Iivesi zeBhayibhile ezithandwayo ezisuka Mak 13

Share

Ran barik negita gimian bi ranleli illan mini gimi u nana. Ba aji ah mandi tetkol vali mulngan ba aji nanong ba God man bamwesa.”

“Karu dok bi negit, nomi vihnian man ba behbeh tean, gonani katbaililngi to nga niah leutni nong manepma.

“Entorah ran buhu gimi, bi ramali gimi ban le toptowan ba kanbamtajitean u apma ah kanbep. Ba kanbep apma ah Tabite Kokon maneskani mini gimi le to nanong. Gonani man bamui gimi nga ah kan doptop, ba manei Tabite Kokon niah maneskani toptowan ah manbaut bongomi.

Ut lebini bi ut liuruu manok, ba dalek man badi tenga nenokte.

Ba u renan io taron leutni nanong ba aji tebulong ah maililngi. Gonge ah enjilni at lebini, bi nana niah nambi Nujun Aji ba nat baililngi nga. Tadat nante niah maililng to naong.”

Tigoah kan rongo goah ran bawora kuran io kanrongo vepnan goah rabwal ba kan bamtajitean, gonani apma nanong ba manepma bawo nangate, ba noknan ren man badopma ngasi.

Bep mini ni nuhu, “Kandi negit gololo gonani katbaililngi to nga ah aji subu nong manepma lelen. Man nepma utebwarek io loloknan bung, io vanren entorah mwatete mwedatere io bapma te jubung bwaleh, entorah metakal modowo. Tigoah kan badi nga negit gololo ba manepma nebutdihi goah kandi nemju. Toptowan i nambep nong ba nambep mini gimi nuhu, ‘Karudi bi negit.’ ”

Vini watnende man leli kuran mini vini go watnende. Ajinan vini go man leli kuran mini ajinan vini go watnende. Ruvantan manru sera mapma li vinini. Maa mangakat. Leutni nong manepma natapmak goah bwaren jukun aji havin modok, entorah mwidi bwelwel nuhu nujun nema dok.

Ba man bep baworaan na dalek teraba mini tarutnan uruu sera.

Gonani aji halkawu lengleng niah ran nepma le hak bi rabep nuhu, ‘Nana naah.’ Ran galahi tarut halkawu lengleng tapmak.

“Ba gimi kanrarei luhmwi gimi. Gonani tarutni nanong ran buhu gimi bi ram matkae gimi ban ut ah utnen toptowan, bi ran leldopmi gimi. Ran riji gimi le valin no tangroan. Kandi boswos lemtan subuni, bi lemtan salenan vinini u nana gonani gimi ba kam sesra dalek teraba mini ni.

Gonani Kraes getket bi goah man bep nuhu ni ajinan dalen God ba ranepma bawo. Raneskani ililnen rowok tegol bi samsamrakan niah ran galahi tarut non God ni. Raneililngi go ran lelbwiri tapmak.

“Manei limalen illan nanong ba metakal man bulmet bi wul man bamumram nga, wamsoni ran neiah dini ut mere lebini bi leut ah rat tetkol niah ramdi le bini ba ran neiah, niah God man rus i ni.