Yosua 12
12
Raja to natalo Nabi Musa
1Ia to kota sola kampong to mangka jolomo natalo Nabi Musa sola to-Israel iamo to sininna kota jio kadellekan Sa'dan Yordan, mangpamula jiong mai Lombok Sa'dan Arnon rrundunan Lombok Yordan tarruh re' Buntu Hermon. Den dua raja to natalo.#Bilangan 21:21-35; Ulangan 2:26–3:11 2Ia to mesa' disanga Sihon, rajana to-Amori to torro jio kota Hesybon na ngkuasai sitangngana tana Gilead mangpamula jio mai kota Aroer jio randan salu Arnon, na kota llan tangnga Lombok Arnon ratu re' randan Sa'dan Yabok katonan kampongna to-Amon, 3na lombok kadellekanna Sa'dan Yordan mangpamula jaja mai Tasik Galilea#12:3 Tasik Galilea llan basa Ibrani disanga Kinerot. ratu sau' kota Bet-Yesimot kadellekanna Tasik Mate, tarruh de' awa' Buntu Pisga.
4Na ia to raja laennapa to natalo Nabi Musa sola to-Israel iamo to Og, raja jio Basan, to torro jio Asytarot sola jio Edrei. Ia tee Raja Og mesa' to-Refaim#12:4 Ia to to-Refaim sigaja tonggo pangkaleanna. Kitai Ulangan 2:20-21, 3:11. to tuo unapa joo wattu. 5Ia to tana nakuasai mangpamula jaja mai Buntu Hermon, Salkha, na sininna tana Basan ratu lako tana to-Gesur na to-Maakha, ratu sau' sitangnga tana Gilead tarruh sau' angge karajaanna Raja Sihon llo' kota Hesybon.
6Iamo joo to dua raja natalo Nabi Musa, tompangjaman PUANG Allataala, sola to-Israel. Ia to padang narampa, natawai Nabi Musa lako suku Ruben, suku Gad na sitangngana suku Manasye napumanahhi.#Bilangan 32:33; Ulangan 3:12
Sininna raja to natalo Yosua
7Susimi joo Yosua sola to-Israel ntaloi raja to mangparenta llan kalambunanna Sa'dan Yordan, mangpamula jaja mai Baal-Gad jiong Lombok Libanon ratu sau' Buntu Malenyu' siandah tana to-Edom#12:7 Edom llan basa Ibrani disanga Seir. . Ia to tana narampa Yosua pantan ditawan suku to-Israel napumanahhi. 8Iamo to membuntunna sola membuntu-buntunna tana Yehuda, Lombok Yordan, awa' buntu kalambunanna Tasik Mate na padang makase Negeb, to pura tanana to-Het, to-Amori, to-Kanaan, to-Feris, to-Hewi na to-Yebus. 9-24Ia to raja natalo Yosua den tallung pulo mesa tau, iamo to
rajana to-Yerikho,
rajana to-Ai jio siandah Betel,
rajana to-Yerusalem,
rajana to-Hebron,
rajana to-Yarmut,
rajana to-Lakhis,
rajana to-Eglon,
rajana to-Gezer,
rajana to-Debir,
rajana to-Geder,
rajana to-Horma,
rajana to-Arad,
rajana to-Libna,
rajana to-Adulam,
rajana to-Makeda,
rajana to-Betel,
rajana to-Tapuah,
rajana to-Hefer,
rajana to-Afek,
rajana to-Lasaron,
rajana to-Madon,
rajana to-Hazor,
rajana to-Simron-Meron,
rajana to-Akhsaf,
rajana to-Taanakh,
rajana to-Megido,
rajana to-Kedes,
rajana to-Yokneam siandah Buntu Karmel,
rajana to-Dor jao membuntu-buntunna,
rajana to-Goyim jio Galilea
na rajana to-Tirza.
Currently Selected:
Yosua 12: mvpAD
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
© Wycliffe Bible Translators, Inc. All rights reserved.