Rioiatatokenti Luc 16
16
Iaiak-aton iaȣenre teioteriȣasonterakȣen Oriȣatokenti tsini hoiaton Roiatatokenti Luc.
1Ratonhaȣe oni ne Iesos: saiatat ne rostsokoȣa enskat ronnhatseraien ne rororoki ȣahonȣariȣarho rotiesatenni no raoȣenksonha.
2Iahononke, ȣahaȣenhase: oh nahoten keriȣa-ronkas nise sariȣake? Skontseraseronni kati tsiniiot tsi saterihonte; aseken iah ki sekon noia kenh tiiaon-sasiere nakaȣonk sonha.
3Ȣahenron no kenh raroroks no raȣerientakon: oh natenhiaȣennekenha onense ȣahi no raiatakȣeniio sahakeriontako tsi Kaststeristakȣe ne raoȣenksonha? iah takkȣeni nonȣentsia kenh nakiere, nok katehens ne takastsarite.
4Ȣakatorientare tsi nenkiere naontetsenri ne taionkarhoton tsi rotinonsoton nonen entsionkerion takȣen.
5Ethone akteson tsi iasakohnonkhon ne ronatkaroton, ȣahoriȣanontonse ne rahente, ȣahenron: Toh nikon iakarotani nakkosȣe?
6Tontahenron: Enskat teȣenniaȣe nikanakȣake kenhie. Nok ne raroroks tontahenron: Satsiena no saiatonsera, nok kenh sanistskȣaron oiah sasonni ȣisk ok nenseȣassen.
7Tihaiatate sahoriȣanontonse: ok nise, toh nikon satkarote? Enskat teȣenniaȣe nikaȣinotserake onatsia. Nok ne raroroks tontahenron: satsiena ne saiatonsera, nok oiah Sasonni ne satekon niȣassen.
8Nok ne Rostsokoȣa, ȣathorensaron ne raonnhatsera iah tehoriȣatoken, neh tsi nihaȣeiente tsi nahaiere, aseken nonȣentsiakekha akoienhokonha senha iontatenikonrare tsinikariȣes iakonnhetie, tsiniiot ne kasȣathetsera akoienhokonha.
9Nok nii kȣaroris oni, seȣatenroseronni ne ȣastso-koȣatseraksen, aiaȣens nonen enseȣatokten, taiestsi-iarhoton rahotinakeraserakon iatekakonte.
10Onka roriȣatoken tsinonȣe niioriȣaha roriȣato-ken ki tsinonȣe niiorihoȣanens; nok no iah tehoriȣa-token tsinonȣe niioriȣaha, iah ki tehoriȣatoken tsinonȣe niiorihoȣanens.
11Tokat kati nonȣa iah tosariȣatokenne tsinonkati ne ȣastsokoȣatseraksen, onka kati enhiesatakȣennia-ienhase noriȣiio, ȣastsokoȣatseriio oni?
12Tokat oni nonȣa iah tesariȣatokon tsinonȣe nakoren akoȣenk, onka kati entieson ne saȣenk?
13Iah tahakȣeni ne rannhatsera tekeni taokosȣe-tseraientake; aseken tokat saiatat enhosȣen, nok enhonoronkȣe ne saiatat; tokat enhokonnienste saiatat, enhokenron ne saiatat iah kati oni niso taonton ne Niio hatsiseȣaiotense tanon Otkon.
14Tsinihati ne Pharisian ronataonsatokȣe tsinahoten ȣahenron ok tahonȣaieron aseken rohnasken-nhasene ne rononha.
15Ȣasakaȣenhase kati: Iseȣere kinise Seȣaianerese nonkȣene; nok tanon ne Niio akȣekon raienteri tsini seȣeriasotens; Aseken tsinikon ioriȣanoronsta nonkȣe okon akȣekon roriȣaston ne Niio.
16Kaianerensera tanon Rotitokenseakȣe ȣatatiene tsiniiore ne San. Nok eh nahe tiotasaȣe onon kariho-ȣanaton ne Niio raonakerasera; akȣekon ok oni iakoskennhen niaiontaȣeiate.
17Senhase ȣatiesen taontohestste tsi karonhiate oni tsi ionȣentsiate tsiniiot ne skaiatonkȣa aiohsense tsini kaiaton ne kaianerensera.
18Onkakiok enshatekȣatc ok ne ens tenshiatekhasi nok oia enshoniake, enhariȣanerake kentesera, nok onkakiok enshatateniakten ne skonȣatekȣaton enhariȣanerake kentesera.
19Saiatat oni naha ne rokȣastsekoȣa; neok no kanoronson rastseronniatakȣe, neok oni ne niateska-kkȣiiosson irakskȣe ok tiiateȣenniserake.
20Saiatat oni nerotent Lazar ronȣaiastskȣe tsi ronnhokaronte ne rokȣastse rahiationnikȣe, raiata-kȣekon roststaȣiskȣe.
21Raskaneksȣe narahona neh ahrake ne tkaniserens rahotekkȣarane ne rokȣastso, iah tanon onka tehonȣaȣiskȣe; erhar ok eh kontikȣattoskȣe nok kontikanonetskȣe tsi roststaronnion.
22Khare onen Sarenheie ne rotent, Ratironhiakeronon iahonȣaiatenhaȣe ranaskȣakon nʼAbraham; Sarenheie oni nehne ne rokȣastsekoȣa nok ȣahonȣa-iatata.
23Nok nonen sihotetsiraton, oni Onesson roronhiaken, ȣahatarakestsko, nok ihnon iahoken Abraham, nok ranaskȣakon eh thotonnhahere ne Lazar.
24Ȣathohenrete, ȣahenron: Rakeni Abraham, askitenre, ahontastsiatori ne Lazar, aȣenke iataha-nisnonsoȣe nok ahatieȣenthotakȣe Rennasake; aseken iah tiiaieriȣaheȣe tsini ȣakeronhiaken kehiken kenh nonȣo otonkokon.
25Tontahoȣennaȣeron nʼAbraham ȣahenron: Kien saseiarann tsi sastsokoȣane nonȣentsiake nok ne Lazar eso roieshaon, onȣa kati nehne nonȣa onen rotsennonni, nok niso ioronhiakentastsanit saronhiakentha.
26Iah ki oni neok toioriȣa ioshonhioȣanen tsi ioton-ȣentsiiakon ne teionkȣakhasiaton; nese ȣaonni iah teseȣatons ne kentho iaiontenti nok eh iaien tsi tesiteron, iah oni neh aontaiontenti nok kentho nahontaien.
27Nok nerokȣastse, ȣahenron: ȣakonneken kati Rakeni Abraham, iahonsastsiatori ne Lazar rakenineha.
28Aonsasakororiana ne ȣisk nateiakȣatennontere aontonsseke tosa aiakȣariskon.
29Tontahenron nʼAbraham: sakotiȣennenhaȣe ne Moïs oni ne Rotitokense, neh ratiser.
30Sekon tontahenron ne rokȣastse: tosa, rakeni Abraham; toka se nonȣa enshontatreȣate nonka kiok iakaȣenheion ahonsahonȣatiroriana,
31Nok nʼAbraham tontahenron; tokat iah ten-hontahonsatathe tsini honen ne Moïs oni ne rotitoken-senakȣe, iah kisenha tahontahonnetakȣe naonsasakotiken aonsaiontonnhete niakaȣenheionne.
Àwon tá yàn lọ́wọ́lọ́wọ́ báyìí:
Rioiatatokenti Luc 16: MOH1880
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Published by the British and Foreign Bible Society in 1880.
