Àwọn Ẹsẹ Bíbélì Tí Ọ̀pọ̀ Èèyàn Mọ Matta 7

Pín

“Zə nyisəm, mya vəwnə. Ɨləm, hwun ɓa ɗɨmə. Kwaləm haa, mye ɓa wunəwnə a kwa-haa.

Gələ ma nyishi kat, mye ɓa vən, ma ɨli, ɓa ɗɨmə, ma kwal-haa, mye ɓa wunan a kwa-haa.

“Gə-angɨn ma kat dɨ kɨl ləməgye de, dɨ koddərən, sɨnə ɓətɨ nzə-lela nwo hwodan a nə fara.

Shee kat hwuna dɨ mwo atɨ ɓwaare a ɗəwnə, hwun mgban, hwuna ɗarən sə. Sɨnə naarə la ɓashita Musa ka kpalye da Həmɨnpwa a dɨ boyo.

Shezə kwatɨfa dɨ zə haa ɗɨm myentə nee gungulung, tɨfa dɨ zə də nee 'wi-'wi. Myee dɨ koɗi dɨ kwatɨfəngɨn aa furo.

“Zə koɗəm dɨ kwatɨfə gungulunge, hwuna pɨrəsə. Gəkɨlə kwatɨfa dɨ muɗi zə ka ma a wa kaaru-kaaru nə bwang, tɨfəngɨn mgban nə piili-piili, ɓwaare hananang nə dɨ koɗi sə.

Anda hwun myee hwun mi hashi, hwuna kwaa lee vətə və jingəwnə həmte pepe, sə mgban mbak-mbak Baagəwnə arə a vor pwa ɓa və myee dɨ nyisən həmtɨ pepete wula pɨri.

“Ɓe hwunaa ɓashidə imi, sə mgban myaa dɨ ɓashidəwnə. Gə ka wule ɓashite hwuna dɨ ɓashiyə ɓwaare, sə mgban ka wule ɓashitɨngɨn mya ɓashiyəwnə, gə wule sə-kənshe hwuna dɨ kənə ɓwaare shee kan, ka wule sə-kənshingɨn mgban mya kənəwnə.

Ma mgban dɨ kɨl ləməgye de ndaawa koddərən, sɨnə mye ɓa kanarən ka ma gɨma nwo hwodan a nə tiye.

“Ɓə ya hye dɨ naa kiɗəte a diitɨ kpeyəsa, tee naa gbɨlə kada a diisa? Hye ɓa ɗa ya hye sa kpeyəsa atɨ, ‘Wa, na dɨɗəwgə kiɗəte a diisa,’ a hye, hyenə nza ka gbɨlə kada a diisa?

“Bəmdə myensəwnə ka kpali jeronye. Təna dɨ shi hakəwnə ka sɨlarə mbage, shezə a voti tən alehawyi hashi. Hwun ɓa leetɨrən dɨ ha mbwosərən. Ɓwaare aa dɨ tawa mbwotɨ rɨnne dɨ sɨtɨ kada ruwe, myaa dɨ tawa mbwotɨ nggwale mgban dɨ sɨtɨ kada hwole.

Sə gən, kada pepeye mbwosən ɓa wula, kada hase mgban mbwosən aa dɨ wula.

Kada feme, mbwosən aa dɨ hasə, sə mgban kada hase, mbwosən aa dɨ wula.

Kadaa kat mbwosə aa wula, mya ɗawgən a ɗongə ɗiye.