LUKU 13
13
1MẸDELẸ tin to finẹ to ojlẹ lọ mẹ, he dọ Galilitọ le tọn nẹ, ohùn mehetọn Pilati flusọ po avọ́ yetọn po. 2Jesu sọ gblọn, bo dọ hlan ye, do, Be mìwlẹ lẹn dọ Galilitọ helẹ yín ylandonọ hú Galilitọ lẹpo wẹ, dọ yé duya onú he hunkọ tọn wutu. 3Yẹn dọ hlan mì, dọ, Lala: ṣigba, adavo mìwlẹ vọjọ, mì omẹ pó wẹ na dòn do mọkedẹ ga. 4Kavi omẹ fọtọ̀nnukunatọ̀n he ji atọhọ Siloami tọn hó jẹ lẹ, bo sọ hù yé, bẹ mì lẹ lẹn dọ yé yín ylandono hú gbẹtọ he; tin to Jelusalẹm lẹpo wẹ? 5Yẹn dọ na mì, dọmọ, Lala; ṣigba, adavo mìwlẹ vọjo, mì omẹ pó wẹ na don do mọkẹdẹ.
6E sọ dọ oló he dọmọ, Dawe de tindo ovotin de he é do do vẹ̃ngle etọn mẹ; é sọ wá, bo din sinsẹ́n to e ji, é ma sọ mọ núde. 7Whenenu wẹ e dọ hlan vẹnglehọtọ lọ, dọmọ. Pọ́n, sọn owhè atọ̀n helẹ mẹ wẹ yẹn to sasahò, do to sinsẹ́n din to ovotin he ji bo ma mọ núde: sán ẹn liai; etẹwutu wẹ é tẹnjan aigba? 8E sọ gblọn, bo dọ hlan ẹn, do, Oklunọ, jo e do to owhè he mẹ ga, kaka yen na do jlodò lédo e, bo nasọ hen ogbó do afọkọ nẹ̃. 9Eyín é hẹn sinsẹ́n sọnwhenẹnu, dagbedagbe: ṣigba eyín mọ ma gba, hiẹ na sán ẹn liai.
10E so to mẹplon to sinagọgu: de mẹ to gbọjezángbè. 11Do ayi e go, nawe de tin, he tindo gbigbọ awuku tọn owhè fọtọ̀nnukunatọ̀n gbọn, bo ma sọgan zé ede daga gbọn alọ depope me 12Whenuena Jesu mọ ẹn, e ylọ ẹ, bo dọ hlan ẹn do, Nawe, yè tún we dai son awuku towe mẹ 13E sọ do alọ etọn e ji; plaun yè hẹn ẹn zùn jijlọ, é sọ to gigopana Jiwheyẹwhe. 14Ogán sinagọgu tọn yíyí homẹgble do gblọn, na Jesu hẹnazọ̀ngbọ to gbojezángbe wutu, dọ hlan gbẹtọ lẹ, dọ, Azán ṣidopo we tin he mẹ gbeto jẹ ni wàzon te: enẹwutu, enele mẹ wẹ mì ni wá na yè ni henazọ̀ngbọna mì te, eyín to gbọjezángbè blo. 15Sigbá Oklunọ gblọn, bo dọ hlán ẹn, dọ, Hiẹ yenuwàtọ, dopodopo mìtọn ma nọ tún oyín kavi kẹtẹkẹtẹ etọn sọn apó mẹ, bo so nọ dọn ẹn yì nù osìn to gbọjẹzángbè? 16Be é ma jẹ na nawe he, he yín viyọnnu Ablaham tọn, mẹhe Satani ko bla, pọ́n, sọn owhè fọtọ̀nnukunatọ̀n helẹ mẹ, nado tún in sọn ogàn he mẹ to azán gbọjẹ tọn gbè? 17Le e dọ onú helẹ, winyan hù megiatọ etọn lepo; gbẹtọ lẹpo sọ jaya na onú gigọ́ tọn he jọ gbon alọ etọn me lẹpo.
18Whenenu wẹ e dọmọ, Be ete go wẹ ahọludu Jiwheyẹwhe tọn tin jijlẹ do? Etẹ go wẹ yẹn na jle ẹ do? 19E tin jijlẹ do okún mutaldi tọn de go, he dawe de yí, bo sọ dlẹn ojipa etọn mẹ; bọ é sọ wú, bo lezun atin daho, bọ ohè aga tọn lẹ sọ nọ nò ala etọn lẹ me. 20E sọ vo domọ, Be etẹ go yẹn nasọ jlẹ ahọludu Jiwheyẹwhe tọn do? 21E tin jijlẹ do otón go, he nawe de yí, bo sọ whlá do ojlẹ atọ̀n linfín tọn me, kaka popo lepo zùn otọ́n.
22E jugbọn otòdaho po gbeta lẹ po me, bo to mẹplón, bo sọ zinzọnlin jẹ Jelusalẹm. 23Omẹ de sọ dọ hlan ẹn, dọ, Oklunọ, be vude wẹ ehe yè na whlengan? E sọ dọ hlan yé, dọmo, 24Mì sinyenlin nado gbọn hòntonu bibó mẹ biọ họmẹ: na yẹn dọ hlan mì, omẹ susu na din nado biọ é me bo ma na sọgan biọ é mẹ. 25Sọn whenu klunọ owhe tọn fọ́n, bo so sú ohòn, bọ mì nasọ sẹ̀ tesi to gbonu, bo na to ohòn húhú, dọmọ, Oklunọ, Oklunọ, hùn hlan mí; ewọ bo nasọ gblọn, bo dọ hlan mì, dọmọ, Yẹn ma yón fie mì sọn gba: 26Whenẹnu wẹ mì na sẹ́ didọ, dọmọ, Mìwlẹ ko dù; bo sọ nù to nukọn towe, hiẹ ko plọ́nmẹ to alihogbo mìtọn lẹ mẹ. 27Ewọ nasọ dọmọ Yẹn dọ hlan mì, Yẹn ma yón fie mì sọn gba, mì tón sọn dè, mì azónylankan wàtọ lẹpo. 28Avi po adukúnkún po nasọ tin to fìne, whenuena mì na mọ Ablaham, po Isaki po, po Jakobu po, po yẹwhegán le po to ahọludu Jiwheyẹwhe tọn mẹ, bọ yè na yàn mì lẹ jẹgbonu. 29Yé na sọn whezizẹ dali wá, sọn wheyìhọ dali, sọn agéwaji dali, podọ sọn hùwaji dali, bo na jagla to ahọludu Jiwheyẹwhe tọn me. 30Bo do ayi e go, godotọ delẹ na yin nukọntọ, podọ nukọntọ delẹ nasọ yín godolo.
31To ojlẹ doponemẹ wẹ mẹde sọn Falesi lẹ mẹ wá bo dọ hlan ẹn dọmọ, Tónjegbonu, bo ton sọn ofi: na Hẹlọdi jlo na hù we. 32E sọ dọ hlan yé, domọ, Mì yì, bo dọ hlan wọtupọẹ nẹ, dọmọ, Pọ́n, yẹn to aovi lẹ yàn jẹgbonu, yẹn sọ to azònhẹngbọ to egbe po osò po, to azán atọ̀ntọ gbè, yẹn na wavọ. 33Ṣogãn yẹn ma na nọma zinzọnlin to egbe po osò po, po azán atọ̀ngbè po: na é ma sọgan yin mọ dọ yẹwhegán ni dòn to gbonu Jelusalẹm tọn gba. 34Jelusalẹm, Jelusalẹm È, hiẹ he hù yewhegán lẹ, bo sọ dlẹn zannu do yé be yè dohlan we lẹ: whla nẹmu wẹ yẹn ko jlo na bé ovi tọwe lẹ plidopọ, dile koklosi nọ bẹ̀ ovi etọn lẹ pli do awà etọn glọ do, bọ mì ma sọ jlo! 35Pọ́n, yè jo owhé mìtọn do hlan mì jevó: nugbo wẹ yẹn do hlan mì, dọmọ, Mì ma to na mọ mi, kaka mì na do dọmọ, Donanọ wẹ ewọ he ja to oyín Oklunọ tọn mẹ.
Àwon tá yàn lọ́wọ́lọ́wọ́ báyìí:
LUKU 13: BWL23
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Holy Bible in Gun-Alada © Bible Society of Benin and Bible Society of Nigeria, 1923.
