Iivesi zeBhayibhile ezithandwayo ezisuka Luk, echî 17

Share

A sə́re mân nne nnyó se, “Duî ngyím choŋ, okíghá-ḿbə́ŋé obhâ ó yim wâ ó son.”

Kpe ájoé sê a yîm wâ obhí ntə̂m enígisá ka ofú, kən kpe bhaghé ntə̂m, a sə́re wâ se yê a yîm obhí, a rô kpó yim, o ri ó rî nsôn ó gyíni obhí obhê.”

Yót a yéná se emaŋé ejê é man, a chə́bhe njəm mbâ Jisos a kúghá a kará nkat mbâ Obhasi. A kpó si ka eji Jisos a ri, a gbô ka ochî obhê, a káre yê ekûp. Nne nnyó a ri nne Samariya.

Nne a joé ka ibhábhé. “Mmon-i-nnyen owa á yim obhí, nyán yê. Ebhú á səre se, yê a yîm obhí, a rô kpó yim, deê ó rî nsôn ó gyíni obhí obhê.

Kən Jisos a bhə̂p se, “Ane ófó nâ á yími ofunum ábho ó mân, mba ngá árôn-ánî, á rî fan?

Kən Ńtâ Jisos a táme ábho se, “Ebhú sê ḿbə́ŋé nnyi o kíi ên na Obhasi a ri kpe mkpât noŋ mməghe mósta eê, kə́n o kí səre ên étí eyúp njí se é yə̂p na arʉk-arʉk, é jí gyímí ka aya ayúp, étí áji é kí yuk wâ.”

Kpe énê nnyo a kí nok se yê a kughí ekpin ejê, tîk a kə̂t ka mbá. Nne nnyo á tane ekpin ejê, tîk a chə́bhe njəm a fôn ńjə́ne.

Jisos a sə́re atóbhá abhê se, “Iyîm mbi í kí choe nne í kâk ka obhí í fôn ka ejoóm, kən tîk é bhîp é chîŋ na nne nnyo a kə́ bha na ḿbə́ne. Tîk é nôp é chîŋ sê á kó ekpatə́m í ntáé á sə̂t wâ ka ntuŋ á bhî ka aya, na nji ó yîm mmon ntʉ́ghi nnyó kpe yót a yim obhí.

“Ekpak é fábhe ka ebhú Nowa, nâ noŋ fə́ne é kí fap ka ebhú Mmon-i-ntem-nne a kə́ bha. Kpe énê a ri a dík a wók, mba ebháé á kok ta ofú Nowa a kpo to a gbe okpi obhê, a gyê ka etím, ayép á bhâ móbhe ngun, á yúi ane chénchén.