Àwọn Ẹsẹ Bíbélì Tí Ọ̀pọ̀ Èèyàn Mọ Matie 7

Pín

«'Baa dɛ ‑hʋa, ba ‑hʋɛ Nyɩsʋa, ɔ 'mue 'a mʋ ‑nyi. 'Baa dɛ ‑hʋa, ba ꞊mʋɛ lɛ, a die 'nɩ 'ye. 'Baa ‑hʋa 'ke bʋ paa 'a mʋ kayu gbo, ‑ye ba bi gbɔgbɔ, ‑ye ʋ di 'a mʋ 'nɩ le: Ba di pa.

'Ɛ mɔ ‑tɛɛ, 'ɛ nɩ nahuon 'bɔ nɩ 'o, 'bɔɔ Nyɩsʋa dɛ ‑hʋa, ‑ye ɔ die ꞊nɔ 'nɩ ‑nyi. Nahuon 'bɔɔ dɛ lɛ ꞊mɔ, ɔ die 'nɩ 'ye. Nahuon 'bɔ nyra 'o ꞊gbuhan.ye gbo, 'bɔɔ gbɔgbɔ po, ‑ye ʋ dio 'nɩ le, bɔ pa.

«'A ‑tɩ o, 'ɛ nɩ nahuon 'bɔ nɩ 'o, ‑tɩ ‑gbo, 'n ꞊tu wɛn, 'bɔ nyi nʋa ye gbo po, 'plɩɩ 'bɔ nyi nu, ‑ye ɔ 'we ꞊nɔ ꞊tɔkɔnyɔ ꞊nʋ ye, ‑ɔ po 'a kayu, 'ke 'o 'hɩɔ 'pa ke, ‑ɛ die nu, ʋ 'mʋ gbo ku ‑tɛɛ.

꞊Hapʋdɛ 'bii ꞊nʋ, aa ‑hʋa nahuin ‑ye bʋ nu 'a mʋ 'mʋ, 'a nɩ ‑gbɛ, nɛ‑ ba nu ‑wɛ ꞊nʋ 'mʋ. Dɛɛ ‑do a ‑gbɛ, nɛ‑ Nyɩsʋa a teteii tɔɔ, ɛ kɔ Nyɩsʋa a winwlɔn‑hɛnyʋ 'hɛɛn.»

Kɛɛ, paalɛ ꞊nʋ, ɛ kɔ 'hru ꞊nʋ 'hɛɛn, ‑ɩɩ 'le 'a mʋ Nyɩsʋa a 'klɔ yrayrʋ 'kwli 'mʋ paa, ɩ 'cɩmɩ lɛ 'yri, 'a wlɔnnaalɛ kla wlɔn, 'plɩɩ nahuin ꞊nʋ, ‑ʋ nyu na, ʋ 'de ‑huo.»

«Paalɛ ꞊nʋ, ‑ɛɛ 'le 'a mʋ Nyɩsʋa a 'klɔ yrayrʋ 'kwli 'mʋ paa, ɛ 'cɩmɩ lɛ 'yri. 'Bɩa 'ba nye ‑hʋa, 'ke ba pa 'le Nyɩsʋa a 'klɔ yrayrʋ a ‑gbɛ 'kwli 'mʋ, ‑ye ba naa 'o paalɛ a ‑gbɛ 'yri, ‑ɛ nue, paalɛ ꞊nʋ, ɛ kɔ 'hru ꞊nʋ 'hɛɛn, ‑ɩɩ 'le 'a mʋ 'waanlɛ 'mʋ gba, ɩ 'bʋa lɛ 'yri, 'a wlɔnnaalɛ 'de wlɔn kla, 'plɩɩ nahuin ꞊nʋ, ‑ʋʋ 'le ꞊nɔ wlɔn naa, ʋ ‑huo nɩ.

꞊Hapʋkɔ, 'a mʋ ‑tʋnahuin 'a 'de ꞊hapʋnahuin, kɛɛ, ꞊hapʋ‑tɔplɩ, nɩ‑ aa 'mʋ lɛ 'jra, 'a nyi 'a nɩ 'yuo꞊pli ‑nyi. 'Bɩa 'bɛ nɩ lɛ 'mʋ, 'ke 'o 'a mʋ ‑wɔn, ‑ʋ kɔ ꞊wlɩ nyre 'yi lɛ, ‑ye 'a nɩ Bu, ‑ɔ nɩ 'le yakɔ 'mʋ, ɔ di nahuin ꞊hapʋ‑tɔplɩ ꞊nʋ 'nɩ ‑nyi, ‑ʋ nyi ꞊nɔ ‑hʋa.

«A nɩ yɛɛ 'le 'a nɩ 'bienʋ ‑tɩ, ‑ɛ die nu, Nyɩsʋa 'nɩ ꞊han ‑wɛ 'a mʋ ‑tɩ yɛɛ, ‑ɛ nue, ‑tɛ aa 'a nɩ 'bienʋ a ‑tɩ a yɛɛlɛ nu, kɛ'ɛ nɩ, Nyɩsʋa di ‑wɛ 'a nɩ ‑tɩ a yɛɛlɛ nu, kɔ, ‑tɛ a di 'a nɩ 'bienʋ a 'yiye nu, kɛ Nyɩsʋa di ‑wɛ 'a nɩ 'yiye nu.

Kɛɛ, 'ɛ nɩ nahuon 'bɔ nɩ 'o, ‑tɩ ‑gbo 'n ꞊tu wɛn, 'bɔ nyi nʋa ye gbo po, kɛɛ, 'bɔ 'nɩnɩ nui, ‑ye ɔ 'we ꞊nɔ nahuon ꞊nʋ ye, ‑ɔ 'de ꞊tɔ kɔ, ‑ɔ po 'a kayu, 'ke 'o 'pʋhʋɔn ke.

Dɛ‑ kɔ ‑tɩ ꞊nɩɩ ‑n 'be a praprʋ ꞊nʋ 'ye, ‑ʋ nɩ 'le ꞊nɔ 'yi 'mʋ, 'plɩɩ ꞊nɩnɩ 'ye ‑wɛ ‑n nɛ tikla꞊tɩɔ ꞊nʋ, ‑ɔ nɩ 'le ‑mʋ 'yi 'mʋ? ‑N 'de ye blɛ ‑bo le ‑n 'be, ‑ɛ mɔ: Nɛ‑ ꞊bo ‑ha 'le ‑mʋ praprʋ 'yi 'mʋ, ‑mɔ ꞊nʋ, tikla꞊tɩɔ nɩ 'le 'yi 'mʋ.

«Ba ‑gbɛ 'a nɩ dɩɔnʋ, 'ke 'o hɩtɔɔnyʋ a ‑ta 'mʋ. 'Bɩa 'ba nyu 'ye, ‑ye a nɔ 'nɩ, ʋ 'nɩ nu ꞊le dɛ 'klan ꞊de. Kɛɛ, sɛyɩ‑sɛyɩ, ʋʋ gbo ‑wɔ nahuin. Ʋ 'we ꞊nɔ ‑jio ye, ‑ɔ pue 'blakʋɛ. 'Waa nunuŋmli, ʋʋ nu, nɩ‑ die nu, a 'mu yrii. ꞊Bo pue lele tikui a dɛ ye. Nahuon ꞊de 'nɩ ‑ha ꞊le ‑gbʋgbɔnʋ, 'ke 'o dakawi 'yri. Mɔ, nahuon ꞊de 'nɩ ‑ha ꞊le ‑wɛ bubuokui, 'ke 'le hɩnhranwu 'klɔ.

Tugbɛ ꞊nʋ, ‑ɛɛ ꞊hapʋ'nie ‑jri, ɛɛ tʋ ꞊hapʋ'kui. Kɛɛ, tugbɛ ꞊nʋ, ‑ɛ 'nɩnɩ ‑jri ꞊hapʋ'nie, ɛ 'nɩ tʋ ꞊le ꞊hapʋ'kui.

Tugbɛ ꞊nʋ, ‑ɛɛ ꞊hapʋ'nie ‑jri, ɛ 'deɛ bɛ tʋ 'kui ‑hʋɩn. Mɔ, tugbɛ ꞊nʋ, ‑ɛ 'nɩnɩ ‑jri ꞊hapʋ'nie, ɛ 'deɛ bɛ tʋ ꞊hapʋ'kui.

'Ɛ nɩ tugbɛ, ‑ɛ 'nɩnɩ tʋ ꞊hapʋ'kui, ʋ nye 'nɩ hra, 'ʋ nye 'tɔ po.