïohi ïa nga; bad sa shibit ar bit pat, te phin ïohi ïa nga?’ 20#Ïoan. 20:20.Shisha, shisha nga ong ha phi; phi, phin ïam bad phin lynñiar ruh, hynrei, ka pyrthei kan kmen; ma phi, te phin sngewsih, hynrei, kata ka jingsngewsih jong phi kan kylla sha ka jingkmen. 21#Isa. 13:8; Hos. 13:13; Mik. 4:9; 1 Thes. 5:3.Ka briew haba ka suhkhun, ka don ka jingsngewsih, naba ka la jia ka por jong ka; hynrei, ynda la kha ïa ita i khun, kam kynmaw shuh ïa la ka pang shitom, namar ka jingkmen ba la kha briew sha ka pyrthei. 22Kumta, ma phi ruh, phi don ka jingsngewsih shisha mynta, hynrei, ngan wan-i ïa phi pat, bad ka dohnud jong phi kan sngewkmen, bad ïa kata ka jingkmen jong phi ym don u ban shim noh na phi. 23Ha kata ka sngi te, phin ym kylli ïa nga ei ei ruh em. Shisha, shisha nga ong ha phi, ba kiei kiei ruh katba phin pan na uta U Kpa ha ka kyrteng jong nga, un ai ha phi. 24#Ïoan. 14:14; 15:11.Haduh mynta, phim pat ju pan ei ei ruh em ha ka kyrteng jong nga; to pan, te phin sa ïoh diang, ba kata ka jingkmen jong phi kan ïoh long kaba dap.
Ka jingjop noh thiaw ïa ka pyrthei
25 #
Ïoan. 10:6; Mat. 13:34. “Ïa kine kiei kiei ruh, nga la kren ha phi ha ki pharshi, hynrei, ka por ka jia, ba ngan ym kren shuh ha phi ha ki pharshi; hynrei, ngan ïathuh shynna ha phi shaphang uta U Kpa. 26Ha kata ka sngi, phin pan ha ka kyrteng jong nga, te ngam ong ha phi ba nga ngan duwai ïa uta U Kpa na ka bynta jong phi; 27namar uta U Kpa hi u ieit ïa phi, naba phi, phi la ieit ïa nga, bad phi la ngeit ba nga, nga la mih noh na U Blei. 28Nga la mih noh na uta U Kpa, bad nga la wan sha ka pyrthei; pat nga iehnoh ïa kata ka pyrthei, bad nga leit sha uta U Kpa.”
29Ki synran jong u ki ong ha u, “Ha khmih, me kren shynna mynta, bad mem kren pharshi shuh. 30Mynta ngi ïasngewthuh ba me tip ïa kiei kiei baroh, bad mem donkam ba uno uno ruh un ïoh kylli ïa me: da kane ngi ïangeit ba me la mih noh na U Blei.” 31U Jisu u la ïathuh ha ki, “Shisha phi ïangeit mynta? 32#Ïoan. 4:23; Mrk. 14:27; Sekh. 13:7.Ha khmih ka por ka jia, shisha ka la jia mynta, ba yn pynsakma ïa phi uwei pa uwei sha la ka jong ka jong, bad phin iehnoh ïa nga marwei: hynrei, pynban, ngam long marwei, naba uta U Kpa u don lem bad nga. 33#Ïoan. 14:27; 15:18; Rom. 8:37; 2 Kor. 2:14; Jpw. 3:21.Nga la kren ïa kine kiei kiei ruh ha phi, ba phin ïoh ka jingsuk ha nga; ha kata ka pyrthei phin ïoh ka jynjar, hynrei, to long shlur phi! nga, nga la jop ïa kata ka pyrthei.”
The Bible Society of India