Iivesi zeBhayibhile ezithandwayo ezisuka Eyokuqala yezikronike 16

Share

Buzani UYEHOVA namandla ake: funani ubuso bake futi.

Bulelani KUYEHOVA, ngokuba elungile: ngokuba ububele bake bungunapakade.

Bulelani KUYEHOVA, shumayelani igama lake, yazisani izenzo zake pakati kwabantu.

Qa̔yisani ngegama lake eliyingcwele: maivuye intliziyo yabamfunayo UYEHOVA.

Kumbulani imimangaliso yake ayenzileyo, imiqondiso yake, nezigwebo zomlomo wake

Vumani kuye, culani amaculo kuye, tetani ngayo yonke imimangaliso yake.

Ngokuba UYEHOVA emkulu, ulungel’ ukudunyiswa kakulu; ulungel’ ukwoyikwa napezu kwotixo bonke.

Nikelani KUYEHOVA ubungcwalisa begama lake: zisani umnikelo, ningene ebusweni bake: bedeshani UYEHOVA ebuhleni bobungcwele.

Ebusweni bake kuko isitomo nobungangamsha: endaweni yake kuko amandla nomgcobo.

Vumani KUYEHOVA, mhlaba wonke! shumayelani usindiso lwake ngemihla ngemihla.

Balisani ubungcwalisa bake pakati kwabaheyideni, imimangaliso yake pakati kwezizwe zonke.

esiti: Ningacukumisi abatanjiswa bam, nabaprofite bam ningabapati kakubi.

Ngokuba bonke otixo bezizwe bengamadalo; kanti UYEHOVA walenza izulu.

Kumbulani ucebano lwake kude kube ngunapakade; ilizwi wabelixela kwiwaka lezizukulwana

Malivuye izulu, ugcobe umhlaba; makutiwe pakati kwezizwe: UYEHOVA upete ngobukumkani.

Makabongwe UYEHOVA, UTIXO wo‐Sirayeli, kwa kunapakade kude kube ngunapakade! Baza bati bonke abantu: Amene! bamdumisa UYEHOVA.

Nikelani KUYEHOVA, zizukulwana zabantu! nikelani KUYEHOVA ubungcwalisa namandla.