MALKU 9
9
1E SỌ dọ hlan yé, dọmọ, Nugbo wẹ yẹn dọ hlan mì, Mẹdelẹ tin to omẹ he tin to ofi lẹ mẹ, he ma na dó okú pọ́n, kaka yé nado mọ ahọludu Jiwheyẹwhe tọn wá to huhlọn mẹ. 2Azán ṣidopo godo, Jesu yí Pita, Jakobu, po Johanu po do e de, bo sọ hen yé wá biọ osó de mẹ to apadopo na yéde: yè sọ diọ ẹ to yé nukọn. 3Avó etọn sọ lẹzun sisémlanmlan, é wé gbahugbahu; sọmọ bọ avọ̀yantọ to aihọn mẹ de ma sọgan hẹn yé wéwé. 4Eli po Moṣe po sọ awúhia to yé de; yé sọ to hódọ hẹ Jesu. 5Pita sọ gblọn bo dọ hlan Jesu, dọmọ, Mẹplọntọ, é yón na mi ni nò ofi: gbọ mí ni dó gohò atọ̀n; dopo na hiẹ, dopo na Moṣe, podọ dopo na Eli 6Na é ma yón ehe é na dọ; na obu di yé talala wutu 7Aslọ dè sọ wá bo ṣinyọn yé ji; ogbè de sọ tin sọn aslọ lọ mẹ, bo dọmọ, Ehe wẹ Ovi yiwanna ṣie, mì nọ sè etọn. 8Pinpón lédo ajiji, yé ma mọ mẹde ba, adavo Jesu dopokẹdẹ po yólọsu po.
9Le yé to tejẹ sọn oso ji, é dosénna yé dọ, yé dọ onú he yé mọ na mẹde blo, kaka Ovi gbẹtọ tọn nado fọ́n sọn osiọ lẹ mẹ. 10Yé sọ yí ohó lọ whlá to yéde homẹ bo sọ to kinkanbiọ yénọzo dọ, etẹwẹ fọ́nsọnku na yín. 11Yé sọ kanbiọ ẹ dọmọ, Etẹwutu wẹ wekantọ lẹ domọ, Eli whé whé wẹ na wá? 12E sọ gblọn bo dọ hlan yé, dọmọ, Eli nugbo whẹwhé wẹ na wá bo na hẹn onu lẹpo gọ do tẹnmẹ; podọ le yè wlan na Ovi gbẹtọ tọn wutu dọ, é ma sọgan nọ ma jiya na onú susu, podọ yè na gbé ẹ dai. 13Ṣigba yẹn dọ hlan mì, dọ, Eli ko wá, yé ko sọ wà nudepope he yé jlo do e, dile yè wlan na etọn wutu do.
14Whenuena é wá nuplontọ etọn lẹ de, é mọ gbẹtọ susu lédo yé, wekantọ lẹ sọ to nukanbiọ yé. 15Afọdoponẹji whenuena agùndaho lọ lẹpo mọ ẹn, avo vo yé talala, yé sọ dowezun yì e de bo dọnúdo e 16E sọ kanbiọ yé dọmọ, Etẹwẹ mì to kinkanbiọ yé? 17Dopo son agùndaho lọ mẹ sọ gblọn nẹ dọmọ, Mẹplọntọ, yen hẹn ovisunnu ṣie he tindo gbigbọ unbọpen de wá de we; 18fìdepope e ze e te: é nọ dlẹn ẹn; é nọ to fútúfutuyẹn, é nọ to adukunkun dù, bo sọ nọ daku; yen sọ dọ hlan nuplọntọ towe lẹ na yé ni yàn ẹn jẹgbonu; ye ma sọ sọgan. 19E sọ gblọn na yé, bo dọmọ, Whẹndò mayisenọ, nawẹ yẹn na nò dẹn to mì de sọ? nawẹ yẹn na sinyẹnlin dẹh to mì de sọ? hẹn ẹn wá dẽ. 20Yé sọ hẹn ẹn wá e de; whenuena é mọ ẹn, afọdoponeji gbigbọ lọ dlẹn ẹn panpan; é sọ blijai, bo to bibíi to; aigba, to futúfutùyẹn. 21E sọ kánbiọ otọ́ etọn domọ, Nawẹ é dẹn sọ sọn whenuena ehe ko wá nẹ? E sọ dọmọ, Sọn ovu gbọn wẹ. 22Whẹ̃whẹ̃ wẹ é nọ zé e dlẹn miyọn mẹ, podọ dọ osìn mẹ, nado hù i súdo; ṣigba eyín hiẹ sọgan wà ọnú depope, wàlẹblanuna mí, bo gọalọna mí. 23Jesu sọ dọ hlan ẹn, dọmọ, Eyín hiẹ sọgan yise, onú lẹpo wẹ wiwà hlan ewo mẹhe yise. 24Afọdoponẹji otọ́ ovi lọ tọn dawhá, bo dọ po dasìn po, dọmọ, Yẹn yise; gọalọna mayise ṣie. 25Whenuena Jesu mọ dọ agùndaho de to wezundo plidopọ, é wọhẹ gbigbọ mawe lọ, bo dọ hlan ẹn, dọmọ, Hiẹ gbigbọ unbọpẹn, tókunọ; yen dọ hlan we, ton sọn é mẹ, a sọ biọ é me ba blo. 26Gbigbọ lọ sọ dawhá, bo dlẹn en, bo tón sọn e mẹ: é sọ taidi mẹhe kú, sọmọ bọ omẹ-susu dọmọ, E kú. 27Ṣigba Jesu hen alọ nẹ, bo zé e daga; é sọ fọ́n. 28Whenuena é wá biọ owhé gbè, nuplọntọ etọn lẹ kanbiọ ẹ to nuglọ dọmọ, Etẹwutu wẹ míwlb ma sọgan yan ẹn jegbonu? 29E sọ dọ hlan yé, dọmọ, Ehe hunkọ ma sọgan tọnjegbonu wá gbọn nudepope mẹ, adavo gbọn odẹ̀ po nùbla po dali.
30Yé sọ tọn sọn finẹ, bo jugbọn Galili ṣẹnṣẹn; é ma sọ jío na mẹde ni yón ẹn. 31Na é plón nuplọntọ etọn lẹ, bo sọ dọ hlan yé, dọmọ, Yè yí Ovi gbẹtọ tọn do alọ gbẹtọ lẹ tọn mẹ, yé nasọ hù i; podọ whenuena yè hù i, é na fọ́n to azán atọ̀ntọ gbè 32Ṣigba yé ma tunwun ohó lọ, yé sọ dìbu nado kanbiọ ẹ.
33Ye sọ wá Kapẹlnaumi; whenuena é tin to owhó gbè, é kanbiọ yé dọmọ, Etewẹ mì to nudòn na to mìde ṣẹnṣẹn to aliho? 34Ṣigba yé nabọẹ: na whenuena yé to zọnlinzin ja to aliho, ye ko to nudòn to yéde ṣẹnṣẹn dọ, Menu wẹ yín kiklo gbahú. 35E aọ sinai, bo ylọ omẹ wiawe lẹ, bo dọ hlan yé, dọmọ, Eyín mẹdepope jlo na yín nukọntọ, ewọ lọ wẹ na yín godotọ yé omẹ pó ton, bo sọ yín lizonyítọ yé ome pó tọn. 36E sọ yi ovi pevi de, bo zé e do yé ṣẹnṣẹn, whenuena e ze e do awà etọn mẹ, é dọ hlan ye, dọmọ, 37Mẹdepope he yí ovi pẹvi he hunkọ tọn dopo to oyín ṣie mẹ, é yí mi: mẹdepope he sọ yí mi, yen ma wẹ é yi gba, adavo ewọ he do mi hlan.
38Johanu sọ dọ hlan ẹn, dọmọ, Mẹplontọ, mìwlẹ mọ mẹde to oyín towe yí do to aovi lẹ yàn jẹgbonu, ewọ ma hodo mí: mí sọ kó nẹ̃, na é ma hodo mi wutu. 39Ṣigba Jesu dọmọ, Mì sọ kó nẹ blo: na mẹde ma tin he na wàzón jawu de to oyín ṣie mẹ, bo na sọgan yawu dọ oylan do ogo e. 40Na mẹhe ma jeàgò do mí go, mìtọn wẹ. 41Na mẹdẹpope he na osin kọfo dopo mì nù to oyín: ṣie me, na mì yín Klisti tọn wutu, nugbo yẹn dọ hlan mì, ale etọn ma na gú i gba. 42Mẹdepope he na hẹn dopo to pẹvipẹvi he yi mi sè helẹ de mẹ dahli, é bòawú nẹ̃ na yè ni bla osé do okò etọn, bo siọ ẹ do ohù mẹ. 43Podọ eyín alọ towe hẹn wé nado dahli, sán ẹn sọ; é bọawú na we na yín alosánpònọ biọ ogbè mẹ, hú na a ni tindo alọ awe yì biọ olọnzo mẹ, to miyọn he ma nọ si gbède mẹ: 44Fie owán yetọn ma no kú te, miyọn lọ ma sọ to na si. 45Eyín afọ towe sọ hẹn we nado dahli, sán ẹn sẹ; é bọawú na we na yín afọsánpònọ biọ ogbè mẹ, hú na a ni tindo afọ; awe na yè ni zé we dlẹn olọnzo mẹ, do miyọn he ma nọ ṣi gbède mẹ: 46Fie owán yetọn ma nọ kú te, miyọn lọ ma sọ to na si. 47Podọ eyín nukun towe sọ hẹn we nado dahli, sún in sè: é bọawú na we na yín nukundoponọ biọ ahọludu Jiwheyẹwhe tọn mẹ, hú na a ni tindo nukun awe, na yè ni zé we dlẹn miyọn olọnzo tọn mẹ: 48Fie owán yetọn ma nọ kú te, miyọn lọ ma sọ to na si. 49Na omẹ pó wẹ yè na yí miyọn do hẹn ojẹ pé, avọ́ lẹpo wẹ yè nasọ hẹn ojẹ pé 50Dagbe wẹ ojẹ: ṣigba eyín ojẹ hẹn otọ́n etọn bú, etẹwẹ mì na do hẹn ẹn dotọ́n. Mì do ojẹ to mìlọsu homẹ, na mì ni sọ nọnọ̀ jijọhọ hẹ minọzo.
Àwon tá yàn lọ́wọ́lọ́wọ́ báyìí:
MALKU 9: BWL23
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Holy Bible in Gun-Alada © Bible Society of Benin and Bible Society of Nigeria, 1923.
