Ruti 4
4
1Ongolo Boazi omu koti ei driga, ori nale. Anagori nai Boazi adzoleri emura. Ongolo Boazi odzo, Lososi nyetsonyi nyeri vuru dia. Anietsoani orira.
2Anioko amba mudri ei driga, aniodzo, Anyeri vuru dia. Aiorira.
3Aniodzo anagori dri, Naomi nai engadi vo Moabu dri engwi dia ole amvu dzeka gadro amvu nai amadrupi Elimileki dri.
4Ongolo madzo anidri, Lososi nyedze ani bandraga amba amadri ndragatro. Dzo nyetwero dzeka nyedze, duba dzo nyeleko nyedzo madri ongolo madzera ani adosi madi zii dzediri iyo. Nyi rukusatro pa ongolo mai. Aniodzo mitwero dzeka.
5Boazi odzo vo zii, Odu nyamvudzedzori Naomi dri dria nyedze Ruti izi Moabu dritro, izi naidri dradirari tika baronzi limi madi dradira nai kokatro.
6Anagori odzo, Mitweroko aniduka adosiko nosi ledzo di ka baronzi madri evolo. Lososi nyedze amvu di nyedu anetro adosi mitweroko.
7Di ani ovi okuri ba Isiraeli dria. Lofo madi kamvudze nosi izi oderi duka, madi nai ka mvoka anidri nzera okwea anagozi dri. Ongolo ovi di ani soda ba Isiraeli dri.
8Ongolo anagozi odzo Boazi dri, Nyedzenyi. Ongolo anionze mvoka anidri.
9Ongolo Boazi odzo amba dri ba podru titro, Anyi soda endro, Anyendrera madzera ta podru Elimeleki dri ti Kilioni ti Malonitro dri, dri naomi driga.
10Ruti izi Moabu dri izi Maloni dri madzeasa kolo izi madri tika baronzi hwika dzoa limitro ba drakari dri; anyi soda endro.
11Ongolo ba podru oriki koti ei dri amba titro aiodzo, Ama soda. Ruba kikonyi izi di kohwi dzo nyidri kendre Rakeli ti Leatro. Baronzi izi eri dri ai ata ba Isiraeli dri podru; nyesu okpo vo Efirata driga, ru nyidri kokura vo Betelemua.
12Ruba okwe izi dri baronzi paka dzo nyidri kemu kendre dzo Farezi dri, bara nai Tama izi Yuda dri otini.
13Lele disi Boazi oko Ruti anikolo izi anidri; lofo aniode anetro Ruba okwe ani a, anioti bara ago.
14Ongolo oko odzo Naomi dri, Amanzo Rubara adosikoa aniedzi nyini agori paka ru nyidri kokura vo ba Isiraeli dri.
15Anika okpo odiri kwe nyidri kanyatamba lofo dzo nyemu idraizi; adosikoa nyiya baraizi nai ole nyi dzaka baronzi ago tuderi otiani.
16Ongolo Naomi oko bara dria, oba anabaga, kanatamba ani.
17Oko aikolo ere anetro aioda ru ani, aiodzo, Naomi oti bara ago; aiongwe ani Obedi; ani ata Yesi dri ani Daudi atai.
18Diadro di ani abi Farezi dri; bara Farezi dri ani Ezeroni.
19Ezeroni oti Rami; Rami oti Abinadabi.
20Abinadabi oti Nasoni; Nasoni oti Salamoni.
21Salamoni oti Boazi; Boazi oti Obedi.
22Obedi oti Yesi; Yesi oti Daudi.
Currently Selected:
Ruti 4: MHIRuth
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
© British and Foreign Bible Society 1938, 2018