মথি 6
6
হ·ন্নানি বিদিংও স্খিয়া
1‘‘সিমসাকবো, মান্দিরাং নিকখানা ইন্নে বিসংনি মিকখাংও দা·আ থরম দাক্কাবো; দাক্কোদে না·সংনি সালগিও দংগিবা ফাচানি না·সংনি মামুং মা·ন্নানি দংজানুয়া।
2‘‘উনি গান্দা না·আ দিল্লা-চন্নারাংনা মামুংখো হ·ন্নানি সালো বু·এ চা·গিবারাং গিত্তা দা·আ দাক্কাবো। বিসংদে মান্দিরাংচানিখো রাসংখো মা·ন্না ইন্নে থম·দাকরামচা আরো রামারাংও গিম্মিকনা হা·আইএতে হ·ন্নানিখো হ·ন্না। আংআ না·সংনা বিবিন আগানিংআ, বিসং আন·থাংথাংনি মা·ন্নানিখো মান·থকজক। 3ইন্দিবা না·আ দিল্লা-চন্নারাংনা মামুংখো হন·মিত্তিংও নাং·নি জাক্রা জাক মুয়াখো দাক্কিংআ উখো নাং·নি জাক্কাসি জাকনা দা·আ হা·আইনা হ·ন্না, 4জেদাক্কে নাং·নি হ·ন্নানিরাং মিৎথিনাও হ·ন্না গিত্তা হং·আ। ইন্দাকোদে মিৎথিনাও গিম্মিকখো নিকগিবা নাং·নি ফাগিবান নাং·নি মা·ন্নানিখো নাং·না হ·ন্নুয়া।
বি·আনি গিম্মিন স্খিয়া
5‘‘না·সং বি·মিত্তিংও বু·এ চা·গিবারাং গিত্তা দা·আ দাক্কাবো, মুয়ানা বিসং মান্দিরাংনা আন·থাংথাংখো ফিন্নিকনা ইন্নে থম·দাকরামও আরো সরক মিকখাংও চাদেংএ বি·না নামনিকা। আংআ না·সংনা বিবিন আগানিংআ, বিসং আন·থাংথাংনি মা·ন্নানিখো মান·থকজক। 6ইন্দিবা নাং·নি বি·মিত্তিংও নকনিং·আচা রি·য়াংএ দ·গা চিপচাংবো আরো মিৎথিনাও দংগিবাচা বি·বো। মিৎথিনাও নিকগিবা উয়া ফাগিবান নাং·নি মা·ন্নানিখো নাং·না হ·ন্নুয়া।
7‘‘বি·মিত্তিংও না·সং গিপ্পিন জাতরাং গিত্তা হং·গিজা নাংগিজা খাৎথারাংখো ফিল·নিফিল দা·আ আগানাবো। খু·সুক বাং·এ আগানজকোন ইসল বিসংনি বি·আখো খিন্নাচাকনুয়া ইন্নে বিসং চানচিয়া। 8বিসং গিত্তা দা·আ দাক্কাবো, মুয়ানা না·সংনি মুয়া নাংআ উখো না·সংনি ফাচা বি·না স্খাংআন বিয়া হা·আইয়া। 9উনি গান্দা না·সং ইন্দাকে বি·বো:
ও সালগিও দংগিবা চিংনি ফাগিবা,
নাং·নি বিমুংখো রংথালা ইন্নে ইনথকনা।
10নাং·নি সংনক রি·বাখানা।
সালগিও জেদাক্কে
উয়ানদাক্কে হা·গিলসাকোবা নাং·নি নামনিকা চু·সকখানা।
11চিংনি চা·না নাংআখো
দা·আলো চিংনা হন·বো।
12চিংনি সাক্কাও জেরাং অন্যায় দাক্কা,
চিংআ জেদাক্কে বিসংখো ক্ষেমা দাকজক
উগিত্তান না·আবা চিংখো ক্ষেমা দাকবো।
13চিংখো রুরাওনা দা·আ গাল্লাবো,
ইন্দিবা শয়তাননি জাকনিখো চিংখো জক্কেৎবো। 14না·সং গিপ্পিনরাংনি নামগিজাখো ক্ষেমা দাক্কোদে সালগিও দংগিবা না·সংনি ফাগিবা না·সংখোবা ক্ষেমা দাকনুয়া। 15ইন্দিবা গিপ্পিনরাংখো না·সং ক্ষেমা দাকজাওদে না·সংনি ফাআ না·সংখোবা ক্ষেমা দাকজানুয়া।
অকগুমুন চাক্কানি বিদিংও স্খিয়া
16‘‘না·সং অকগুমুন চাকমিত্তিংও বু·এ চা·গিবারাং গিত্তা মিকখাংখো দা·আ সিমফ্রাকেতে দন্না। বিসংদে মান্দিরাংনা ফিন্নিকনা ইন্নে স্খুও আরো মিকখাংও হা·দুবুখো সিত্তে রোরামা। আংআ না·সংনা বিবিন আগানিংআ, বিসং আন·থাংথাংনি মা·ন্নানিখো মান·থকজক। 17ইন্দিবা নাং·নি অকগুমুন চাকমিত্তিংও না·আ স্খুও তেলখো সিতবো আরো মিকখাংখো মিকসুবো, 18জেদাক্কে গিপ্পিনরাং নাং·নি অকগুমুন দংআখো হা·আইজা। ইন্দাকোদে মিৎথিনাও দংগিবা নাং·নি ফাগিবান নাং·খো নিকনুয়া। মিৎথিনাও গিম্মিকখো নিকগিবান নাং·নি মা·ন্নানিখো হ·ন্নুয়া।
জাংগিনি নাংবাৎগিবানি বিদিংও স্খিয়া
19‘‘ইয়া হা·গিলসাকো না·সং আন·থাংথাংনা গামজিনরাংখো দা·আ চিম্মংআবো। ইনোদে মারাম চা·আ আরো জ·ওংরাং নাসিয়েতে গাল্লা আরো চা·খক চা·উয়া। 20ইন্দিবা সালগিও মারাম চা·জা, জ·ওংরাং রাতজা আরো চা·খকবা চা·ওজা। উনি গান্দা সালগিও আন·থাংথাংনা গাম চিম্মংবো, 21মুয়ানা জেও নাং·নি গামজিনরাং দংনুয়া নাং·নি গিসিকবা উয়োন দংনুয়া।
22‘‘মিক্রোন বে·এননি চাক্কি। উনি গান্দা নাং·নি মিক্রোন নাম্মোদে নাং·নি বে·এন গিম্মিকান থেং·সুুনুয়া। 23ইন্দিবা নাং·নি মিক্রোন নামজাওদে নাং·নি বে·এন গিম্মিকান আন্দালনুয়া। নাং·নি নিং·আও দংগিবা সেং·আ আন্দালান হং·ওদে উয়া বাদাকগিবা আন্দালা হং·নুয়া!
24‘‘দারাংবা নকগিবা সাকগ্মিনি নকখল হং·না মান·জা, মুয়ানা বিয়া সাকসাখো মিৎচিনুয়া আরো সাকগিপ্পিনখো খা·সানুয়া। বিয়া সাকসাখো নামনিকনুয়া আরো সাকগিপ্পিনখো চন্নিকনুয়া। না·সং ইসলনি আরো গামজিননি নকখল হং·না মান·জা।
25‘‘উনি গান্দা আংআ না·সংনা আগানিংআ, মুয়াখো চা·নুয়া-রিংনুয়া ইন্নে না·সংনি জাংগিনা বা মুয়াখো গান্নুয়া চিন্নুয়া ইন্নে না·সংনি বে·এননা দা·আ সিমব্রাবো। চা·না রিংনাসান জাংগি হং·জা আরো গান্না চিন্নাসান বে·এন হং·জা।
26‘‘সাক্কানি দো·দ্রাংখো নিবো, উরাং গামজা, রাতজা, জামওবা চিম্মংজা, ইন্দিবা না·সংনি সালগিনি ফাগিবা উরাংনা চা·আনিখো হ·ন্না। না·সং উরাংনা বাত্তে নাম্মেন গামচাতজামা? 27না·সংনি গিসেপো চানচিয়েমুং সা আন·থাংনি জাংগি থাংআনি বিলসিখো ঘণ্টাসানা বাত্তেতনা মা·ন্না?
28‘‘গান্না-চিন্না মুয়ানা চানচিয়া? হা·বানি বিবালরাং বাদিকে দাল·রোরোআ উখো চানচিবো। উরাং গামজা, খিলদিংবা সাকজা। 29ইন্দিবা আংআ না·সংনা আগানিংআ, শলোমন রাজা বিনি রাসং গিম্মিকো দংএবা ইরাংনি গি·সা গিত্তাবা নিথুয়ে আন·থাংখো গান্নেতনা চিন্নেতনা মান·জাজক। 30দা·আলো হা·বাও দংগিবা জে সামচেংরাংখো আম্বুনো চুদাপো গাল্লেতনুয়া, উখো ইসল ইন্দাকে থারিওদে ও বিবিরা·ব্রিগিজাগিবারাং, বিয়া না·সংখোবা উনা বাত্তে গান্নেত-চিন্নেতনুয়া। 31উনি গান্দা ‘মুয়াখো চা·নুয়া’ বা ‘মুয়াখো গান্নুয়া’ ইন্নে দা·আ চানচিয়াবো। গিপ্পিন জাতরাংআন ইরাংখো রা·এ চানচিয়া; 32ইয়া গিম্মিকখোন না·সংনা নাংআ ইন্নে না·সংনি সালগিনি ফাগিবা হা·আইয়া। 33ইন্দিবা না·সং স্খাংআন ইসলনি সংনক আরো বিনি হা·সিকা গিত্তা রি·না হাম·চেংবো। ইন্দাকোদে উয়া বস্তুরাংখোবা না·সং মা·ন্নুয়া। আম্বুন সালনা দা·আ চানচিয়াবো; 34আম্বুন সালনি চানচিয়াখো আম্বুননান দন্নারিবো। সালনি নেং·আ উয়া সালনান চু·য়োংআ।
Àwon tá yàn lọ́wọ́lọ́wọ́ báyìí:
মথি 6: GLNT
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
This translation was published by The Bangladesh Bible Society in 2004 © BBS 2004.
