Intaliko 36
36
Ikwata lyakwe Esau
(1 Imilandu 1:34-37)
1Waa awanakwe Esau (wino we Edomu). 2Esau watwazile awanachi wa mu Kenani: Ada umwana wakwe Eloni umu Hiti, Oholibama umwana wakwe Ana umwanakwe Zibeoni umu Hivi, 3Basemate umwanakwe Ishumaeli, inkazi yakwe Nebaioti. 4Ada wapafile kwe Esau Elifazi; 5Basemate wapafile Reueli; Oholibama wapafile Jeusi, Jalamu nu Kora. Waa walinji awanakwe Esau wane wakwasile munsi ya Kenani.
6Achaleka Esau asenda wachi, awanakwe awalumendo na wakazyana, na wantu wonsi awa mu ng’anda yakwe, ni vitekwa ni vinyamana, ni nsawo yakwe yonsi yino walinji nayo munsi ya Kenani, alungama kunsi yinji ukutali nu munyina e Jekapu. 7Muno a kuvulisya kwa nsawo yawo achipota ukwikala apaliponga; swinya chawatalizile ukusokola ivikwato vyawo vyonsi apaliponga muno akuvulisya. 8Achaleka Esau wayile ayikala mu mwamba wakwe Seiri. E Esau awili Edomu.
9Lyoo alikwata lyakwe Esau e Yisi wa wina Edomu munsi ya mwamba wakwe Seiri. 10Yaa amazina ya wanakwe Esau awonsi: Elifazi umwanakwe Ada e muka Esau, Reueli umwanakwe Basemate e muka Esau. 11Awanakwe Elifazi walinji we Temani, Omari, Zefo, Gatami nu Kenazi. 12Timna walinji a mpochelezi yakwe Elifazi umwanakwe Esau; nawe apapa Ameleki kwe Elifazi. 13Waa a wanakwe Reueli e muka Esau: Nahati, Zera, Shama, nu Miza. Swinya waa awana walumendo wakwe Basemate e muka Esau. 14Na waa awana walumendo wakwe Oholibama umwana mukazyana wakwe Ana umwanakwe Zibeoni, e muka Esau, wino wamupapizile Jeusi, Jalamu nu Kora.
15Zyoo a zyamfumu zya mwiko wa wanakwe Esau. Awana walumendo wakwe Elifazi e katote wakwe Esau: izyamfumu we Temani, Omari, Zefo Kenazi, 16Kora, Gatamu nu Ameleki; a zyamfumu zino zyafumilizile kwe Elifazi munsi ya Edomu; awali wanakwe Ada: 17Waa awana walumendo wakwe Reueli, umwanakwe Esau: e Nahati, Zera, Sham a nu Miza izyamfumu; wanyewaa azili zyamfumu zino zyafumile kwe Reueli munsi ya Edomu; awamakwe Basemate e muka Esau. 18Waa awana walumendo wakwe Oholibama, e muka Esau: e Jeusi, Jalamu nu Kora izyamfumu; wanyewaa azili zyamfumu zino zyakwasilwe kwe Oholibama, umwana mukazyana wakwe Ana, e muka Esau. 19Waa awana walumendo wakwe Esau (wino we Edomu), na waa azili mfumu.
Ikwata lyakwe Seiri
(1 Imilandu 1:38-42)
20Waa awali wana walumendo wakwe Seiri umwina Hori wane wisile munsi yoyonye: Lotani, Shobali, Zibeoni, Ana 21Dishoni, Ezeri, nu Dishani; na waa a zyamfumu zya wina Hori, awana walumendo wakwe Seiri munsi ya Edomu. 22Awana walumendo wakwe Lotani walinji we Hori nu Hemani; inkazi yakwe Lotani walinji we Timna. 23Waa awana walumendo wakwe Shobali: Alavani, Manahati, Ebali, Shefo, nu Onamu. 24Waa awana walumendo wakwe Zibeoni: Aiya nu Ana. We Ana wino wazanile ivifula vya minzi malungule mu mavunje pano wachemanga indokwe zyakwe yisi e Zibeoni. 25Waa awanakwe Ana: Dishoni nu Oholibama umwana mukazyana wakwe Ana. 26Waa awanakwe Dishoni: Hemudani, Eshibani, Itirani nu Kerani. 27Waa awana walumendo wakwe Ezeri: Bilihani, Zavani, nu Akani. 28Waa awana walumendo wakwe Dishani: Uzi nu Arani. 29Zyoo a zyamfumu zya wina Hori: imfumu Lotani, Shobali, Zibeoni, Ana, 30Dishoni, Ezeri nu Dishani; azili zyamfumu zya wina-Hori ukulingana ni miwele ya myiko ya munsi ya Seiri.
Imfumu zya mu Edomu
(1 Imilandu 1:43-54)
31Zyoo a zyamfumu zino zyapanzyanga munsi ya Edomu, pano kwachilinji ukuwa imfumu ya kupanzya awa Israeli 32E Bela umwanakwe Beori awino walinji we kapanzya mu Edomu, ni zina lya kaya kalinji we Dinhaba. 33Bela afwa nga Jobabi umwanakwe Zera uwa mu Bozera apyana. 34Jonabi nawe afwa, nga Hushamu uwa munsi ya Temani apyana pa wufumu. 35Nawe Hushamu afwa, nga Hadadi umwanakwe Bedadi wino wachimvizye awinaMidian munsi ya Moabu apyana, ni zina lya kaya kalinji we Aviti. 36Nawe Hadadi afwa, Samula uwa mu Musreka apyana; awapanzya. 37Nawe Samula afwa ngapano e Shauli wa ku Rehoboti pa luzi lwakwe Yufureti apyana. 38Shauli afwa, nga Balahanani umwanakwe Achiboro apyana. 39Balahanani umwanakwe Achiboro afwa ngapano Hadara apyana, ni zina lya kaya kalinji we Pawu; ni zina lya muchi walinji we Megetabeli umwana wakwe Matredi, umwana mukazyana wakwe Mezahabu.
40Yaa amazina ya zya mfumu zyakwe Esau ukulingana nu mwiko wakwe na masyo yakwe, amazina ya zya mfumu we Timna, Aliva, Jeteti, 41Oholibama, Ela, Pinoni, 42Kenazi, Temani, Mibizara, 43Magidieli nu Iramu; zyoo a zya mfumu zya mu Edomu (wino we Esau e yisi wakwe Edomu) ukulingana ni miwele yawo, mu masyo yano wikalanga mwenemo.
Àwon tá yàn lọ́wọ́lọ́wọ́ báyìí:
Intaliko 36: WWN82
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Chinamwanga Bible © United Bible Societies, 1981.