Iivesi zeBhayibhile ezithandwayo ezisuka युहान्‍ना 2

Share

गरहाङ् येसुऎ गालिलमि काना लोमॆ हाटाबि चोब्‍बाङ् याॽल आक्‍खॆॽमॆ योम्‍पक् यिगु। हाङ् आक्‍रहाङ् खोसॆ खोम् निङ्‌लावा खाङ्‌मिटु हाङ् खोम् टिङ्‌खुबाचिऎ खो निवाँयुङ् लॆटुचि।

येसुऎ खो लोसु, “आमो, ग खानावाँ आनॆ मान्‍ठा काङा लोःॽङानॆ? हढारि काम् योम्‍पक् मुमॆ लः मासाप्‍टिटु।”

हाङ् येसुऎ आक्‍खा योम्‍पक् मुखुबाचि लोसुचि, “आक्‍खा चोब्‍न पोरोम्‍पि योवा डॆन्‍टाम्‍नॆ।” हाङ् खोचिऎ पोरोम्‍मि यायाढारि योवा डॆन्‍टुचि। हाङ् खोसॆ आक्‍खाचि लोसुचि, “ह पोरोम्‍बाङ् मिःक्‍म लिगाम्‍नॆ हाङ् भोजामि टुङ्‌घङ्‌पा लाखॆपिट्‌टाम्‍नॆ।” हाङ् खोचिऎ येसुऎ लोसिन्‍टक्‍न लॆटुचि।

हाङ् येसुऎ आक्‍खाचि लोसुचि, “ग निवाँहाङ्‌मि खिम् योराङ्‌साम्‍नॆ हाङ् आक्‍क काङॆ सुम्‍चि डिना हङ्‌सिबि हेप्‍सिकुङ।”

मसॆ येसुऎ पाडाक्‍मि एक्‍क कोर्‌रा मुसुहाङ् आक्‍कुबि चुक्‍मिहाचि चोब्‍न यिक्‍पहाक्‍सुचि। हाङ् उम्‍चि पिक्‍चि हाङ् सामुङ्‌चि सङ्‌क यिक्‍पहाङ्‌पिट्‌टुचि हाङ् याङ् लॆन्‍खुबाचिम् कॽनाम् खोप्‍लाङ् पिट्‌टुचि हाङ् युङ्‌ठाम् कॽनाम् टेराङ्‌पिट्‌टुचि। हाङ् उक्‍खिरिॽवा इन्‍चाखुबाचि लोसुचि, “इघा चोब्‍न गबाङ् लाखॆइट्‌टाम्‍नॆ। काम् आपामि खिम् आन्‍नॆ बेप्‍पारा लॆठाम् ठाल मुटकाम्‍निन्‍नि।”