Àwọn Ẹsẹ Bíbélì Tí Ọ̀pọ̀ Èèyàn Mọ Mt 7

Pín

Magat ani tumkam melltelem; sôdat ani tumkam gavtelem; darar marat ani tem tumkam ugòddtelem

kiteak magtat tankam mellta, sôdtat tankam gavta; ani darar martat tankam tem ugòddtolem.

Dekhun, him Mhojim utram aikotat ani tanchê pormannem choltat tim aplem ghor khoddpar bandlelea eka xannea mon’xa porim hanv taka dortam.

Mhonntôch, dusreamnim tumchê thãi korchem mhonn tumkam zai, toxench tumi-i dusream thãi korat: Somurt ani Provadi xikoitat tem hench.

Punn jivitak pavoita to darvontto kitlo mhonn oxir ani to marôg kitlo mhonn kotthin! Ani bhov thoddeank to mellta.

Oxir darvontteantlean bhitôr sorat, kiteak ghorttannak pavoita to darvontto rund ani to marôg viskôll, ani tantlean veta to lôk puskôll.

Tumi vaittovim zaun-ui, tumcheam bhurgeank boreô vostu diunk tumi zannont zalear, kitlo odik tumcho sorgincho Bap Apnna lagim magtat tankam boreô vostu diuncho na?

Dev tumchi nit korina zauncheak, tumi dusreanchi nit kori nakat. kiteak tumi nit korxeat têch toren To tumchi nit kortolo; ani tumi zôkxeat teach mapan To tumkam porot zôktolo.

Punn him Mhojim utram aikun, tanchê pormannem cholonant tim aplem ghor renver bandlelea eka pisatt mon’xa sarkim.

Tujea peleachea dolleant asa tem kisor tum kiteak polletai, ani tujea dolleant asa ti patti tuka dixtti poddona? Tujea dolleant êk patti astana, tujea peleak, tujea dolleantlem kisor mhaka kaddum-di’, oxem tujean koxem mhonnunk zata?

Fottkiream provadeam vixim chotraien ravat; menddreanchem rupnnem gheun tumchê-xim ietat, punn bhitorlean krur landdge te. Tanchim follam polleun tumi tankam ollkhun kaddtelet. Kanttiancheô konnem dakô kaddleat zait? Ani sorantteanchim konnem anjiram kaddlim-xim asat?

Têch bhaxen, borem zhadd borim follam dita ani vaitt zhadd vaitt follam dita.

Borea zhaddachean vaitt follam dium nozo, nhoi mhonn vaitt zhaddachean borim follam dium nozo.

Borem foll dinam toslem zhadd katortat ani ujeant uddoitat.