یارادیلیش 19
19
سودوم و گومورانین محو اولماسی
1آخشام ائکی مَلَک سودوما گلدی. لوط شهرئن دروازاسی یانیندا اوتورموشدو. او، مَلَکلری گؤردو، قالخیب اونلارین پئشوازینا چیخدی و یِره قدر اَیئلئب ددی: 2«آغالاریم، قولونوزون اِوئنه گئرئب گجه‌نی بورادا قالین و آیاقلارینیزی یویون. سحر قالخیب یولونوزا داوام ادرسئنئز.» اونلار ددئلر: «یوخ، بئز گجه‌نی شهر میدانیندا کچئرده‌جه‌یئک.» 3لوط اونلاری چوخ دئله توتدو. نهایت اونلار لوطلا بئرلئکده اونون اِوئنه گتدئلر. لوط اونلار اوچون بئر ضئیافت حاضیرلاییب، مایاسیز چؤرکلر پئشئردی و اونلار یدئلر. 4لاکئن اونلار یاتمامیش، سودوم شهرئنئن هر محلّه‌سئندن اولان کئشئلر، جاواندان توتموش قوجایا قدر، اِوی احاطه‌یه آلدیلار. 5آداملار لوطو چاغیریب اونا ددئلر: «بو گجه سنئن یانینا گلن آداملار هارادادیر؟ اونلاری بئزئم یانیمیزا گتئر کی، اونلارلا یاخینلیق ادک.» 6لوط اِشئیه، اونلارین یانینا چیخیب، آرخاسیندا قاپینی اؤرتدو. 7و ددی: «قارداشلاریم، خاهئش ادئرم، پئسلئک اتمه‌یئن. 8باخ، منئم اَره گتمه‌مئش ائکی قیزیم وار. قیزلاریمی سئزئن یانینیزا گتئرئم، اونلارا نه ائسته‌یئرسئنئز، ادئن. آنجاق بو آداملارا توخونمایین، چونکی اونلار منئم اِوئمئن قوناقلاری‌دیرلار.» 9کئشئلر ددئلر: «دالی چکئل! بو آدام قرئب اولاراق بئزه پناه گتئردی، لاکئن ائندئدن قاضیلیق ادئر. ائندی سنئنله اونلاردان دا پئس رفتار اده‌جه‌یئک». اونلار لوطا شئدّتله هوجوم ادئب، قاپینی سیندیرماق اوچون یاخینلاشدیلار. 10اوندا ائچه‌رئده‌کی آداملار اَللرئنی اوزادیب لوطو اِوئن ائچئنه، اؤز یانلارینا سالدیلار و قاپینی باغلادیلار. 11مَلَکلر اِوئن قاپیسی آرخاسیندا دوران آداملاری، کئچئکدن توتموش بؤیوکه قدر، کور اتدئلر. بو سببدن آداملار قاپینی تاپا بئلمه‌دئلر.
12آداملار لوطا ددئلر: «بورادا داها کئمئن وار؟ بو شهرده کوره‌کَنئن، اوغوللارین، قیزلارین، نسلئندن اولان هر کس وار، هامیسینی بو یردن چیخارت، 13چونکی بئز بو یِری محو اده‌جه‌یئک، چونکی بو خالقین فریادی ربّه گلئب چاتیب، بونا گؤره ده رب بئزی گؤندَ‌رئب کی، اونو محو ادک.» 14لوط گدئب، قیزلارینی آلماق ائسته‌ین کوره‌کَنلرئنه ددی: «قالخیب بو یردن چیخین، چونکی رب شهری محو اده‌جک.» آمّا کوره‌کَنلری گومان اتدئلر کی، او ضارافات ادئر.
15سحر آچیلاندا مَلَکلر لوطو تَلَسدئرئب ددئلر: «قالخ یانینداکی آروادین و ائکی قیزینی گؤتور گت، مبادا شهرئن باشینا گلن جزادا سئز ده محو اولاسینیز.» 16آمّا لوط یاواش تَرپَندی. اونا گؤره ده بو آداملار اونون، آروادینین و ائکی قیزینین اَلئندن توتوب اشئیه چیخارتدیلار و شهرئن قیراغینا قویدولار، چونکی ربّئن اونا مرحمتی وار ائدی. 17اونلاری چیخاردان زامان آداملاردان بئری ددی: «اؤز جانینی قورتار، آرخانا باخما. بو دره‌نئن هچ یرئنده قالما، داغا چیخ، یوخسا هلاک اولارسان.» 18لوط اونلارا ددی: «آمان، آغام! 19ائندی باخ، بو قولون سنئن گؤزونده لوطف تاپیب و جانیمی خئلاص اتمکله منه بؤیوک محبّتئنی گؤرستدئن. لاکئن داغا قاچماغا قودرتئم یوخدور، مبادا بو بلا منه یتئشسئن و هلاک اولوم. 20یاخینلیقدا قاچا بئله‌جه‌یئم کئچئک بئر شهر وار. قوی اورایا قاچیب جانیمی قورتاریم. مگر او شهر کئچئک دیئل؟» 21آداملاردان بئری لوطا ددی: «سنئن خاطئرئنه بونو دا اده‌رم: ددئیئن شهری داغیتمارام. 22تز اول، اورایا قاچ! سن اورایا چاتمامیش من بئر شی اتمیه‌جیم.» بونا گؤره ده او شهر صوعَر آدلاندی. #19:22 «صوعَر» - عئبرانی دئلئنده «کئچئک» 23گونش یِر اوزونه دوغاندا لوط صوعَره گلدی.
24رب سودوم و گومورانین اوستونه گؤیدن اودلو گوگورد یاغدیردی، 25بو شهرلری، بوتون دره‌نی، اورانین بوتون ساکئنلرئنی و تورپاقدا بئتن هر شیی محو اتدی. 26آمّا لوطون آروادی آرخادا دؤنوب آرخایا باخدی و دوز سوتونونا چِورئلدی.
27ائبراهئم سحر ارکن قالخیب ربّئن حوضوروندا دوردوغو یره گتدی. 28اورادان سودوم و گومورایا، بوتون دره‌نئن تورپاغینا باخدی. گؤردو کی، او یردن اوجاق توستوسو کئمی بئر توستو گؤیه قالخیر.
29تاری دره‌ده‌کی شهرلری محو اتدئیی زامان، ائبراهئمی خاطیرلادی، بونا گؤره ده لوطون یاشادیغی شهرلری داغیدارکن، اونو هلاکت ائچئندن چیخارتدی.
لوط و اونون قیزلاری
30لوط ائکی قیزی ائله بئرلئکده صوعَردن چیخیب، داغدا یاشادی، چونکی صوعَرده یاشاماقدان قورخوردو. او، ائکی قیزی ائله بئر ماغارادا قالدی. 31اونون بؤیوک قیزی کئچئیئنه ددی: «آتامیز قوجالیب و بوتون دونیادا ائنسان عادتئنه گؤره بئر کئشی یوخدور کی، یانیمیزا گئرسئن. 32گل آتامیزا شراب ائچئردک و اونونلا یاتاق کی، اؤز آتامیزدان نسلئمئز اولسون.» 33اونلار او گجه آتالارینا شراب ائچدئردئلر. بؤیوک قیز ائچه‌ری گئرئب، آتاسی ائله یاتدی. لاکئن آتاسی اونون نه واخت یاتیب-دوردوغونو بئلمه‌دی. 34او بئری گون بؤیوک قیز کئچئیئنه ددی: «باخ، دونَن گجه من آتاملا یاتدیم. گل بو گجه ده اونا شراب ائچئردک و سن ده اونونلا یات کی، اؤز آتامیزدان نسلئمئز اولسون.» 35او گجه گئنه آتالارینا شراب ائچدئردئلر. کئچئک قیز قالخیب اونونلا یاتدی، لاکئن آتاسی اونون نه واخت یاتیب-دوردوغونو بئلمه‌دی.
36لوطون ائکی قیزی بله‌جه آتالاریندان بویلو اولدولار. 37بؤیوک قیز بئر اوغول دوغدو و اونون آدینی موآب #19:37 عئبرانی دئلئنده یعنی «آتادان» قویدو. او، ائندئکی موآبلی‌لارین جَدّئدئر. 38کئچئک قیز دا بئر اوغول دوغدو و اونون آدینی بِن-عَمّی #19:38 عئبرانی دئلئنده یعنی «خالقیمین اوغلو» قویدو. او، ائندئکی عَمّونلولارین جَدّئدئر.
Currently Selected:
یارادیلیش 19: موقدس کتاب
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
© Elam Ministries 2013. All rights reserved.