Iivesi zeBhayibhile ezithandwayo ezisuka Yawhana 15

Yabelana

“Yi ani fur inabi, gǝr ani tsizuwur fu ni. Ndǝ nam tara ndzai akwa yɛ ba Yi akwa dza, dzǝ ani ata ya munya hang. Akuya ma adi aka Yi wɛ, gǝri adi ata mǝzi ka 'yati mima wɛ.

Ka gǝri ndzai akwa yɛ, ba Yi ata ndzai akwa gǝri. Tsizu adi ada ya madar dzǝ duku wɛ, kǝ ndzai ntsakǝr si ma dzǝ ata dza mamarari. Ani gǝri adi ata mǝzi yai munya wɛ tar ma gǝri ndzai akwa yɛ.

Ma gǝr ndzai akwa yɛ, ba labarna ada ndzai akwa gǝri, gǝri ata yuwɛ kǝlara sǝ nam tǝ gǝri ada bara ndǝ ata la gǝri.

Adi gǝri dza tsarba tǝra wɛ, ama Yi dza tsarba tǝ gǝri ba kǝlba tǝ gǝri ka gǝri tǝra lǝka ya munya hang kura kurkuri. Antǝ Tada ata la gǝri kǝlara sǝ nam tǝ gǝri yu akwa thlǝmawai.”

Yiɗǝdzi nam ɓwalnta sang tǝ ndǝ awa 'ya akǝr ala pazǝrni ani ka dzǝ hamnta alari mpikari.

Kǝlara tsizu ata dzawai nam kura ada ya munya, dzǝ ata dlǝnta tǝni. Kǝlara tsizu nam ada ya madar tsuwɛ, dzǝ ata dzǝguti tǝni, ani ka dzǝ dzakti ya.

Əni ani tsawurna: Yiɗamɛ kǝma gǝri, tsu apa tǝ Yi yiɗǝ tǝ gǝri.

Saka nam tǝ gǝri ada ya munya hang, gǝr ani ndzǝr nuwurna. Əni ada si aka hǝmɛ nam ngga ala Babarna.

“Yi ani fur inabi nam dzǝri, ba Babarna ani ndǝr tsǝwhari.

Ndǝ nam kura ta ndzai akwa yɛ, dzǝ apa tsizu nam tǝ ndǝ ɗalnta ka ɓuli; dzǝli tsizu yarnda ndǝ ada fati, ka pu akwa u'u ka dzǝ mbantadzi.

Yi nkǝrɛ ala gǝri apani ani ka mwapukur ɗǝfawai ndzai akwa gǝri, ani ka mwapukur ɗǝfa gǝri ka dzǝ ndzai kal-kal.

Ma gǝri ada ɓǝla tsawurna yarɛ, gǝri ata ndzai akwa yiɗǝdzǝrna, tsu apa tǝ Yi ɓǝlati tsawur Babarna, ba ndzai akwa yiɗǝdzǝrni.

Əni ani tsawurna: Yiɗamɛ kǝma gǝri.

Ma apǝri gǝr nǝr dunya, dunya ata yiɗǝ tǝ gǝri apa nǝni. Ama gǝri adi nǝr dunya wɛ, Yi kurta tsarba tǝ gǝri akwa dunya, ani sǝ nam ada 'ya tǝ dunya tara ngǝla tǝ gǝri.