Àwọn Ẹsẹ Bíbélì Tí Ọ̀pọ̀ Èèyàn Mọ Sant Vaze 7

Pín

Goulennit, hag e vezo roet deoc’h; klaskit, hag e kefot; skoit, hag e vezo digoret deoc’h.

Rag piou‐benag a c’houlen, a reccô; hag an hini a glask, a gav, ha d’an hini a sko, e vez digoret.

Piou‐benag eta a glev ar c’homzou‐man a lavaran, hag ho laka en pratic, a gomparachin ouz eun den fur hag hen deuz savet he di var ar roc’h

Grit eta d’an dud kement tra a garfac’h e rafent deoc’h; rag se eo al lezen hag ar brofeted.

Rag henk eo an nor ha striz eo an hent a gas d’ar vuez, ha neubeud a dud a gav anezhan.

Antreit dre an nor striz; rag ledan eo an nor ha frank an hent a gas d’ar gollidigez, ha kalz a dud a ia dre eno.

Mar gouzoc’h eta, evidoc’h da veza fall, rei traou mad d’ho pugale, pegement mui ho Tad pehini a zo en envou, na roi‐hen ket traou mad d’ar re ho goulen diganthan!

Na varnit ket, evit na veot ket barnet; rag diouz ar varn ma varnit e veot barnet; ha diouz ar muzur ma vuzurit e vezo muzuret deoc’h.

Mes piou‐benag a glev ar c’homzou‐man a lavaran, ha n’ho laka ket en pratic, a vezo comparachet ouz eun den diskiant hag hen deuz savet he di var an treaz

Ha perag e sellez‐te ouz ar blouzen e lagad da vreur, ha na velez ket an treust a zo en da lagad da‐unan? Pe c’hoas penaos e leverez‐te d’az preur: Lez ac’hanoun da lemmel ar blouzen euz da lagad, ha setu eun treust en da lagad da unan?

Diwallit ouz ar fals‐profeted, pere a zeu d’ho kavout en gwiskamant denved, mes pere a zo en diabarz bleizi scrapus. Ho anaoud a reot diouz ho frouez. Daoust ha dastum a rer rezin divar spern, pe fiez divar askol?

Evel‐se pep gwezen vad a zoug frouez mad; mes eur vezen fall a zoug frouez fall.

Eur vezen vad na hell ket dougen frouez fall, nag eur vezen fall dougen frouez mad.

Pep gwezen ha na ro ket a frouez mad a vez troc’het ha taolet en tan.