IINDUMISO 119:41-80
IINDUMISO 119:41-80 IZIBHALO EZINGCWELE (XHO75)
Mazize kum iinceba zakho, Yehova, Nosindiso lwakho ngokwentetho yakho; Ndimphèndule ngelizwi ondingcikivayo, Ngokuba ndikholose ngelizwi lakho. Musa ukuda ulihluthe emlonyeni wam ilizwi lenyaniso, Ngokuba ndilindele izigwebo zakho; Ndowugcina umyalelo wakho ngamaxesha onke, Ngonaphakade kanaphakade; Ndihamba-hàmbe endaweni ebanzi, Ngokuba ndifuna iziyalezo zakho. Ndothetha ngezingqiniso zakho phambi kokumkani, Ndingabi nakudana. Ndoziyolisa ngemithetho yakho Endiyithandayo; Ndiziphakámise izandla zam emithethweni yakho endiyithandayo, Ndicamngce ngemimiselo yakho. Khumbula ilizwi lakho kumkhonzi wakho, Ngenxa enokuba ùndithembise lona. Yiyo le intuthuzelo yam ekucinezelekeni kwam, Yokuba intetho yakho indiphilisile. Abakhukhumali bada bandigxeka kakhulu; Kanti àndithi gu bucala emyalelweni wakho. Ndawakhumbula amasiko akho kususela kwanaphakade, Yehova, Ndathuthuzeleka. Ndingenwé ngumsindo oshushu, Ndisenziwa ngabangendawo abalahla umyalelo wakho. Iziingoma kum imimiselo yakho, Endlwini yokuphambukela kwam. Ndilikhumbúle ebusuku igama lakho, Yehova, Ndawugcina umyalelo wakho. Ndinikwe oku, Ukuba ndibambe iziyalezo zakho. Isabelo sam, Yehova, ndithi, Sesokuba ndigcine amazwi akho. Ndiya kubongoza ngentliziyo yonke, Ndíbabale ngokwentetho yakho. Ndazicingela iindlela zam, Ndazibuyisela iinyawo zam ezingqinisweni zakho. Ndikhawulezile andazila-zila Ukugcina imithetho yakho. Izintya zabangendawo zindithandele, Àndiwulibele umyalelo wakhe noko. Ndivuka phakathi kobusuku, ndibulele kuwe, Ngenxa yezigwebo zobulungisa bakho. Ndilidlelane labo bonke abakoyikayo, Nelabazigcinayo iziyalezo zakho. Inceba yakho, Yehova, izalise ihlabathi; Ndífundise imimiselo yakho. Umenzéle okulungileyo umkhonzi wakho, Yehova, ngokwelizwi lakho. Ndífundise, ndibe nemvo nokwazi okulungileyo, Ngokuba ndikholwa yimithetho yakho. Ndingekacinezelwa, ndaye ndilahleka; Kungoku ndiyigcinile intetho yakho. Ùlungile wena, ulungisa; Ndífundise imimiselo yakho. Abakhukhumali bathungele ubuxoki ngam; Mna ndizibamba ngentliziyo yonke iziyalezo zakho. Ithe fithi kukutyeba intliziyo yabo; Ke mna ndiziyolisa ngomyalelo wakho. Kundilungele okokuba ndacinezelwayo, Ukuze ndiyifunde imimiselo yakho. Ùlungile kum umyalelo womlomo wakho, Ngaphezu kwamawaka egolide nesilivere. Izandla zakho zindenzile, zandilungisa; Ndíqondise, ndifùnde imithetho yakho. Abakoyikayo bondibona, bavuye, Ngokuba ndilindele elizwini lakho. Ndiyazi, Yehova, ukuba zinobulungisa izigwebo zakho; Ùndicinezèle, phofu ùthembekile. Ngamana inceba yakho yaba yeyokundithuthuzela, Njengokwentetho yakho kumkhonzi wakho. Mazize kum iimfesane zakho, ndiphile, Ngokuba umyalelo wakho undiyolisa. Mabadane abakhukhumali, ngokuba béndigobele phantsi ngobuxoki, Mna ndicamngca ngeziyalezo zakho. Mabandibuyele abakoyikayo, Nabazaziyo izingqiniso zakho. Mayigqibelele intliziyo yam emimiselweni yakho, Ukuze ndingadani.
IINDUMISO 119:41-80 IZIBHALO EZINGCWELE (XHO75)
Mazize kum iinceba zakho, Yehova, Nosindiso lwakho ngokwentetho yakho; Ndimphèndule ngelizwi ondingcikivayo, Ngokuba ndikholose ngelizwi lakho. Musa ukuda ulihluthe emlonyeni wam ilizwi lenyaniso, Ngokuba ndilindele izigwebo zakho; Ndowugcina umyalelo wakho ngamaxesha onke, Ngonaphakade kanaphakade; Ndihamba-hàmbe endaweni ebanzi, Ngokuba ndifuna iziyalezo zakho. Ndothetha ngezingqiniso zakho phambi kokumkani, Ndingabi nakudana. Ndoziyolisa ngemithetho yakho Endiyithandayo; Ndiziphakámise izandla zam emithethweni yakho endiyithandayo, Ndicamngce ngemimiselo yakho. Khumbula ilizwi lakho kumkhonzi wakho, Ngenxa enokuba ùndithembise lona. Yiyo le intuthuzelo yam ekucinezelekeni kwam, Yokuba intetho yakho indiphilisile. Abakhukhumali bada bandigxeka kakhulu; Kanti àndithi gu bucala emyalelweni wakho. Ndawakhumbula amasiko akho kususela kwanaphakade, Yehova, Ndathuthuzeleka. Ndingenwé ngumsindo oshushu, Ndisenziwa ngabangendawo abalahla umyalelo wakho. Iziingoma kum imimiselo yakho, Endlwini yokuphambukela kwam. Ndilikhumbúle ebusuku igama lakho, Yehova, Ndawugcina umyalelo wakho. Ndinikwe oku, Ukuba ndibambe iziyalezo zakho. Isabelo sam, Yehova, ndithi, Sesokuba ndigcine amazwi akho. Ndiya kubongoza ngentliziyo yonke, Ndíbabale ngokwentetho yakho. Ndazicingela iindlela zam, Ndazibuyisela iinyawo zam ezingqinisweni zakho. Ndikhawulezile andazila-zila Ukugcina imithetho yakho. Izintya zabangendawo zindithandele, Àndiwulibele umyalelo wakhe noko. Ndivuka phakathi kobusuku, ndibulele kuwe, Ngenxa yezigwebo zobulungisa bakho. Ndilidlelane labo bonke abakoyikayo, Nelabazigcinayo iziyalezo zakho. Inceba yakho, Yehova, izalise ihlabathi; Ndífundise imimiselo yakho. Umenzéle okulungileyo umkhonzi wakho, Yehova, ngokwelizwi lakho. Ndífundise, ndibe nemvo nokwazi okulungileyo, Ngokuba ndikholwa yimithetho yakho. Ndingekacinezelwa, ndaye ndilahleka; Kungoku ndiyigcinile intetho yakho. Ùlungile wena, ulungisa; Ndífundise imimiselo yakho. Abakhukhumali bathungele ubuxoki ngam; Mna ndizibamba ngentliziyo yonke iziyalezo zakho. Ithe fithi kukutyeba intliziyo yabo; Ke mna ndiziyolisa ngomyalelo wakho. Kundilungele okokuba ndacinezelwayo, Ukuze ndiyifunde imimiselo yakho. Ùlungile kum umyalelo womlomo wakho, Ngaphezu kwamawaka egolide nesilivere. Izandla zakho zindenzile, zandilungisa; Ndíqondise, ndifùnde imithetho yakho. Abakoyikayo bondibona, bavuye, Ngokuba ndilindele elizwini lakho. Ndiyazi, Yehova, ukuba zinobulungisa izigwebo zakho; Ùndicinezèle, phofu ùthembekile. Ngamana inceba yakho yaba yeyokundithuthuzela, Njengokwentetho yakho kumkhonzi wakho. Mazize kum iimfesane zakho, ndiphile, Ngokuba umyalelo wakho undiyolisa. Mabadane abakhukhumali, ngokuba béndigobele phantsi ngobuxoki, Mna ndicamngca ngeziyalezo zakho. Mabandibuyele abakoyikayo, Nabazaziyo izingqiniso zakho. Mayigqibelele intliziyo yam emimiselweni yakho, Ukuze ndingadani.
IINDUMISO 119:41-80 IBHAYIBHILE (XHO96)
*Ndikhoyo, ndibonise ububele bakho; mandiluxhamle usindiso ngokwesithembiso sakho. Ndiya kuba nako ke ukujongana nabandenyelisayo, kuba ndikholosa ngelizwi lakho. Ndincede ndiyithethe inyaniso, kuba ithemba lam zizigqibo zakho. Ndohlala ndiwuthobela umyalelo wakho; ewe, kude kube ngunaphakade. Mna ndiya kuxhamla inkululeko, kuba ndihamba ngemimiselo yakho. Izithethe zakho ndozivakalisa nakwizinxiba-mxhaka, kuba kaloku mna andinadyudyu, kuba iqhayiya lam ziziyalo zakho – andizithandi ngako, ndiphupha ngazo! Ndiyayihlonela imiqathango yakho, nditsho leyo ndiyithandayo; ewe, ndicamngca ngemithetho yakho. Ungalilibali idinga lakho kwisicaka sakho. Andithi kaloku wandithembisa! Nasebunzimeni ndiyathuthuzeleka, kuba isithembiso sakho siyandihlaziya. Abangakhathalele Thixo baphoxisa ngam; kambe ke mna andihexi emyalelweni wakho. Ndakukhumbula izimiso zakho zantlandlolo, nditsho ndithuthuzeleke, *Ndikhoyo. Ndikhathazeka gqitha ndakubona abanxaxhayo, abo bangawukhathalelanga umyalelo wakho. Imithetho yakho yingoma yam; ndimemelela ngayo xa ndikwelasemzini. Ndicinga ngawe noba ndilele, *Ndikhoyo; ewe, ndiyayithobela imiyalelo yakho. Ngenene mna andinakumbi, koko ndithobela imimiselo yakho. Ndathi ke mna: Isabelo sam nguwe, *Ndikhoyo; ndiya kulithobela ilizwi lakho. Awu, velana nam, ndiyakubongoza; ndibabale ngokwesithembiso sakho. Ndiyiqondile indlela endiziphethe ngayo; ngoko ke ndibuyela kwizithethe zakho. Sendingxamile, andisayi kulibazisa; ndozithobela iziyalo zakho. Noba bangandirhintyela abakhohlakeleyo, soze ndiwulibale umyalelo wakho. Nasezinzulwini zobusuku ndiyavuka; ewe, ndivuka ndikudumise ngenxa yokusulungeka kwesigwebo sakho. Amaqabane am ngabakuthobelayo, abahamba ngemimiselo yakho. Ihlabathi liphuphuma izibele zakho, Ndikhoyo; nceda undifundise imithetho yakho. *Ndikhoyo, usazelelele isicaka sakho; wenze ngokwesithembiso sakho. Ndithi jize ngobulumko nokuqonda, kuba mna ndikholosa ngemiqathango yakho. Phambi kokuba undohlwaye ndandibhadula, kodwa ngoku ndiyalithobela ilizwi lakho. Hay' ukulunga kwakho, uyindlezane! Khawundifundise imithetho yakho. Izikhohlakali zindityabeka ngobuxoki, kodwa mna ndithobela imimiselo yakho ngomxhelo wam wonke. Zona zingamagumasholo angachukumisekiyo; ke mna ndithakazelela umyalelo wakho. Ewe, tshotsh' undohlwaye, Ndikhoyo, ukuze ndiyifunde imithetho yakho. Umyalelo wakho kum ubhetele kunobutyebi, nditsho nkqu nekhipha legolide nesiliva. Ndinje nje nje ndidalwe nguwe; ndifundise ndiziqonde iziyalo zakho. Abakuthobelayo bovuya bakundibona, kuba mna ndikholosa ngamadinga akho. Ndiyakuvuma ukufaneleka kwesigwebo sakho; ewe, *Ndikhoyo, undohlwaye ngakhona. Ndithuthuzele ngezibele zakho, njengoko wasithembisayo isicaka sakho. Velana nam, ukuze ndiphile, kuba iqhayiya lam ngumyalelo wakho. Zona izibhoja mazihlazeke, kuba zindirhintyela ngobuqili; ke mna ndocamngca ngemimiselo yakho. Mabeze kum bonke abakuthobelayo, abo bayiqondayo imfundiso yakho. Mandingabi nabala kwimithetho yakho, khon' ukuze ndingahlazeki.
IINDUMISO 119:41-80 Contemporary Xhosa Bible 2024 (CXB24)
VAU. Ngamana iinceba zakho zingaza kum, Yehova, nosindiso lwakho ngelizwi lakho. Ndiya kukwazi ukuphendula umkhonzi wam, Ngokuba ndikholose ngelizwi lakho. Kwaye anilisusanga ngokupheleleyo emlonyeni wam ilizwi lenyaniso; Ngokuba ndikholose ngezigwebo zakho. Ndowugcina umyalelo wakho ngonaphakade; Ndihamba-hambe ndikhululekile, ngenxa yezilumkiso zakho. Ndophinda ndithethe icebo lakho phambi kokumkani, ndingadani; Ndiyaziyolisa ngeziyalezo zakho endizithandayo; Ndiziphakamise izandla zam emithethweni yakho endiyithandayo; ndiya kucamngca ngokuncwina kwakho. ZAIN. Khumbula ilizwi owalithethayo kumkhonzi wakho, lowo undithembise ngako. Yiyo le intuthuzelo ekubandezelekeni kwam, Ngokuba ilizwi lakho lindiphilisile. Abakhukhumali bandiqumbele kakhulu, Noko ke andiphambuki emyalelweni wakho. Yehova, ndiwagqale amasiko akho angunaphakade; ndaye ndazithuthuzela. Ndisuke ndankwantya ngabangendawo abakreqayo emyalelweni wakho. Iziyalezo zakho beziziingoma kum endlwini yokuphambukela kwam. Yehova, ndikhumbule igama lakho ebusuku, Ndawugcina umyalelo wakho. Ndifumene yona, ngokuba ndiyigcinile imithetho yakho. CHET. Isabelo sam, Yehova, ndithi, Ndigcine amazwi akho. Ndithandazele inceba yakho ngentliziyo yam yonke; ndibabale ngokwelizwi lakho. Ndizikhumbule iindlela zam, Ndazibuyisela iinyawo zam ezicengeni zakho. Ndikhawulezile, andayekelela ukuyigcina imiyalelo yakho. Izintya zabangendawo zindibambile, Noko andiwulibali umyalelo wakho. Ndiya kuvuka phakathi kobusuku ukuze ndikudumise ngenxa yezigwebo zobulungisa bakho. Ndilidlelane labo bonke abakoyikayo, abayigcinayo imithetho yakho. Yehova, ihlabathi lizele zinceba zakho; Ndifundise iimfihlelo zakho. AMAXESHA. Umenzele okulungileyo umkhonzi wakho, uYehova, ngelizwi lakho. Ndifundise, ndibe nemvo nokwazi okulungileyo, Ngokuba ndiyigcina imithetho yakho. Ndingekatshutshiswa, ndaye ndilahleka; Kungokunje ndiligcinile ilizwi lakho. Ulungile, ulungisa; Ndifundise iimfihlelo zakho. Abakhukhumali bandixokisile, Mna ndizibamba ngentliziyo yonke imithetho yakho. Ithe fithi kukutyeba intliziyo yabo; Ke mna ndiziyolisa ngomyalelo wakho. Kulungile ukuba ndicudiswe; ukuze ndiwafunde amazwi akho. Ulungile kum umyalelo womlomo wakho, Ngaphezu kwamawaka egolide nesilivere. YOD. Izandla zakho zindenzile, zandilungisa; Ndiqondise, ndifunde iziyalezo zakho. Abakoyikayo bondibona bovuya; Ngokuba ndikholose ngelizwi lakho. Ndiyazi, Yehova, ukuba zinobulungisa izigwebo zakho, nokuba unditshutshisile ngokuthembeka. Mayibe yintuthuzelo inceba yakho, njengoko ukuthethileyo kumkhonzi wakho. Mazize kum iinceba zakho, ndiphile, Ngokuba umyalelo wakho uluvuyo lwam. Mabadane abakhukhumali; ngokuba bandone bodwa, ke mna ndiya kuyigqala imithetho yakho. Mababuyele kum abakoyikayo, nabawaziyo amacebo akho. Mayiphile intliziyo yam ngeentsikelelo zakho; ukuba andinazintloni.
IINDUMISO 119:41-80 Incwadi Yeziba̔lo Ezingcwele 1864, 1902 (Xhosa Appleyard) (XHO1902A)
Kanjalo ububele bako mabuze kum, YEHOVA! kwa usindiso lwako, njengokwelizwi lako. Kukona ndiya kuba nokupendula ondigxekayo: ngokuba nditemba ilizwi lako. Uze ungalihluti kanye emlonyeni wam ilizwi lenyaniso; ngokuba nditembele kuzo izigwebo zako. Kukona ndiya kugcina umteto wako futi, kude kube ngunapakade kanapakade. Ndandiya kuhamba ndikululekile: ngokuba ndizifuna ingxelo zako. Ndoteta ngezinqi̔nelo zako nasebusweni babo okumkani, ndandingayi kudana. Kanjalo ndoziyolisa emiyalelweni yako, endiyitandileyo. Nezandla zam ndozipakamisela kuyo imiyalelo yako, endiyitandileyo; ndandiya kucinga imimiso yako. Kumbula ilizwi esicakeni sako, onditembisileyo pezu kwalo. Oku kulututuzelo lwam ebunzimeni bam: ngokuba ilizwi lako lindipilisile. Abaner̔atshi bandigculele kakulu; andishenxanga noko emtetweni wako. Ndikumbule izigwebo zako kwa kudala, YEHOVA! ndaza ndazitutuzela. Ukunkwantya kundibambile, ngenxa yabakohlakeleyo abashiya umteto wako. Imimiso yako ibingamaculo kum, endlwini yokupambukela kwam. Ndikumbule igama lako. YEHOVA! ebusuku, ndagcina umteto wako. Ndandinako oku, ngokuba ndibe ndibamba ingxelo zako. Usisabelwa sam, YEHOVA! ndite ndiya kugcina amazwi ako. Ndakungela ubuso bako ngentliziyo yonke: yiba nofefe kum njengokwelizwi lako. Ndakumbulela indlela zam, ndaguqula inyawo zam ngasezinqi̔nelweni zako. Ndakanleza, ndingazilazilanga, ukugcina imiyalelo yako. Imigibe yabakohlakeleyo indingqongile: andilibalanga umteto wako noko. Pakati kwobusuku ndiya kupapama ndibulele kuwe, ngenxa yezigwebo zako ezilungileyo. Ndingumlingane wabo bonke abakwoyikayo, nabo bazigcinayo ingxelo zako. Umhlaba, YEHOVA! uzele bububele bako: ndifundise imimiso yako. Usenzele isicaka sako okulungileyo, YEHOVA! njengokwelizwi lako. Ndifundise ingqiqo elungileyo nokwazi: ngokuba ndibe ndikolwa yimiyalelo yako. Ndati ndingekabandezelwa, ndalahleka; kodwa kaloku ndiligcinile ilizwi lako. Ulungile wena, uyenza okulungileyo kanjalo: ndifundise imimiso yako. Abaner̔atshi baqingile ubuxoki ngakum; koko ndiya kubamba ingxelo zako ngentliziyo yonke. Intliziyo yabo ityebile njengenqata; koko mna ndiziyolisa emtetweni wako. Kundilungele ukuba ndibe ndibandezelwa; ukuze ndifunde imimiso yako. Umteto womlomo wako ulungile kum ngapezu kwamawaka egolide nesilivere. Izandla zako zindenzile zandidala: ndiqondise, ukuba ndifunde imiyalelo yako. Abo bakwoyikayo bondibona bavuye; ngokuba nditembele ezwini lako. Ndiyazi, YEHOVA! ukuba izigwebo zako zibulungisa; kanjalo kungenyaniseko ukundibandezela kwako. Mabuti ke ububele bako bube kukunditutuzela, njengalo ilizwi lako esicakeni sako. Inceba zako mazize kum, ukuba ndidle ubomi: ngokuba umteto wako uluyolo lwam. Abaner̔atshi mabadaniswe; ngokuba bendipenule kungeko ndawo: kodwa mna ndiya kucinga ingxelo zako. Mabati abakwoyikayo baguqukele kum, kwa nabo bazaziyo izinqi̔nelo zako. Intliziyo yam mayibe ifezekile emimisweni yako, ukuze ndingadani.