Sam 15
15
Sam Kranzpnu-esz'-nrade-nzlvqn (15)
Doa Kx Tubq Mz Nzobqkr Gct
Nabz ne Devet.
1?Yawe, neke navztrpz Mangr-nzangiongr nim?
?X neke takitrde nzangio-krde mz newz kxtr nyzm?
2Doa kxmule lc nabzde nalqngi.
Nqmq krde natubq. X natqde nangi da angidr.
3A' bzkq rpibqti leplz. Bzkq atrkatile kztede.
X bzkq pikitile kxnzesotrpzng bade.
4Napxtxpx-ngrde kxdrka'-ngrng.
A' na-amatqle kxnzamrluelr Yawe Gct.
Na-atutr-zvzle nzesalz-krdeng,
Kxmule-esz' rblxbz bade.
5Narlxtile kxnzrbilqngr kx takitrde trau scde kc tqrlrpx-ngrde.
Bzkq pokiatitrle mrlx kxtubq,
Kxmule-esz' leplz nzrpilr naxpelr nide.
Doa kx vz-nqblqle natq lcng sa natu-amqngi zvz.
Currently Selected:
Sam 15: ntu
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
© 2008, Wycliffe Bible Translators, Inc. All rights reserved.