Isauyedi 20
20
Loina yauvou tamoqana (Loina 10)
1Matautauda Yaubada naloina matatabuna tomo'otoqa ivonedi.
2Ivo, “Yau Iave mi Yaubada, akewaluguaqetemi Itipitaeqa, no waineye kwavetolituqa-maimaiqa we ge mekamitutula.
3“Ge yaubada tupwaidiavo waidie kwaisobwanu, kaia Yau kaisegu mi Yaubada.
4“Ge tamo tokwalui kwaitunai waineye kwaisobwanu, tokwaluinidiavo kadikisa mesaida saku tupwaidiavo abama naqeneye, pwayapwaya tabwaneye, wete ligwagwa naqeneye. 5Ge waidie kwaisobwanu paina Yau Iave mi Yaubada kaiseotoqigu, beqa valabubunanina Yau avedumwekaikaieni. We kago mesaida tomo'otoqanidiavo inavedumwekaikaiegu aikaimatavuloqidi wete gukaimatavuloqa inadamana natudiavo, tubudiavo wete yaitediavo waidie. 6We kago kwaivenapwayewegu wete guloina kwaivekimatanedi, Yau guvenapwayewa ge menasivilavila aiketo'iwaqi waimie inadamana inanaqo tubuleleleqimiavo 1,000 lagata imaimai waidie.
7“Komi kaguwavaqa ge kwaikabigoveni paina Yau Iave mi Yaubada, kago aitoi inakabigoveni aikaimatavuloqi.
8“Kaiata Kabaveyawai kwainuanuani kwaiyatokeni Yau paipaigu paina maqemaqetana. 9Kaiata 6 naqedie kwailitulituqa, 10we kaiata kanave-7 waineye kwaiveyawai paina Yau Iave mi Yaubada gukaiata maqemaqetana. Kaiatanina waineye ge tamo aitoi inalituqa—natumiavo lamoqidiavo wete vevinediavo, mitolituqavo lamoqidiavo wete vevinediavo, mikaisayavo, wete olaolaga mikabaloina waineye imiamia. 11#Kaba 2:1-3Paina kaiata 6 naqedie Yau Iave abama, pwayapwaya, ligwagwa wete saku puedi naqedie avalabubunidi we kaiata kanave-7 waineye aveyawai. Paipainanina Yau Iave kaiatanina avesinueni, avonavenapwayeweni wete ayatokeni Yau paipaigu.
12 #
Mak 7:10; 10:19 “Tamamiavo inamiavo kwaivekimatanedi, beqa mimiana inavekaniakwana no pwayapwayanina waineye, gumanina Yau Iave mi Yaubada avelevelemi.
13 #
Kaba 9:6; Mak 10:19 “Ge tamo aitoi kwailuvewapai.
14 #
Mak 10:19
“Ge emiavo mwanediavo taiauda kwaigimala.
15 #
Mak 10:19
“Ge kwaivainaqo.
16 #
Mak 10:19
“Ge tamo aitoi vonakatupoe'eqa kwaivemwauya.
17“Ge tamo tomoqo navanuqa, mwanena, natolituqavo, nabulumakau, nadoniki wete tupwaidiavo nasakuvo kwainuanuavaigavuyedi.”
Currently Selected:
Isauyedi 20: mzz
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
© 2023 (Active), Wycliffe Bible Translators, Inc. All rights reserved.