Iivesi zeBhayibhile ezithandwayo ezisuka 1 Bakorinte 1

Share

Kono Mulimu u ketile ka bomu se si hupulwa ki ba lifasi kuli ha si na tuso, ili ku swabisa batu ba ba maata.

Tuto ya lifu la Kreste fa sifapahano ki butanya bo bu si na tuso ku bona ba ba latehile, kono ku luna ba ba pilisizwe ki maata a Mulimu.

Kakuli se si bonahala inge ki bukuba bwa Mulimu si butali ku fita butali bwa batu, mi se si bonahala inge ki bufokoli bwa Mulimu si tata hahulu ku fita maata a batu.

Mulimu wa sepahala, yena ya mi bizize kuli mu pile mwa kopano ni mwan'a hae Jesu Kreste, Mulen'a luna.

Na mi kupa, banabahesu, ka libizo la Mulen'a luna Jesu Kreste. Mu lumelelane ku ze mu bulela kaufela, mi ku si ke kwa ba ni likauhano mwahal'a mina. Mu kopane ku ba sikoto si li siñwi se si na ni muhupulo u li muñwi ni mulelo u li muñwi.

Cwalehe, s'a ta bulela hape ya butali ki sika mañi? Kamba mutalifi? Kamba mubua-bui wa lifasi le? Mulimu u s'a bonisize kuli butali bwa lifasi le ki bukuba!