Rioiatatokenti Luc 17
17
Tsiatak-aton iaȣenre teioteriȣasonterakȣen Oriȣatokenti tsini hoiaton Roiatatokenti Luc.
1ETHONE ne Iesos ȣasakaȣenhase no raotiokȣa: iatekakonte nehne tsi tenhiontateriȣaientaten; nok rotentasere onka enshakoriȣaientaten.
2Senha ioianere tsi katheta ȣatenenhiarakȣa ahon-ȣanenhianiionthase nok kaniatarhen iahonȣaiator i, tsiniiot nasakoriȣaientaten enskat nʼeksaokonha.
3Seȣatatenikonrarak kati: tokat tetsiatennonte…o enhianikonraksate, hestsiatteten; tokat enshatatre-ȣate, sasanikonrhen ki oni nise.
4Tokat tsiatak niioriȣake seȣennisera aianikonraksate, nok ok oni khe niioriȣake tahontare nok aiarori ahenron: skatateriȣastani, sasanikonrhen.
5Ethone no Ratikȣekonne ȣahonȣenhase no Roianer: Takȣaiestas ne teȣotakon.
6Nok ne Roianer tahenron: arahona tsini kanenha notsinekȣar nikatsinetaroten niȣa aesoȣaientake ne teȣetakȣen: Iah othenon tehken aeseȣenhase kehiken kerhite: ȣatenaharostsi nok kaniatarake iekaniotann; nok ensoȣaȣennarakȣe.
7Onka oni tsinitsion ahonnhatseraientake kenȣen-tatie ahoioteke ok ne ens katsenen asakononnatieseke, nok iahoken tontare oksaok ahaȣenhase: atek-kȣaratserakta iset nok tesastskahon.
8Toka kenh ahaȣenhase: Takekhonnien, sateniionten, nok takckkȣacrhas tsiniiore ienȣakatane oni onȣakehniatanaȣen; Ethone onen nise tensastskaon ensnekira oni?
9Neh kenh enhatonnrakȣate ne konh kannhatsera tsi eh nahaiere tsiniiot tsi ronȣannhaon? ikere iah onte.
10Eh kati oni niso niiot, nonen enseȣariȣaierite tsi neniestsinnhaon, seȣenron: iah othenon teiakȣa-tonron; aseken neki ok nonkȣaiotensera ionkȣaioten-hon.
11Nok nonen Jerusalem siiahaȣenonhatio tsite-hontonȣentsiakhenhatie ne Samari tanon ne Galile niiahare.
12Onen thoha siiaraȣe ionatakȣenrare, oieri nihati rotiststaȣis ȣathonterane, ihnon kati ok tontahatitane.
13Nok ȣathotihenrete, nok ȣahonniron: Iesos, Saianer! askȣentenre.
14Nok nonon sasakoken, ȣasakaȣenhase: ȣaseȣe, Ratitsihenstatsine iahasene. Nok tsniiore niiahone-nonhatie eh sahatiieȣentane.
15Nok saiatat, akȣa neok Sahattoke sahaieȣentane, sahakoto tehononȣeronnionne ne Niio tsinihaȣenna raȣennotatie;
16Nok rasitakta ne Iesos sahatiskȣentaron teho-nonȣeratons. Samaritan tohiken nakaiatoten.
17Ethono ne Iesos tahatati, ȣahenron: Iah kenh toshotiieȣentaon noieri nihati, kah kati niiehonenon ne tioton sekon nihati?
18Neok kenh kehiken nok thihate tontahononȣera-tonne ne Niio.
19Ethone ȣahaȣenhase; testann, nok sasatenti; neh sesatsiente tsi tisetakon.
20Onen oni Pharisian ȣahonȣariȣanontonse, katke enȣaȣe ne Niio raonakerasera, tontasakoȣennaȣeron, ȣahenron: iah nah sotsi ok ihnon, taontontrori nonen onȣaȣe ne Niio raonakerasera.
21Iah oni naha taiahiron: Kenh ȣahi ihres; ok ne ens kenh ȣahi itres. Aseken nonȣa teseȣaiatokens-son ihȣes ne Niio raonakerasera.
22Ȣasakaȣenhase oni ne raotiokȣa: ienȣatenniseri-heȣe tsinonȣe nenseȣaskaneke naoseȣatkatho enskat oni nonkȣe Roienha raȣennisera; nok iah kitanon teseȣatkathosere.
23Nok enhietsirori enhiahiron: kentho ihres; tokas oni kenh nonkati itres. Tosa ki tanon eh niiahasene, tosa oni ietsinonteratieson.
24Asoken tsiniiot nateȣancnnekaraȣe, tekaron-hiiakta tsi kahniararha, eh kati oni nehne nenhiaȣenne nonon tentre nonkȣe Roienha.
25Niarekȣe ki tanon eso enharonhiaken, enhonȣa-teȣenteto oni ne kenh kaȣatsirate.
26Tsiki niiaȣenhon Noë sihotenniseratenion; eh kati oni nehne nenhiaȣenne nonkȣe Roienha enho-tenniserateke.
27Teiakostskaonkȣe oni ienekirhakȣe, iakohniakskȣe oni teiontateniaktennihakȣe tsiniiore iahata-ȣeiato no Noë rahohonȣakon; nok tonhnohton akȣekon oni ȣahakorio.
28Eh oni niiaȣenhon sihotenniseratenion ne Lot: teiakostskaonkȣe, ienekirhakȣe, iehninonskȣe, ion-tenninonskȣe, ieienthoskȣe, nok iontenonsonnianion-skȣe.
29Nok tanon nonon sontahaiakenne no Lot tsi kanataien ne Sodom; Otsire iontenatentasta tekaieston ȣahokennore akȣekon ȣahakorio.
30Etho kati oni nehne nenhiaȣenne nonen ienȣa-tenniseriheȣe nonkȣe Roienha raȣennisera.
31Neh nonȣe teȣenniserate, onka kanonsake en-haratake, nok ne raoȣenssonha kanonskon tkakeron, tosa tethastsnent naonsahakoha; nok ne kahotakon ienhreseke, tosa shakoha tsinahoten tkaieri ne kanonskon.
32Saseȣeiarann tsini ioiataȣenhon ne Lot ronekenha.
33Onka enhaskennha tsi ronnhe, enhotonse; nok nʼenhateȣentete hensronnhete.
34Ȣakȣarori neh nonȣe teȣasontate teniiase onhni-nastseke skanaktatne: saiatat enhonȣaiena, nok enhonȣatkaȣe ne saiatat.
35Tekeniiase tsionathonȣisen enskatne enkenithetake: skaiatat enkonȣaiena nok enkonȣatkaȣe ne skaiatat.
36Teniiasse kaehtakon enneseke, saiatat enhonȣaiena, enshonȣatkaȣe ne saiatat.
37Tontahonȣaȣennaȣeron ȣahonniron: kah ne kenh nonȣe Saianer eh nenhiaȣenne? Tontahenron: akȣa tsi ok nonȣe nenhioiataststokotonke nonkȣe kenha eh oni nonȣe nenkontkennisa nʼAkȣeksokon.
Àwon tá yàn lọ́wọ́lọ́wọ́ báyìí:
Rioiatatokenti Luc 17: MOH1880
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Published by the British and Foreign Bible Society in 1880.
