Iivesi zeBhayibhile ezithandwayo ezisuka Génesis 1

Share

Ts'acal to jech laj yal: “Jpastic, cristiano jech chac c'u cha'al vu'utic; ja' jloc'ol jq'uexoltic chc'ot. Yu'un ac'o sventainic li choyetique, li mutetique, li chonbolometic ti stac' ts'unele, xchi'uc ti mu stac' ts'unele, xchi'uc li chonetic ti xquilet ta banamil chanovique”, xi. C'alal la spas cristiano li Diose, ja' la sloc'ta sba jech c'u cha'al stuc. Vinic xchi'uc ants la spas.

Laj yac'be bendición. Jech laj yalbe: “Bolanic; epajanic. Nojesic li banamile; ventainic o. Pasic ta mantal scotol li choyetique, li mutetique, xchi'uc scotol li chonetic ti xquilet ta banamil chanovique”, xut.

Ta sliqueb c'alal lic ayinuc scotole, Dios la spas li vinajel xchi'uc banamile.

Pero li banamile mu'yuc to'ox chapal, mu'yuc c'usi xvinaj o, puru ic' osil oy. Li Dios ti mu'yuc sbec'tale te xvelvun xic' ta ba vo'.

Ja' yu'un li Diose jech laj yal:, “Ac'o oyuc sac osil”, xi. Jech isacub li osile.

Scotol li c'usitic pasbil yu'un Diose toj lec laj yil. Ja' jech la spas ta svaquibal c'ac'al. Jech i'ic'ub osil, isacub ta yoc'omal.

Li Diose lec laj yil li sac osile, jech la svoc' ta o'lol li ic' osile.

Ts'acal to jech laj yalbe noxtoc: “Q'uelavilic, cac'ojboxuc xa scotol li vomoletic ti chac' sbeq'ue xchi'uc scotol li te'etic ti chac' sate. Ac'o tunuc sventa ave'elic.

Li sac osile “c'ac'altic” laj yac'be sbiin. Li ic' osile “ac'ubaltic” laj yac'be sbiin. Ja' jech la spas Dios ta sba c'ac'al. Jech i'ic'ub osil, isacub ta yoc'omal.

Ts'acal jech laj yal li Diose: “Ac'o svoc' sba li vo'e. J'o'lol ac'o toyuc batel ta toyol; j'o'lol ac'o comuc ti bu ono'ox oye, yu'un jech jamal chcom ta o'lol”, xi.

Yan li chonbolometic ti mu stac' ts'unele, xchi'uc li chonetic ti xquilet ta banamil chanovique, xchi'uc scotol li mutetique, ja' cac'ojbe sve'elinic li ts'i'laletique”, xi. Ja' jech ic'ot ta pasel.

Jech laj yal noxtoc li Diose: “Ac'o oyuc c'usitic chac' xojobal ta vinajel, yu'un ja' ta sacubtasic li banamile, jech ta svoc' sba li c'ac'altic xchi'uc ac'ubaltique. Xchi'uc jech chich' na'el bu chlic jujun c'ac'al, jujun jabil, xchi'uc yorail c'usitic tsots sc'oplal”, xi. Ja' jech ic'ot ta pasel.

Jech laj yal noxtoc: “Ac'o ch'iuc ta banamil scotol vomol a'mal, xchi'uc ts'i'lal ti chac' sbeq'ue, xchi'uc te'etic ti chac' sate”, xi. Ja' jech ic'ot ta pasel.

Lic svoc' sba li nabe. J'o'lol itoy batel ta toyol; j'o'lol icom ti bu ono'ox oye. Jech ic'ot ta pasel.

Jech lic ch'iuc scotol li vomol a'male, xchi'uc li ts'i'lal ti chac' sbeq'ue, xchi'uc li te'etic ti chac' sate. Li Diose toj lec laj yil scotol.

Li Diose la spas chib c'usitic chac' xojobal: li jun muq'ue ja' ta sacubtas osil ta c'ac'altic; li jun biq'uite ja' ta sacubtas osil ta ac'ubaltic. La spas noxtoc li c'analetique.

Jech laj yal noxtoc li Diose: “Li vo' ti icom ta yolon vinajele, ac'o stsoban sba ta jun no'ox yavil yu'un jech ac'o vinajuc taqui banamil”, xi. Jech ic'ot ta pasel. Ti bu taquin icome “banamil” la sbiin. Li vo' bu la stsoban sbae “nab” la sbiin. Li Diose toj lec laj yil scotol.

Laj yac'be bendición li chonbolometic la spase, jech laj yalbe: “Bolanic, epajanic; nojesic li nabetique. Ac'o epajuc noxtoc mutetic ta banamil”, xi.

Li Diose jech laj yal noxtoc: “Ac'o ayinuc ta banamil scotol chonbolometic, ja' li c'usi stac' ts'unel, xchi'uc li c'usi mu stac' ts'unele, xchi'uc scotol li c'usi xquilet ta banamil chanovique”, xi. Jech ic'ot ta pasel.

Li Diose jech laj yal noxtoc: “Ac'o ayinuc c'usiuc no'ox chanul ta vo'etic, xchi'uc ac'o oyuc mutetic ti xvilet ta toyol chanovique”, xi. Jech ic'ot ta pasel.

Ja' Dios la spas scotol li chonbolometic le'e. Lec laj yil scotol.