Iivesi zeBhayibhile ezithandwayo ezisuka Mateus 27

Share

Nanime Jesus'ga onhi'ig̃a mondoahyahivi Tupana'ga pe. —Eli, Eli, lemá sabactani? ei ga Tupana'ga pe. A'ea ko: “Tupana, Tupana, ajiko hete ji nde rehe. Maraname nde pohiri ji hugwi?”

Nanime g̃ajatykahavuhua pype tapy'ynhapira hovapiahava itararagi mbytera rupi yvatea hugwi ua yvyvo. Yvya ig̃wyg̃wymi. Ita i'gwy'gwyri. Ahemanoa ryvya jipe'ai. G̃ahã – kiroki g̃a ojiko Tupana'ga rehe aerẽ omanomo – g̃a okwerava'ja omanoa hugwi.

Ohapukajahiva'javame Jesus'ga pytupavamo omanomo.

Soldados'g̃a nduvihava'ga gapavẽive'g̃a pavẽi – kiroki g̃a gwepia katu Jesus'ga tohekyjyme ti g̃a Jesus'ga yva hugwi javo – g̃ahã gwepia yvya g̃wyg̃wyma Jesus'ga manoa reheve. Hepiapavame g̃a kyhyjihetei. A'ero g̃a ei: —Agwava'ea ko Tupana'ga ra'yrava'ea tuhẽ! ei g̃a.

Ahaji katu kwara igwehetei reki ipyryrymame. Ypytunahimba hete yvya koty nhaporemo. Ka'aru g̃werĩ às três horas kwara imbokojahua'javi.

Pilatos'ga ei: —Oro ga – kiroki ga pe g̃a ei: Cristo Tupana'ga remimbuhurukara – marã po ti ji ga rerekoi naerũ Jesus'ga? G̃a nhaporemo g̃a ei: —Embovyruka ga! A'ea g̃a ei tomano ti Jesus'ga yva rehe javo. A'ero Pilatos'ga ei: —Maranameuhũ naerũ? Gara garekote'varuhua naerũ? ei ga g̃a pe. Emo koji'i g̃a hapukapukajahivi. —Embovyruka ga! ei g̃a ohapukaita.