LUKU 20
20
1E SỌ wá jọ, to gbèdopo to dopo azán nẹle tọn mẹ, le é to gbẹtọ lẹ plón to tẹmpli mẹ, bo sọ to yẹwheho wẹndagbe tọn dọ, ogán yẹwhenọ tọn lẹ, po wekantọ lẹ po, po mẹho le po wa e ji, 2yé sọ dọhó, dọ hlan en, dọmọ, Dọ na mí, gbon asè té dali wẹ hiẹ do to onú helẹ wà? Kavi mẹnu wẹ ewo he na asẹ́ he we? 3E sọ gblọn bo dọ hlan yé, dọmọ, Yẹn ga na kan ohó dopọ biọ mì: mì dọ na mi: 4Baptem Johanu tọn, olọn mẹ wẹ é tin sọn, kavi sọn gbẹtọ lẹ de? 5Yé sọ to hojlẹ he yéde, dọmọ, Eyín mí na dọmọ, Sọn olọn mẹ: é na dọmo, Etẹwutu wẹ mì ma yí i se? 6Ṣigba eyín mí na sọ dọmọ, Sọn gbẹtọ lẹ de; gbẹtọ lẹpo wẹ na dlọn zannu do mí: na yé omẹ pó wẹ yè lé ayiha na dọ, yẹwhegán de wẹ Johanu. 7Yé sọ gblọn dọmọ, yé ma yọn fie é tin sọn gba 8Jesu sọ dọ hlan yé, dọmọ, Mọwe yẹn ma na sọ dọ asẹ́ he dali yẹn to onú hẹlẹ wà gbọn na mì.
9E sọ sè oló he dọ hlan gbẹtọ lẹ, dọmọ; Dawe de do vẹ̃ngle de, bo yí i hayana glesi lẹ, bo sọ yì otò devo mẹ na ojle dindẹn de. 10To osã lọ ji é do afànumẹ de hlan glesi lẹ, na yé nido na ẹn sọn sinsẹ́n vẹ̃ngle tọn mẹ: ṣigba glesi lẹ linu in, bo sọ do e hlan yì agbá. 11E sọ do afànumẹ devo hlan: yé sọ linu in ga, bo saya nẹ̃ susu, bo sọ do e hlan yì agbá. 12E sọ vó atọ̀ntọ de dohlan: ye sọ húnu in ga, bo yàn ẹn jegbonu. 13Klunọ vẹ̃ngle ton sọ dọmọ, Etẹwẹ yẹn na wà? yẹn na do ovi sunnu ṣie yiwanna hlan: é sọgan yín yé na wleyẹyina ewọ. 14Ṣigba whenuena glesi lẹ mọ ẹn, yé hójlẹ hẹ yénọzo dọmọ, Ehe wẹ whedutọ lọ: mì gbọ mí ni hù i, na ogú etọn nido yín mìtọn. 15Yé bo sọ yàn ẹn tọ́n sọn vẹ̃ngle mẹ, bo hù i. Be enẹwutu etẹwẹ Oklunọ vẹ̃ngle tọn lọ na wa do yé? 16Ewọ na wá, bo hù glesi nẹlẹ súdo, bo nasọ jo vẹ̃ngle etọn hlan mẹdevo. Whenuena yé sè e, yé dọmọ, E yín mọ blo. 17Ṣigba é pọ́n yé, bo dọmọ, Be etẹwẹ ehe yè wlanwe do,
Ozannu he didóto le gbẹdai,
Dopolò wẹ ye do basi otado holonglonen mẹ tọn?
18Medepope he jai jẹ ozannu nẹ ji, na yín gbigba do flinflin; ṣigba medepope he ji e jai jẹ, é na vunvun in di kọgudu.
19Ogan yewhenọ tọn le, po wekanto lẹ po sọ to dindin to ojlẹ ne mẹ nado wlé e; ye sọ to budina gbẹto lẹ na ye mohlan dọ ye go wẹ é dọ olo he do. 20Ye sọ to hiho e, bo sọ do amẹ hlan jẹgbonu, he domevotọ yede nado yín dodónọ, na yé nido wle e hen to ohógbe etọn mẹ, mọ nado dè e jo hlan ahọludu lọ podo hlan asẹ otogan lọ tọn. 21Ye sọ kanbiọ ẹ dọmo, Mẹplọntọ, mìwlẹ yonẹn dọ hie nọ dọ, bo sọ nọ plonme titegbe, bo ma sọ hò mẹdepope pọ́n, ṣigba son nugbo de me no plọn aliho Jiwheyẹwhe tọn omẹ. 22Be e yín osén tọn na mìwlẹ nado nọ na tokuẹ Sesali, kavi lala? 23Ṣigba é mọ yedomẹ yetọn hlan, bo-sọ dọ hlan yé, dọmọ, 24Mì do abọgan-kuẹ dopo hia mì. Bosiọ po winwlan po menutọn we e tindo? Yé sọ, dọmọ, Sesali tọn. 25E sọ dọ hlan ye, dọmọ, Bé mì yí onú he yín Sesali tọn lẹ hlan Sesali, bo sọ yí onú he yín Jiwheyẹwhe tọn lẹ hlan Jiwheyẹwhe. 26Yé ma sọ tin sọgan nado wle ohó lọ hẹn to gbẹtọ le nukọn gba: awu sọ ji yé do gbegbingblon etọn go, yé so nabọẹ.
27Whenẹnu wẹ mẹdele to Sadusi lẹ mẹ wá e de, he to núdọn dọ fọ́nsọnku ma tin; yé sọ kanse e, 28dọmọ, Meplọntọ, Moṣe wlanwe hlan mí, dọmọ, Eyín nọvisunnu mẹdepope tọn tindo asi de bọ ewọ yín wẹnsino nọvisunnu etọn ni sọn asi eton, bo zé okun daga hlan nọvisunnu etọn. 29Enẹwutu nọvisunnu ṣinawe delẹ ko tin: tintan yí asi de, bo kú matin ovi. 30Awetọ sọ sọn ẹn, ewọ ku matin ovi. 31Atòntọ sọ són ẹn; mọkẹdẹ wẹ omẹ ṣinawe le ga: yé ma sọ do ovi ai, bo kú. 32To godo, yọnnu lọ ku ga. 33Enewutu tofọ́nsọnku mẹ, asi menutọn wẹ éwọ na yin to yé mẹ? na yé omẹ ṣinawe lẹ wẹ yí i na asi. 34Jesu sọ dọ hlan yé, dọmọ, Ovi whenu he tọn lẹ nọ wlealọ yè sọ nọ na to alọwle mẹ: 35ṣigba yé he yè hia jẹ nado jẹ owhenu nẹ tọn mẹ gbọn vivẹnu dali, po fọ́nsọnku sọn osiọ lẹ mẹ po, ye ma nọ wlẹalọ gba, yè ma sọ nọ na tọ alọwle mẹ: 36na yé ma sogan kú gbede ba: na yé sọzen do angẹli le go; ovi Jiwheyẹwhe ton so wẹ ye, yínyín ovi fọnsonku tọn lẹ. 37Ṣigba dọ yè fọ́n osiọ, yedọ Moṣe dohia gbọn Ozunkan lọ tọn dali, whenuena e ylọ Oklunọ dọ Jiwheyẹwhe Ablaham ton, Jiwheyẹwhe Isaki tọn, podọ Jiwheyẹwhe Jakobu ton. 38Dinvie e ma yín Jiwheyẹwhe osiọ lẹ tọn gba, adavo mẹhe to ogbè le tọn: na gbeto lẹpo wẹ tin to ogbè hlan ẹn. 39Mede to wekantọ lẹ mẹ sọ gblọn bo dọmọ, Meplọntọ, hiẹ dọ dagbe. 40Sọn enegodo, yé ma sọ ha kan onú depope biọ e ba gba.
41E sọ dọ hlan ye, dọmọ, Nawẹ yé to dido do dọ ovi Davidi tọn wẹ Klisti? 42Na Davidi lọsu dọ to owe Psalm lẹ tọn mẹ, dọmo,
Oklunọ dọ hlan Oklunọ ṣie, dọmọ,
Hiẹ sinai tọ adusilọ ṣie mẹ,
43Kaka yen nado hẹn kèntọ towe lẹ zùn tokloafọligbe towe tọn.
44Enewutu Davidi ylọ ẹ Oklunọ, nawẹ ewọ yin ovi etọn do?
45Podo to sisẹ gbẹtọ lẹpo tọn me, é dọ hlan nuplọntọ etọn lẹ, dọmọ, 46Mì payi wekantọ le go, he nọ jlo nado zinzọnlin to avọ tedona me, bo sọ yiwanna nudọdomẹ lẹ to; ahi mẹ, podọ aisintẹn daho to sinagọgu mẹ, podọ otẹn daho to hùnwhẹ lẹ kọn 47He dù owhe asusiọsi lẹ tọn súdo, bo sọ nọ basi odẹ̀ dindẹn na ogoyíyí de: ehelẹ wẹ na mọ whẹgbledo daho gbahú yí.
Àwon tá yàn lọ́wọ́lọ́wọ́ báyìí:
LUKU 20: BWL23
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Holy Bible in Gun-Alada © Bible Society of Benin and Bible Society of Nigeria, 1923.
