ÏOANNIS 14
14
U Jisu u long ka Lynti sha U Kpa
1 “Wat khih khuslai na ka dohnud jong phi: to ngeit phi ha U Blei, to ngeit ha nga ruh. 2#Ïoan. 13:33.Ha ka ïing U Kpa jong nga don bun ki pulit#14:2 ki pulit: Hangne, kine ki kyntien ki kit ïa ka jingmut ki jaka. shongneh; lymda kumta, nga la ïathuh ha phi; naba ngan sa leit noh ban khreh ka jaka ïa phi. 3Ynda nga la leit noh, bad ba nga la khreh ïa phi ka jaka, ngan wan pat, bad ngan shimti ïa phi ha lade hi, ba ha kaba nga long ma nga, phi ruh phi lah ban long. 4Te shaei ba ngan sa leit ma nga, phi tip, bad ïa ka lynti phi tip.” 5#Ïoan. 11:16.U Thomas u ong ha U, “Ko Trai, ngim tip shaei ba men sa leit; kumno te ngi lah ban tip ïa kata ka lynti?” 6#Ïoan. 10:9; 1:4,14.U Jisu u ïathuh ha u, “Nga uba long kata ka lynti, bad ka jingshisha, bad ka jingim de: ym don uba wan ha U Kpa, hynrei, tang da nga. 7Lada phi la lah ithuh ïa nga, phin da ithuh ïa U Kpa jong nga ruh: hynrei, naduh mynta phi ithuh ïa u, bad phi la ïohi ïa u.”
8U Philip u ong ha U, “Ko Trai, to pyni ïa uta U Kpa ha ngi, te ka biang ïa ngi.” 9#Ïoan. 12:45.U Jisu u ïathuh ha u, “Nga la long slem katta katta bad phi, bad mem pat la ithuh ïa nga, ko Philip? jar uba la ïohi ïa nga, u la ïohi ïa uta U Kpa; kumno ba me ong ma me te, ‘To pyni ïa uta U Kpa ha ngi?’ 10Mem ngeit ba nga, nga long ha U Kpa, bad uta U Kpa ha nga? Kita ki ktien ïa kiba nga kren ma nga ha phi, ngam kren na lade; hynrei, uta U Kpa uba shongneh ha nga, u hi u leh ïa ki jingleh jong u. 11#Ïoan. 10:38.To ngeit ïa nga, ba nga long ha U Kpa, bad uta U Kpa ha nga; lymda kumta, to ngeit ïa nga te na ka bynta kita ki jingleh hi.
12 “Shisha, shisha nga ong ha phi: uta uba ngeit ha nga, ïa kita ki jingleh kiba nga leh ma nga, uta ruh un leh; bad ïa kiba kham khraw ïa kine un leh, namar ngan sa leit noh ma nga sha uta U Kpa jong nga. 13#Mat. 7:7; Ïoan. 15:7,16; 16:23; Jak. 1:5.Te kaei kaei ruh ba phin pan ha ka kyrteng jong nga, ïa kata ngan leh, ba yn ïoh pyndonburom ïa U Kpa ha U Khun. 14Lada phin pan ïa kaei kaei ruh na nga ha ka kyrteng jong nga, ïa kata ngan leh keiñ.
Ka jingkular ïa U Mynsiem Bakhuid
15 #
Ïoan. 15:10; 1 Ïoan. 5:3; 2 Ïoan. 1:6. “Lada phi ieit ïa nga, to sumar ïa ki hukum jong nga. 16#Ïoan. 14:26; 15:26; 16:7; 1 Ïoan. 2:1.Nga ruh ngan duwai ïa U Kpa, te un ai ha phi ïa uwei pat U Nongpyntngen, ba un ïoh ïaisah lem bad phi ha la ka rta, 17ïa U Mynsiem ka jingshisha keiñ; ïa uba ka pyrthei kam lah ban pdiang, naba kam ïohi ïa u, lymne kam ithuh ïa u: phi, hynrei, phi ithuh ïa u, namar u ïaisah bad phi, un long ruh ha phi.
18 “Ngam iehnoh khunswet ïa phi; ngan wan pat ha phi. 19#Ïoan. 7:33.Sa tang shibit ar bit, te kata ka pyrthei kan ym ïoh khmih ïa nga shuh; hynrei, phi, phin ïoh khmih ïa nga: namar ba nga, nga im, phi ruh, phin ïoh im. 20Ha kata ka sngi; phi, phin ïoh tip ba nga long ha uta U Kpa jong nga, bad ma phi ha nga, bad ma nga ha phi. 21Uta uba don ki hukum jong nga, bad ba sumar ïa ki, uta u long uba ieit ïa nga; uta uba ieit te ïa nga, yn ieit ïa u da uta U Kpa jong nga; nga ruh ngan ieit ïa u, bad ngan pynpaw ïa lade ha u.” 22#Ki Kam. 1:13; 10:40-41.U Judas u ong ha U (ym uta u Iskariot)#14:22 (ym uta u Iskariot): Kine ki kyntien ki dei ban don hadien ka kyrteng Judas ha kane ka dkhot., “Ko Trai, namar balei ba men sa pynpaw ïa lade ha ngi, ym te ha kata ka pyrthei?” 23#1 Ïoan. 2:24; Jpw. 21:3.U Jisu u la ïathuh bad U la ong ha u, “Lada uno uno ruh u ieit ïa nga, un sumar ïa ka ktien jong nga: te uta U Kpa jong nga un ieit ïa u, bad ngin ïawan ha u, bad ngin ïasah bad u. 24Uta u bymieit ïa nga, um sumar ïa ki ktien jong nga; bad kata ka ktien ïa kaba phi ïohsngew kam long ka jong nga hi, hynrei, ka jong uta U Kpa uba la phah ïa nga.
25 “Kine kiei kiei ruh nga la kren ha phi, haba nga dang sah lem bad phi. 26Hynrei, uta U Nongpyntngen, U Mynsiem Bakhuid, ïa uba uta U Kpa un phah ha ka kyrteng jong nga, uta keiñ, un hikai ïa phi ïa kiei kiei baroh, bad un pynkynmaw ïa phi ïa kiei kiei baroh kiba nga la ong ha phi. 27#Ïoan. 16:33; Php. 4:7; Kol. 3:15; Ïoan. 20:19.Ïa ka jingsuk nga iehnoh ha phi, ïa ka jingsuk ka jong nga, nga ai ha phi, ym kumba kata ka pyrthei ka ai, nga ai ma nga ha phi. Wat khih khuslai na ka dohnud jong phi, lymne wat sheptieng. 28Phi la ïohsngew kumno nga la ong ha phi, ‘Ngan sa leit noh, bad ngan wan pat ha phi.’ Lada phi la ieit ïa nga, phin da kmen namar ba nga la ong, ‘Ngan sa leit noh sha uta U Kpa’: namar uta U Kpa u long uba kham khraw ïa nga. 29#Ïoan. 13:19.Te mynta, nga la ïathuh ha phi shuwa ba kan jia, ba ynda ka jia, phin ïoh ngeit. 30#Ïoan. 12:31.Ngan ym ïoh ïakren shibun shuh bad phi, namar u syiem jong kane ka pyrthei un wan. Hynrei, um don ei ei ruh em ha nga; 31#Mrk. 14:42; Ïoan. 18:1.hynrei, ba kata ka pyrthei kan ïoh tip, ba nga ieit ïa uta U Kpa, bad kat kumba uta U Kpa u la hukum ïa nga, kumta nga leh. To ïeng, ngin ïaleit noh nangne.
The Bible Society of India