MALKU 8
8
1TO azán nẹlẹ mẹ whenuena agùn daho lẹ sọ vó tin bó yé ma tindo núdùdù, é ylọ nuplọntọ etọn lẹ wá e de, bo dọ hlan yé, dọmọ, 2Lẹblanu agùndaho lọ tọn to wiwà mi, na é yín azán atọ̀n dinvie, bọ yé ko tin to dẽ, bo ma sọ tindo onú he yé na dù wutu: 3eyín yẹn sọ do yé hlan owhé yetọn lẹ gbè to huvẹ, onú na sikọna yé to aliho; na susu yetọn sọn ofi dindẹn wá. 4Nuplọntọ etọn lẹ sọ gblọn dọ nẹ̃, dọmọ, Fie wẹ yè na hen akla sọn do pekọna omẹ helẹ to zùngbo mẹ fi? 5E sọ kanbìọ yé dọ, Akla nẹmu wẹ mì tindo? Yé dọmọ, Ṣinawe. 6E sọ degbèna agùndaho lọ nado jagla do aigba ji: é sọ yí akla ṣinawe lẹ, bo dopé, bo kán, bo yí na nuplọntọ etọn lẹ nado yí do nukọnna yé; yé sọ yí yé do nukọnna agùndaho lọ. 7Yé sọ tindo whevi pẹvi de; é dona, bo sọ degbè nado yí yé do yé nukọn ga. 8Yé dù, bo sọ gọhò; yé sọ bé dupò he pò lẹ pli, oha ṣinawe gó. 9Yé mẹhe dù lẹ sọ yì gbẹtọ degbade; é sọ do yé hlan. 10To afọdoponẹji é biọ vàtlẹ lọ mẹ po nuplọntọ etọn lẹ po, bo wá Dalmanuta dali.
11Falesi lẹ sọ tón jẹgbonu wá bo sọ sè ọnú kanbiọ ẹ, yé to ohia de din sọn e de sọn olọn, do to whiwhle e pọ́n. 12E sọ wènhùn sisosiso to gbigbọ etọn me, bo dọmọ, Etẹwutu we whẹndo he to ohia de din? Nugbo yẹn dọ hlan mì, Ohia de ma na yín nina hlan whẹndo he gba, 13E sọ jo yé dai, bo sọ vó vàtlẹ lọ mẹ biọ bo juyì awà awetọ ji.
14Yé sọ wọnji nado hẹnakla, mọ yé ma tindo to vàtlẹ lọ mẹ to yé de hú akla dopo. 15E sọ dosénna yé dọ, Mì payi, bo ho mìde do otọ́n Falesi lẹ tọn, po otọ́n Hẹlọdi tọn po go. 16Yé sọ to linlẹn po yénọzo po dọmọ, Na mìwlẹ ma hẹn akla wutu wẹ 17Whenuena Jesu mọ ẹn hlan, é dọ hlan yé, dọmọ, Etẹwutu we mì to linlẹn, na mì ma tindo akla wutu? Be mì ma mọ kaka jẹ dinvie, mọ mì ma sọ tunwun gba? Mì sọ tindo ayiha sinsinyẹn kaka jẹ dinvie? 18Mì tindo nukun, be mì ma mọnú? mì tindo ótó, be mì ma senú? Be mì ma sọ flin gba? 19Whenuena yẹn kán akla atón na gbẹtọ degbadefọton, oha nẹmu wẹ gọ na dupò he mì bé? Yé dọmọ, Wiawe 20Podọ whenu ṣinawe lọ to gbẹtọ degbade ṣẹnṣẹn, oha nẹmu wẹ gọ na dupò he mì bé? Yé sọ dọmọ, Sinawe. 21E sọ dọ hlan yé, dọ, Be mì ma gbé tunwun lo?
22Yé sọ wá jẹ Bẹtsaida; yé sọ hẹn dawe nukuntọ́nnọ de wá e de, bo vẹvẹ nè nado do alọ e go. 23E sọ hẹn alọ na nukuntọ́nnọ lọ, bo plan ẹn jẹgbonu sọn otò; me; whenuena é túntán do nukun etọn ji, bo yí alọ etọn do e ji, é kanbiọ ẹ dọ, Hiẹ mọ núde? 24E sọ pọ́n aga, bo dọmọ, Yẹn mọ gẹtọ lẹ; di atin lẹ, yé to zọnlinzin. 25E sọ vó alọ etọn yí do nukun etọn ji, bo sọ hẹn ẹn pọ́n aga; é sọ pọ́n tlintlin, bo sọ jegángán, é sọ mọ onú lẹpo gblegede. 26E sọ do e hlan gbonu yì owhé etọn gbè, dọmọ, A yì otò mẹ blo, mọ a sọ dọ ẹ na mẹde to otò mẹ blo.
27Jesu sọ tọ́njegbonu yì po nuplọntọ etọn lẹ po biọ otò Sesalea Filippi tọn lẹ mẹ; podọ to aliho é kanbiọ nuplọntọ etọn lẹ, é to didọ hlan yé, dọmọ, Mẹnu wẹ gbẹtọ lẹ dọ yen yín? 28Yé sọ gblọn dọmọ, Johanu Baptisti; mẹdelẹ sọ dọ, Eli; ṣigba mẹdevo lẹ dọ, Dopo to yẹwhegán lẹ mẹ wẹ. 29E sọ dọ hlan yé, dọmọ, Ṣigba mẹnu wẹ mìwlẹ dọ yẹn yín? Pita sọ gblọn bo dọ hlan ẹn, dọmọ, Hiẹ wẹ Klisti lọ. 30E sọ dosénna yé dọ, yé dọhó na ewọ tọn na mẹde blo. 31E sọ só pinplón yé dọmọ, Ovi gbẹtọ tọn ma sọgan nọ ma jiya na onú susu, bo sọ yín gbigbé dai gbọn mẹho lẹ dali, po ogán yẹwhenọlẹ tọn po, po wekantọ le po bo na yín hùhù bo sọ fọ́n to azán atọ̀n godo. 32E sọ do ohó lọ do gbangba. Pita sọ hẹn ẹn bo ṣẹ̀ wiwọhẹ ẹ. 33Ṣigba whenuena é lógodo bo pọ́n nuplọntọ etọn lẹ, é wọhẹ Pita, dọ, Tón sọn godo ṣie, Satani: na hiẹ ma lẹn onú he yín Jiwheyẹwhe tọn gba, adavo onú he yín gbẹtọ lẹ tọn. 34E sọ ylọ agùndaho lọ do e de po nuplọntọ etọn lẹ po, bo dọ hlan yé, dọmọ, Mẹdepope he jlo na hodo mi, ni mọ́n ede, bo sọ zé satin etọn, bo hodo mi. 35Na mẹdepope he jlo na whlẹn alindọn etọn na hẹn ẹn bú; ṣigba mẹdepope he sọ hẹn alindọn etọn bú na yẹn tọn wutu, po wẹndagbe tọn po wutu, na whlẹn ẹn gán. 36Na ale tẹwẹ é do na gbẹtọ de, nado tindo aihọn lẹpo, bo sọ gú alindọn etọn? 37Kavi etẹwẹ gbẹtọ do na to onadiọna mẹ na alindọn etọn? 38Na mẹdepope he yè na hẹn kuwinyan ṣie tọn po óhó ṣie tọn po to whẹndo àyòdetọ podọ ylandonọ he mẹ; ewọ ga wẹ yè na hẹn Ovi gbẹtọ tọn kuwinyan etọn, to whenuena é na wá to gigo Otọ́ etọn tọn mẹ po angẹli wiwe lẹ po.
Àwon tá yàn lọ́wọ́lọ́wọ́ báyìí:
MALKU 8: BWL23
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Holy Bible in Gun-Alada © Bible Society of Benin and Bible Society of Nigeria, 1923.
