Iivesi zeBhayibhile ezithandwayo ezisuka ယောဟန် 14

Yabelana

“ငြီသတ်မှုဟှို နန်းနို့နတူးဒူ ငါထားဟှားဘီ။ ငါ့ငြီသတ်မှုဟှိုလည်း နန်းနို့ဟှို ငါပေးဟှားဟှယ်။ လောကသားလေဟှို ပေးဟှားမျိုး ငါပေးဟှားဇာ မှုဟှ။ နန်းနို့လေ စိုးရိမ်ပူဘန်ဂေ့န။ ကြော့‑က်ဂေ့န။

ယေရှုဟှာ သူ့ဟှို “ငါဟှာ လမ်း၊ သမ္မာတရားန သတ်ဖြစ်ဟှယ်။ ငါ့အားဖြင့် မှုဟှ ဆိုဟှာ ဖယ်လူလည်း ဖနားဟှို သွားနိုင်ဂေ့ဟှ။

ယေရှုဟှာ သူးနို့ဟှို “နန်းနို့လေ စိပူဂေ့န။ ဘုရားသခင်ဟှို ယောင်ကြည်ဂေ့။ ငါ့ဟှိုလည်း ယောင်ကြည်ပါ။

ဖဟှာ ငါ့နာမကြောန့် စေလွှတ်ပေးမယ့် ကူညီမဇသူဖြစ်ဟှူ သန့်ရှင်းဟှူဝိညာဉ်တော်ဟှာ နန်းနို့ဟှို ဂူလောင်းဟှို သွန်သန်ပေးဘီးဟှာ ငါပြောဟှားဇာလေ ဂူလောင်းဟှို မှတ်မိလာအောန် လောက်ပေးလေ့မယ်။”

“ငါ့ပညတ်တော်လေဟှို လတ်ခံဘီး လိုက်နာဟှူလူလေဟှာ ငါ့ဟှို ရှစ်ဟှူလူလေ ဖြစ်ဟှယ်။ ငါ့ဟှို ရှစ်ဟှူလူလေဟှို ငါ့ဖဟှလည်း ရှစ်တော်မူဟှယ်။ ငါဟှလည်း သူးနို့ဟှို ရှစ်ဟှူကြောန့် ငါကိုယ်တိုင် သူးနို့ဟှို ဖွမ့်ပြမယ်” ဆိုဘီး ဖြေတော်မူဟှယ်။

ငါဟှာ ဖဟှို တောန်းလျှော့‑က် လိုက်ဟှူကြောန့် နန်းနို့နတူးဒူ ထာဝရနေထိုင်ဟှူ ကူညီမဇသူ တပါးဟှို ပေးတော်မူလေ့မယ်။ သူဟှာ ဘုရားသခင်နဆိုင်ဟှူ သမ္မာတရားဟှို ဖွမ့်ပြပေးဟှူ ဝိညာဉ်တော်ဖြစ်ဟှယ်။ အယ်လောကဟှာ အယ်ဝိညာဉ်တော်ဟှို ဗြင်ဂေ့ဟှ။ သိဂေ့ဘဲဟှူကြောန့် အယ်ဝိညာဉ်တော်ဟှို လတ်ခံဂေ့ဟှ။ အယ်ဘေမဲ့ နန်းနို့ဟှာ အယ်ဝိညာဉ်တော်ဟှို သိဂေ့ဟှယ်။ ဖြားဖြစ်ကြောန့်နူးဆိုဟှာ သူဟှာ နန်းနို့နတူးဒူး နေတော်မူနေဘီး နန်းနို့ထဲမာ ရှိနေတော်မူဟှယ်။

ဖရဲ့ ဖောင်းသရေတော်ဟှာ သားတော်အားဖြင့် ထန်ရှားဟှို့တွပ် ငါ့နာမန နန်းနို့တောန်းဇာမှန်မျှ ငါလောက်မယ်။ နန်းနို့ဟှာ ငါ့နာမန တခုခုဟှို ငါ့နားမာ တောန်းမယ် ဆိုဟှာ အယ်တိုင်း ငါပြုမယ်။

“နန်းနို့ဟှာ ငါ့ဟှို ရှစ်ဟှယ် ဆိုဟှာ ငါ့ပညတ်တော်လေဟှို လိုက်နာဂေ့လေ့မယ်။

ငါ့ဖရဲ့ အီတော်မာ ခန်းလေ ဘောင်ဂီးရှိဟှယ်။ နန်းနို့တွပ် နေရာဟှို ပြင်ဆင်ဟှို့တွပ် ငါသွားရမယ်။ ခန်းလေမှေ့ဟှ ဆိုဟှာ နန်းနို့ဟှို အယ်မျိုး ပြောဟှို့ မှုဟှ။

နန်းနို့တွပ် နေရာဟှို သွားပြင်ဆင်ဘီးန ငါပ္လန်လာဘီး ငါရှိဟှူနေရာမာ နန်းနို့ရှိနေဟှို့တွပ် နန်းနို့ဟှို ငါနားဟှို ခေါ်ဆောန်မယ်။

သောမဟှာ ကိုယ်တော့်ဟှို “သခင်၊ ကိုယ်တော်ဟှာ ဖယ်နေရာဟှို သွားမယ် ဆိုဇာ ကျွန်တော့်ဟှားလေ သိဂေ့ဟှ။ အယ်ဆိုဟှာ ကျွန်တော့်ဟှားလေဟှ အယ်နေရာဟှို ရော့‑က်နိုင်မယ့်လမ်းဟှို ဖယ်မျိုး သိနိုင်ဟှို့နူး” ဆိုဘီး မေးလျှော့‑က်လေဟှယ်။