Oseas 10
10
Wayinj raw bkuy ke beꞌnn Israel ka'
1Israelen naken ka to lba uvas,
na keten llbiachachen daxhixen,
yezikre llune bkuy ga llwerawe'e,
keten yellriw ke'en naken nbarazlle
yezikre nbaraz nak yaj ka' lloeraw aken.
2Raxhdao Israelen naken chopre,
na chixhje'e ke daxhinj ke'e ka'.
Xanllon wachinje raw bkuy ke ake' ka',
rente yaj ka' lleoraw aken wlleyie'e.
3Na be'nn yell ki ne' ake':
Bi zu beꞌnn wnebia keto,
le bi llapto baran Xanton.
Axha ¿Bixha gak gun to be'nn wnebia konen neto' cha'?
4Kon to llne' xhene,
na wchajlle'e di'll, na bi walarawen,
yel korchis ke'en gaken ka to yix ray,
da llra' radj xhork ka' sjade lixen.
5Beꞌnn Samaria ka' to xhis ake'.
bell ake' ni ke dan ba bnit bellen lloeraw ake' gan nzi Bet-avén.
Ni ke leban llakre
beꞌnn yell ka' na bxus ka',
le dan llze keban ba bniten.
6Rente bellen wache ake' Asirian
nench'na we akeba be'nnen llnebian.
Konen ka Efraín'na sie'e yelsdo:
Israelen wayere'e ke naken ba berawe'e loe lsak ke'en.
7To waranze be'nnen llnebia Samarian
kakse to bikw dao daze raw nis.
8Wayinj yoda'o ka' gan lleoraw ake' loe lsaken
gan yell Israelen llune daxhinj ke'e ka'.
Raw bkuy ke ake' ka' chiw yay yiech,
na beꞌnn ka' ye ake' ya' ka': Leutekw neto',
na ya' yeo ka', le wxaj neto'.
Dan ba bdichjbia Xanllon ke Israelen
9Ki ne Xanllon:
Israelen bine wsankse llune daxhinjen,
Guibeá naten bzurawe llunen.
Raw daxhinj ke ake' naksen ne' da ake',
ke lenan wdilen
wallajxhenen be'nn mar kaꞌ lla gan nzi Guibeán.
10Wsakzia yell ni kon ket nada' yenla.
Wadup be'nn ka' sjalla latj yellriw ka' yela nench'na gakdilren ake' le ake'
keten nada' wsakzia le aken xtol da mar xhen'na llun aken.
11Efraín'na nake'e ka to bak ba'ba nmaxh
na llawere kueje'e xha trigon.
Nadaꞌ ba bxoa yuk
kull yene' nbarazen,
nench'na wse'e karreten,
na Judán goxe'e rraden,
na Jacoben wape'e raw yellri'on.
12Gulla le ake': le gaz yel korchis keren
na le warap yel nllie.
Le wayun xnid raw yu lix keren nench'na gazren dayubre,
le ba bllin lla wayirjre Xanllon,
llinte lla ket wayede'e na zanse'e
yejw da nsa yel wazra ke re'.
13Axha re' ba guzre da mar,
na ba barapre zre daxhinj,
na ba bdawre daxhixh ke da wxhiyen.
Ni ke dan bxenlallo karret ka' llajreno raw wdilen,
na dan bxenlallo be'nn zan waka ya' ko'o ka',
14gak dane' radj be'nn ko'o ka',
na yeololte ze war ko'o ka' wayinj aken,
kan ben be'nn wnebian nzi Salmán blleyie'e Bet-arbel
llan guk wdilen,
kan bchochj ake' bida'o ka' rente xna akbe ka'.
15Kayansen gak kone re'
be'nn sjalla Betel,
xtol daxhinj xhen ke re' ka'.
Be'nnen llnebia Israelen
to chenize le kweyite'e.
Àwon tá yàn lọ́wọ́lọ́wọ́ báyìí:
Oseas 10: ZPUPAT
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀