Iivesi zeBhayibhile ezithandwayo ezisuka मति 10

Share

“हेरह, मुइ तोहराके बनकुतवानिक बिचा भेडा नहिँया पठोइ बडहिँ। उहेसे तोहरा साँप नहिँया चलाख हसे कबतुर नहिँया सोझ हखिह।

जुने यापन जिन्‍गि बचावे खोजबिय उअ जिवन गुमोबिय। बाकि जुने मोर तहिँया यापन जिन्‍गि गुमोबिय, उअ जिवन पउबिय।

यसनुक मन्‍सेसभसे झिन डेरइह, जुने देहियाके मतरे मारे सकसइ, बाकि आत्‍माके मारे हइने सकसइ। बरु आत्‍मा हसे देहिया दुन्‍हुँके नरकमा नास करे सकलाहर परमेस्‍वरसे डेरइह।

जुने यापन क्रुस बोकके मोर पाछा नाहिँ लगबिय उअ मोर चेला बनेके लाइक नाहिँ हखबिय।

“जुने मोरके मन्‍सावानिक यागा स्‍विकार करबिय, मुइ फेनि वकरेके स्‍वरगमा रहलाहर मोर पिताक यागा स्‍विकार करबहिँ। बाकि जुने मोरके मन्‍सावानिक यागा इन्‍कार करतइ, मुइ फेनि वकरेके स्‍वरगमा रहलाहर मोर पिताक यागा इन्‍कार करबहिँ।

मनियइलि मन्‍सावानिके डउल बनोइह, मरलि मन्‍सावानिके जिउतोइह, बडकि दुःखवा लगलि मन्‍सावानिके डउल बनोइह हसे भुतवानिके निकडोइह। तोहरा उअ वसहिँ पउलह, याको जनके फेनि वसहिँ दिह।

उहेसे तोहरा झिन डेराह, तोहरा बहुत गेहुरिसभसे फेनि बढि मोलक बडह।

“मुइ धरतियामा सान्‍ति यानेके तहिँया याइल बडहिँ कहके झिन सोचिह। मुइ सान्‍ति यानेके हइने, बाकि तरवार चलावे याइल हखहि।