Iivesi zeBhayibhile ezithandwayo ezisuka Genesi 6

Share

Maʌ̃ne Ãcõrẽra sopua b̶esia naʌ̃ ẽjũãne ẽberãrã od̶a carea. Idjimaarã biara b̶acasia ãdjira od̶aẽ́bara.

Ãcõrẽba unusia ẽberãrãba jũma naʌ̃ ẽjũãne cadjiruada jũmawãyã o panʌda. Unusia ãdjia ab̶abe cadjirua od̶idrʌ ewariza crĩcha panʌda.

Baribʌrʌ Ãcõrẽba Noéda bia unusia.

Nama Noéd̶ebemada nẽbʌrʌ b̶ʌa. Noéra ẽberã jipa b̶asia. Ãcõrẽ ume jipa nĩbabadjia. Idji ewarid̶ebemarã tãẽna ab̶abe idjidrʌ jarad̶i neẽ́ b̶asia.

Nãwã crĩchasia: “Mʌ̃a ẽberãrãda, animarãda, animarã ãdji jãne wãbadada, ĩbana sid̶a jũma jõbiya. Mʌ̃a ãdjira od̶aẽ́bara biara b̶acasia.”

Naʌ̃ ẽjũãne ẽberãrã yõsid̶ad̶e caurãda unucuasid̶aa. Maʌ̃be Ãcõrẽ warrarãba maʌ̃ awẽrãrãra quĩrãwãrẽã unusid̶aa. Maʌ̃ bẽrã ãdjirãba awuabʌdada edasid̶aa. Edaped̶ad̶acarea warrarãda yõsid̶aa. Maʌ̃ warrarãra naʌ̃ ẽjũãne drasoa waib̶ʌa warisid̶aa. Ãdjirãra trʌ̃ b̶ʌga b̶easia maʌ̃ drõãenabema ewarid̶e, nocoarebema ewarid̶e bid̶a. Ãdjirã carea Ãcõrẽba jarasia: “Mʌ̃a ẽberãrãa ʌ̃yãba diasia zocai pananamãrẽã baribʌrʌ djara bẽrã beud̶ia. Poa ciento veintebe b̶ead̶ia.”

Ãcõrẽba jarad̶a quĩrãca Noéba jũma osia.

Maʌ̃ carea Ãcõrẽba Noéa jarasia: –Mʌ̃a naʌ̃ ẽjũãne zocai b̶eara jũma jõbiya jũmawãyã cadjiruada o b̶ea bẽrã. Idjab̶a naʌ̃ ẽjũã sid̶a jũma ãrĩya.

Maʌ̃ carea bʌa jãba dromada bacuru biad̶ebemada odua. Oped̶a cãdorronaba soadua ed̶aare, dajadaare bid̶a. Maʌ̃ jãbara naʌ̃ waib̶ʌad̶e odua: dji drasoada setenta y cinco braza, dji jed̶eada doce braza, idjab̶a dji ʌ̃tʌada siete braza. Jãba dromara cʌd̶apõ ũbea odua. Cʌd̶apõza zocãrã tʌajucuadua. Maʌ̃be cʌd̶apõ ʌ̃taarebemane dajadaa acʌbadada odua. Dji ʌ̃tʌara bicaca ab̶a b̶aida b̶ʌa dji ãquid̶ad̶eba ed̶aa. Idjab̶a ed̶a wãbadada jãba droma orrod̶e odua.

Ãcõrẽba naʌ̃ ẽjũã acʌbʌrʌd̶e wãrãda jũma biẽ́ b̶ʌda unusia jũma ẽberãrãba ne jũmane cadjirua o b̶ea bẽrã.

Idjab̶a jũma animarãda umé uméa, dji umaquĩrãda dji wẽrãda jãba dromane ed̶a wãbid̶ia bʌ quĩrãca zocai b̶ead̶amãrẽã.