लुका 4:9-12

हाङ् साइटानऎ येसु सॆङ्‌सॆङॆ हाटा यारुसालेमबि लाखॆटु हाङ् निवाँहाङ्‌मि खिम्‍मि वाचेन्‍टु टॆटु हाङ् लोसु, “आना चाइबान निवाँहाङ्‌मि पासाना हाङ्‌ग गबाङ् चेढिन्‍टॆ, मान्‍ठाभनॆ निवाँनेन् साब्‍चिराबि गरहाङ् साब्‍डा, ‘आना खाङ्‌माम् लागि निवाँहाङ्ऎ खोम् निवाँखाटॆखुबाचि पाङ्‌हाङ्‌कुचि’ ‘हाङ् आनाम् लाङ् लुङ्‌कॽवाबि ऎटःक्‍सिॽल कामानुङ् आक्‍खाचिऎ आना हुक्‍हुक्‍पिॽन टाःबुक्‍मि’।” येसुऎ साइटान लोसु, “निवाँहाङ्‌मि खानावाँबि गर सङ्‌क साब्‍डा, आनॆ आनाम् पारभु निवाँहाङ्‌मि निवाँ ठाःग्‍मा फॆन्‍नि।”