ÏOANNIS 15
15
U Jisu u dieng soh Waiñ uba shisha
1 #
Isa. 5:1-7; Ese. 19:10; Mrk. 12:1-9; Mat. 15:13; Rom. 11:17. “Ma nga, nga long u dieng soh Waiñ uba shisha, bad U Kpa jong nga u long u nongsumar brisoh. 2Ka tnat baroh ba ha nga ka bymsei soh u ngor noh; bad ka tnat baroh kaba sei soh, u khyllad ïa ka, ba kan ïoh sei soh kham bun. 3#Ïoan. 13:10.Phi mynta, phi long ki bakhuid da kata ka ktien ïa kaba nga la kren ha phi. 4#Ïoan. 6:56; 1 Ïoan. 2:6.To ïaineh ha nga, bad ma nga ha phi. Kumba ka tnat kam lah ban sei soh na lade hi, lymda ka ïaineh ha u dieng soh Waiñ; kumta, ma phi ruh, lymda phi ïaineh ha nga. 5Ma nga, nga long u dieng soh Waiñ, ma phi ki tnat. Uta uba ïaineh ha nga, bad ma nga ha u, uta u sei soh shibun: naba khlem ma nga, phim lah leh ei ei ruh em. 6Lada uno uno ruh um ïaineh ha nga, la ju bred noh ïa u shabar kum ka tnat kaba la ïapstai noh; te ki ïalum ïa ki, bad ki bred ha ding, bad la thang ïa ki. 7#Ïoan. 14:13; 16:23; Mat. 7:7; Jak. 1:5.Lada phi ïaineh ha nga, bad ki ktien jong nga ki ïaineh ha phi, ïa kaei kaei ruh ba phi mon, phin pan, te kan long ïa phi. 8#Mat. 5:16.Ha kane la pyndonburom ïa U Kpa jong nga, ba phi sei soh shibun; kumta, phin long ki synran jong nga. 9Kumba U Kpa u la ieit ïa nga, kumta nga ruh nga la ieit ïa phi; to phin ïaineh ha kata ka jingieit ka jong nga. 10#Ïoan. 14:15; 1 Ïoan. 5:3.Lada phin sumar ïa ki hukum jong nga, phin ïoh ïaineh ha kata ka jingieit jong nga; kumba nga keiñ, nga la sumar ïa ki hukum uta U Kpa jong nga, bad nga ïaineh ha ka jingieit jong u. 11Nga la kren ïa kine kiei kiei ruh ha phi, ba ka jingkmen jong nga kan ïoh long ha phi, bad ba ka jingkmen jong phi kan long kaba dap.
12 #
Ïoan. 13:34; 15:17; 1 Ïoan. 3:23; 2 Ïoan. 1:5. “Kane ka long ka hukum jong nga: Ba phin ïa-ieit paralok hi, kumba nga la ieit ïa phi. 13#Rom. 5:7; Ïoan. 10:11.Ym don uba don ka jingieit kaba kham khraw ïa kane, ba uwei u aiti noh ïa la ka jingim na ka bynta ki lok jong u. 14#Luk. 12:4.Ma phi, phi long ki lok jong nga, lada phi leh kat kiba nga hukum ma nga ïa phi. 15Ngam khot shuh ki shakri ïa phi, naba u shakri um tip ïa kaei ba u leh u kynrad jong u: hynrei, nga la khot ‘ki lok’ ïa phi, namar ïa kiei kiei baroh kiba nga la ïohsngew na U Kpa jong nga, nga la pyntip ha phi. 16#Ïoan. 6:70; 13:18; 14:13; 16:23.Phi, phim shym la jied ïa nga, hynrei, nga, nga la jied ïa phi, bad nga la thung ïa phi, ba phi phin ïoh ïai-leit bad sei soh, bad ba u soh jong phi un ïoh ïaineh; ba kaei kaei ruh ba phin pan na uta U Kpa ha ka kyrteng jong nga, un ai ha phi. 17Ïa kine kiei kiei ruh nga la hukum ha phi, ba phin ïa-ieit paralok hi.
Ka jingshun jong ka pyrthei
18 #
Ïoan. 7:7; 1 Ïoan. 3:13; Mat. 10:22; 24:9. “Lada ka pyrthei ka shun ïa phi, phi tip ba ka la shun ïa nga mynshuwa ïa phi. 19Lada phi la long na ka jong ka pyrthei, kata ka pyrthei kan da ieit ïa la ka jong; hynrei, naba phim long na ka jong ka pyrthei, hynrei, nga, nga la jied ïa phi na ka jong ka pyrthei, namar kata keiñ, kata ka pyrthei ka shun ïa phi. 20#Ïoan. 13:16; Mat. 10:24; Luk. 6:40; 1 Kor. 4:12; Ki Kam. 4:17; 1 Pet. 4:14; Jpw. 2:3.To kynmaw ïa kata ka ktien kaba nga la ong ma nga ha phi, ‘U shakri um long uba kham khraw ïa u kynrad jong u.’ Lada ki la lehbeiñ ïa nga, kin lehbeiñ ruh ïa phi; lada ki la sumar ïa ka ktien jong nga, kin sumar ïa ka jong phi ruh. 21Hynrei, ïa kine kiei kiei baroh kin leh ïa phi na ka bynta ka kyrteng jong nga, naba kim ithuh ïa uta uba la phah ïa nga. 22#Ïoan. 9:41.Lada ngam shym la wan bad la kren ha ki, kin ym da la don ka pop: hynrei, mynta, kim don ka jingkrendong shuh ïa la ka pop. 23Uta uba shun ïa nga, u shun ïa U Kpa jong nga ruh. 24Lada ngam shym la lah leh hapdeng jong ki, ïa ki jingleh ïa kiba ym don uwei pat uba la leh, kin ym da la don ka pop; hynrei, mynta, ki la ïohi, bad ki la shun ruh ïa nga bad ïa U Kpa jong nga. 25#Salm. 35:19; 69:4.Hynrei, kane ka jia, ba yn ïoh pyndep ïa kata ka ktien kaba la thoh ha Ka Hukum jong ki, ‘Ki la shun ïa nga khlem daw.’
26 #
Ïoan. 14:16,26; 16:7; 1 Ïoan. 2:1; 5:7. “Hynrei, ynda la wan uta U Nongpyntngen, ïa uba nga ngan phah ha phi na U Kpa, ïa U Mynsiem ka jingshisha keiñ, uba mih noh na U Kpa, uta keiñ un phla shaphang jong nga. 27#Ïoan. 19:35; 21:24; 1 Ïoan. 4:14.Bad phi ruh phin phla, naba phi la don lem bad nga naduh kaba mynnyngkong.
The Bible Society of India