Iivesi zeBhayibhile ezithandwayo ezisuka SAN LUCAS 23

Share

Te ní xáhaⁿ‑gǎ xii Tǎtá‑gǎ Dútú Ndiǒxí: —Táu, cada càhnu iní sá quídé‑güedě, chi ñá túú cùtnuní iní‑güedé ná cúú sǎ quídé‑güedě —càchí‑gá xáhaⁿ‑gǎ. Te cue tée cùu sandadú ní xito ndéé‑güedé nǔu ndědacàa‑güedé cuu cuèndá‑güedé dóó‑gǎ.

Te Jèsús ní xáhaⁿ‑gǎ: —Na càchí tnúhu ndáá‑í xii‑n sǎ méí ndùu vitna cundecu ndɨhɨ ñaha‑í xii‑n nǔú nǐ nduu táhù‑í cundecu‑í —càchí‑gá xáhaⁿ‑gǎ xii‑dé.

Te dǎtnùní ní xáhaⁿ‑dě xii‑gá: —Jèsús, ndacu iní ñáhá‑n xìi‑í òré ná quìxi‑n taxi tnuní‑n ñùyíú‑a —càchí‑dé xǎhaⁿ‑dě xii‑gá.

Te níhi ní cáháⁿ Jèsús, te xáhaⁿ‑gǎ xii Tǎtá‑gǎ Dútú Ndiǒxí: —Táu, naqueheⁿ cuèndá‑n espíritú‑í —càchí‑gá xáhaⁿ‑gǎ xii Tǎtá‑gǎ. Te tnúhu‑ná‑áⁿ nǐ cáháⁿ‑gá te ní xíhí‑ni‑gá.

Te òré ní quexìo‑güedé ndɨhɨ‑gá ɨɨⁿ xichi núú nání Yɨ̀quɨ Dɨ́quɨ́ Ndɨ̌yɨ, te xíáⁿ nǐ sata caa ñaha‑güedě xii‑gá núú cùrúxí, ndɨhɨ úú cue tée ndècu ndisa cuéchi‑xi‑áⁿ, te ɨɨⁿ‑dé ní sata caa‑güedé xio cùha‑gá te ɨngá‑dé ní sata caa‑güedé xio dàtni‑gá dɨu‑ni núú cùrúxí tucu.

Te òré ní cuu cuádava nduu. Te ní cunee nɨhìí ñuyíú, te ducaⁿ‑ni càa ní cuu ndéé caá úní sacuaa. Chi ñá túú‑gǎ ní dàyehé nchícanchii te ní ndátá dǒó cúú còrtiná veñúhu càhnu sá ǐo cùnuu ní quée dava ndáá.

Te òré ní xiní tée cùu capitáⁿ sá dúcáⁿ nǐ cuu, te ní ndacu iní‑dé Yǎ Ndiǒxí, te ní cachí‑dé: —Sá ndàá ndisa sá těe‑a cùu‑dé ɨɨⁿ tée ío quìde ndáá ndécú ñùyíú‑a ni cùu —duha ní cachí‑dé.