मत्ती 10
10
ईसु रेनकू बारह झन चेलाकू
(मरकुस 3:13-19; लूका 6:12-16)
1हेना वरी ईसु बारह झन चेला कुतय राःकेड कुते भूतकू उडूंग लगड अवुर जे-निरीता रोग अवुर जे-निरीता बेमारी अवुर कमजोरी वरी चिकनकू लगड अधिकारिय ओवडकू। 2अवुर नेकू बारह झन परेरितकू ञुमू नआँ याःतेआ, पहला सिमोन, नेय पतरस मेनते कू कहनी वया, अवुर बोहोत अन्दिरयास; जबदी कोड़ा होपोन एकूब, अवुर नेय बोहोत एहुन्ना; 3फिलिप्पुस, अवुर बरतुलमय, थोमा, अवुर मलगुजारी तिलाअय मत्ती, हलफई होपोन एकूब, अवुर तदेय, 4कनान रेनिय सिमोन अवुर इस्करयोती गाँव रेनिय एहूदा, ने-नी तयोम ते, ईसुय एर पकड़ो तेडा।
बारह झन परेरितकू राः सेवा
5नेकू बारहो झन ईसु राःकेड कुते नआँ याःतेय हुकूम वडकू तेय कुलतेड कुआ, “अनजातकू हन अलोपे सेनुऊ, अवुर सामरिकू राः सहर रेहो अलोपे सेनुऊ। 6लेकिन इसरायिल ओड़ाः रेनकू अडकेनकू भेंड़िकू थरे पे सेनुऊ। 7अवुर अपे से-ने तींग ते, ‘सरग राज आय लिघियो यना’ मेनते पे परचारे। 8बेमारियाकू पे चिकानू, अवुर गोजकेनकू पे जियो, कुड़गाकू पे सूधु, अवुर भूतकू लगोकेन हेंकू वरी भूतकू पे उडुंगू। अपे नआँ सक्ति सेथिया तेपे ञँमकेडा, सेथिया तेपे ओवाकू। 9#1 कुरि 9:14; 1 तीमुथि 5:18बटू तपे रे सोना, चहे चाँदी अवुर तँबा अलोपे दोहोयू। 10होर लगड झोला, बाटंग कुरता, चहे पनही, चहे लाठी अलोपे साबे, कहेकि बनियाँर दो बनी ञँमुः चही।”
11“अपे कनर सहर चहे गाँव पे सेनुः रेदो, काय अपे डेरा ओवापे लगड तयार इदानिया, हेंय पे पता। अवुर जेतना दिन पे दोहोना, हें-नी ओड़ाः रेपे दोहोनू। 12अवुर जे ओड़ाः रेपे सेन उतरोआ, हेंय आसीर्वाद पे ओवायू। 13अगर हेना ओड़ाः रेनकू आसीर्वाद लायिक इदान कू रेदो, अपे राः आसीर्वाद हेंकू थरे दोहोना, अगर हेंकू आसीर्वाद लायिक कोवाकू रेदो, हेना आसीर्वाद अपे थरे मिड़ाः मेजुआ। 14#परेरित 13:51अगर कनय हो अपे मेने कू अपनो पे, चहे अपे राः टेबोः मेने कू अँजोमे रेदो, हेना ओड़ाः चहे सहर वरी उडूंगुः तोलोग भगवान अपे थरे खुस कोवाया मेनाआँ तिःवाकू लगड कटा पे राः धुड़ी पे कुटा अटु। 15#मत्ती 11:24#लूका 10:4-12इंञ अपे थरे सही मेतेंञ कहनी यडा, भगवान गोटा होड़कू रअय न्याये चेका मरित दोहो एना, सदोम#10:15 सदोम रेनकू अखीर बेलूर होड़कू दोहो एना, हेनाते भगवान हेंकू सेंगेल तेय नास तेडकुआ अवुर अमोरा सहर रेनकू होड़कू तिमीन दंडिय ओवा कुआ, हेना वरी हो बगरा दंड अपे मेनेकू अपनोआँ हेंकुय ओवाआ।”
मेज तना बिपेत
(मरकुस 13:9-13; लूका 21:12-17)
16 #
लूका 10:3
“अँजोम पे, इंञ अपे भेंड़िकू घयते बिगवाकू मँझर रेंञ कुलयड पेआ। हेनाते अपे बींञकू घयते चतुर अवुर परेवाँकू घयते सिधा सधा पे बनोऊ। 17#मरकुस 13:9-11; लूका 12:11,12; 21:12-15अवुर अपे होड़कू वरी सँवचेती तेपे दोहोनू, कहेकि हेंकू अपे दरबार रेकू इदी पेआ, अवुर अकू राः पंचायत रे कोड़ा तेकू एर ञेंड पेआ। 18ईञाः चलते ते नेकू अपे अधिकारिकू अवुर राजाकू राः मड़ंग रेकू इदी पेआ, अवुर अपे ईञाः बारे ते गोवाही पे ए-मा। अवुर नेकू अवुर अनजातकू होपे ओवा कुआ। 19अपे नेकू पकड़ो पेरे, काःते अवुर ची ले कहनिआँ मेनते अलोपे पसींदे, कहेकि जे कहेक इदाना, हेना हेनेन तोलोग भगवान लाय वपेआ। 20कहेकि टेबोः हेंकू अपे ना लगे, लेकिन अपापे राः आत्मा अपे राः दोवारा ते टेबोआ।”
21 #
मरकुस 13:12; लूका 21:16 “इंञ थरे मेने बिसवासेःकू, मगत अनेज बोहोत अवुर अपत होपोन तू एर ञेंड गोजेय लगाडिय जिमाया, अवुर चोंडिजकू इंग आप कू राः खिलाप रे रिमकोः तेकू एर ञेंड गोज कुआ। 22#मत्ती 24:9; मरकुस 13:13; लूका 21:17; मत्ती 24:13; मरकुस 13:13अवुर इंञ ञुमू राः चलते ते सींड़ कुकू मेरंग वपेआ, लेकिन जे अखरी अँगम मेनते धीराजिय सबताआ, #10:22 अखरी अँगम मेनते बिसवास रे दोहोनय, हें-नी बंचोआ। 23नेकू अपे मियाँटंग सहर रेकू सतो पे रेदो, एटाः सहर हनते पे ञींरू, इंञ सही मेते अपे थरेंञ कहनी यडा, अपे इसरायिल राः सींड़ सहर अनायिन पे होयोर हनिय ते होड़ होपोन मेजुअयू।”
चेला राः मतलोब
24 #
लूका 6:40; एहुन्ना 13:16; 15:20 “चेला अपन गुरू वरी बडे मेनेय दोहोना। अवुर हरवाह अपन मुँवर तू वरी बडे कोवाया। 25#मत्ती 9:34; 12:24; मरकुस 3:22; लूका 11:15चेला अपन गुरू घयते बनोऊ, अवुर हरवाह अपन मुँवर तू घयते बनोऊ, बहुत गिआ। जब हेंकू ओड़ाः मुँवर घलि सयतान#10:25 इब्रानी भासा ते बालजबूल मेनतेआ मेनते कू कहनी वडिया, दो हेंय ओड़ाः रेनकू केयिन गोटंग ते ची लगड एरो कू कहनी वडकुआ?”#10:25 चोबीस अवुर पचीस पद रे कहनी केडा, हेना गुरू अवुर मुँवर तू परभु ईसु मसीह हवे, अवुर ओड़ाः रेनकू अवुर हरवारकू हेंय रेनकू चेलाकू हवे।
ईया पे बोरोवा?
(लूका 12:2-7)
26 #
मरकुस 4:22; लूका 8:17 “हेनाते मनवाँकू अलोपे बोरो वकू; कहेकि मेने ञेंलुआ, हेना सींड़ टिपाआ; अवुर दलंग राः सींड़ कुकू ञें-लेआ। 27इंञ अपे अंधरा ओत रेंञ कहनी वपे तना, हेना मरसल रेपे लाये; अवुर लुतूर पेतेपे अँजोमेआँ, हेना सड़ीम अगस वरी पे परचारे। 28देंह भर कू ञेंड गो-जा, लेकिन आत्मा दो एरो कू ञेंड गोजतेडा, हेंकू अलोपे बोरो वकू; लेकिन देंह अवुर आत्मा बनर नरक रेय नास सकोआ, हे-नी पे बोरोवा। 29पेयसा ते बाटंग गोरेला कींञ मेने कींञ केजाआ किदो? हेंडे रेहो नेकू अपापे राः इक्छा बिगर ते, ओतेत रे मियाँटंग हो मेने कू लोजोरुआ। 30अपे भोःपे राः सींड़ उबपे होय लेखा केडा। 31हेनाते अलोपे बो-रू; अपे गोरेलाकू वरी हो अखीर किमती गिआपे।”
ईसु अपनो विय चहे अलो अपनो वियू
(लूका 12:8,9)
32कनय हो होड़कू मड़ंग रे ईंञिय अपनो रेदो, हेंय इंञ हो सरग रेनिय अपुंञ मड़ंग रेंञ अपनो विया। 33#2 तीमुथि 2:12लेकिन कनय हो होड़कू मड़ंग रे ईञिय नहकारा, हेंय इंञ हो सरग रेनिय अपुंञ मड़ंग रेंञ नहकारिया।
ईसु मेजुः रे नतिजा
(लूका 12:51-53; लूका 14:26-27)
34अपे अलोपे पसींदे जहानू इंञ धरती रे मेल मिलाप कू लगाडिंञ मेजकेना मेनते, इंञ मेल मिलाप कू लगड मेने, लेकिन तरवार एर चलो लगाडिंञ मेजकेना। 35इंञ कोड़ा होपोन तू अपत वरी अवुर कोड़ी होपोन तू इंगत वरी अवुर किमीन तू हनहाँर तू वरी अलग अलग कू लगाडिंञ मेजकेना#10:35 इंञ न दुनिया रेंञ मेजेना, तहाँ इंञ थरे मेने बिसवासेःकू, इंञ थरे बिसवासेः हेंकुकू बिरोधा।। 36होड़ रेनकू मुदेयकू हेंय ओनोड़ाः रेनकू होयाआ।
37“जे इंञ वरी बगरा ते अपन इंग आप कीञिंय परेमा, हेंय इंञ लायिक कोवाया, अवुर जे इंञ वरी बगरा ते होन होपोन कुय परेमा, हेंय हो इंञ लायिक कोवाया; 38#मत्ती 16:24; मरकुस 8:34; लूका 9:23अवुर जे अनेज राः कुरूस#10:38 कुरूस रिम मतलोब ईसु मसीह लगड जिनगी रे कनारा दुख तकलिप सहेक पड़ोआ, गोजुः पड़ोः रेहो सहेक पड़ोआ। रिमकेते, इंञ तयोम ते मेनेय से-ने रेदो, हेंय हो इंञ लायिक कोवाया। 39#मत्ती 16:25; मरकुस 8:35; लूका 9:24; 17:33; एहुन्ना 12:25जे अपन जीव बंचो लगाडिय पसींदेआ, हेंय जिनगी तयिय गँवों वेआ, अवुर जे ईञाः चलते ते अपन जीविय गँवोंआ, हेंय जिनगिय ञाँमा।”
फल ञँमुआँ
(मरकुस 9:41)
40 #
लूका 10:16; एहुन्ना 13:20; मरकुस 9:37; लूका 9:48 “जे अपेकू अपनोआँ, हेंकू इंञ कू अपनोआँ; अवुर जे इंञ कू अपनोआँ, हेंकू ईञिंय कुलकेडा, हेंय कू अपनोआँ। 41जे होड़ कनय भविस्यवक्ता, भविस्यवक्ता हवे मेनते पसींद केतेय अपनो विया, हेंय भविस्यवक्ता राः फालिय ञाँमा, अवुर जे होड़ कनय धरमी, धरमी हवे मेनते पसींद केतेय अपनो विया, हेंय धरमी राः फालिय ञाँमा। 42अगर कनय हो नेकू होड होडिंञकू मेंडे ईञाअय चेला हवे मेनते पसींद केते, मियाँ गिलास लेयेड़ दाईय ओवायू, इंञ अपे थरे सही मेतेंञ कहनी यडा, हेंय कनर घयते अनेज राः प्रतिफल एरोय गँवों तेडा।”
Currently Selected:
मत्ती 10: ksz
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
© 2022, Wycliffe India. All rights reserved.