ORIN DAFIDI 114

114

Orin Ìrékọjá

1Nígbà tí Israẹli jáde kúrò ní ilẹ̀ Ijipti,

tí àwọn ọmọ Jakọbu jáde kúrò láàrin àwọn tí ń sọ èdè àjèjì,

2Juda di ilé mímọ́ rẹ̀,

Israẹli sì di ìjọba rẹ̀.#Eks 12:51

3Òkun rí i, ó sá,

Jọdani rí i, ó pada sẹ́yìn.#(a) Eks 114:21 (b) Joṣ 3:16

4Àwọn òkè ńláńlá ń fò bí àgbò,

àwọn òkè kéékèèké ń fò bí ọmọ aguntan.

5Kí ló dé, tí o fi sá, ìwọ òkun?

Kí ló ṣẹlẹ̀ tí o fi pada sẹ́yìn, ìwọ Jọdani?

6Ẹ̀yin òkè ńlá, kí ló dé tí ẹ fi fò bí àgbò?

Ẹ̀yin òkè kéékèèké, kí ló ṣẹlẹ̀ tí ẹ fi fò bí ọmọ aguntan?

7Wárìrì níwájú OLUWA, ìwọ ilẹ̀,

wárìrì níwájú Ọlọrun Jakọbu.

8Ẹni tí ó sọ àpáta di adágún omi,

tí ó sì sọ akọ òkúta di orísun omi.#Eks 17:1-7; Nọm 20:2-13

Àwon tá yàn lọ́wọ́lọ́wọ́ báyìí:

ORIN DAFIDI 114: YCE

Ìsàmì-sí

Pín

Daako

Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀

Àwọn Ẹsẹ Bíbélì Tí Ọ̀pọ̀ Èèyàn Mọ
ORIN DAFIDI 114