Iivesi zeBhayibhile ezithandwayo ezisuka Yʉanɨ 15

Yabelana

Ɛmɛ ma ɓʉtɨ ɓʉ mujabibo, inu na tiga mɨtapɨ yɛngɔ. Mombi ngia aɓio amati asɛmɛ, nʉ ɛmɛ amati angɔ, a꞊mɔ lipumo lɨja, jʉ nambʉkwanana kʉkyɨa ɨkyɛmɛ gʉkʉ mɨngana ndʉ nambukuɓio amati asɛmɛ.

Ɓieni kingono amati asɛmɛ, kʉndʉ ɛmɛ ma amati ʉndɛnʉ. 'Ʉtapɨ gʉkʉ mungono wambʉkʉkwanana kʉmɔ lipumo tʉkʉ ʉwɔ makʉɔngɔ, yambikinye tʉkʉ ɓɔ wa uɗitinie akʉ ɓʉtɨ ɓʉ mujabibo. Ngbanga kʉ ɓwanɨ, inu nambʉkʉkwanana kʉmɔ lipumo ndʉ nambukuɓio ɓuɗitinie nɛmɛ.

Ndʉ naɓio amati asɛmɛ, moni ngika kʉsɛmɛ kambuɓio amati ʉndɛnʉ, ɨkyɛmɛ kʉ iɓomu ngia na꞊ta, iya nanʉ taa yengo na꞊nyɨa nayɔ nyɨaa.

Chʉkɔmʉ inu kʉ na꞉nachwa ɛmɛ, ɨkyɛmɨngana ɛmɛ kʉ ma꞉nɨchwa inu. Ɛmɛ ma꞉nɨtʉma aka ekoo ngia ɓɔ ɓieni kʉmɔ lipumo. Nʉ lipumo lɔngɔ luɓio lɔɔ lɨgbalɨa ɓʉ ndɨɨ ndɨɨ. Kʉ ɓwanɨ, ɨkyɛmɛ kʉ iɓomu ngia na꞊ta Tidoo akʉ ino ngiisɛmɛ, a꞊ninzo ɛyɔ tʉkʉ nzoo.

Yambʉkɔmʉ nʉ ɓʉkʉnda ɓɔmɔ ɓɔɔ ɓaja iɓa ɓʉɓaa iɓa ɓʉ mombi ngia aabaya kugiso ʉɓɨɨ nguangɔ ekoo ɓadii ngiɓangɔ.

Ɛyɔ Tidoo a꞊kyɨkya mɨtapɨ kʉ iɓomu ngia ya iɗitinie nɛmɛ iya yambakamɔ lipumo. Ɨkyɛmɨngana, a꞊tambanaka mɨtapɨ kʉ iɓomu ngia yaɓio kʉmɔ lipumo nʉ kuungwisikiso yɛmɔ, ambʉ yɨsɨnganaka tiga nʉ nɨmɔ lipumo lɨja nadɨndɨ.

Ʉpanʉ nguʉsɛmɛ wa ɓɔ, ɓieni nʉ ɓʉkʉnda ati ʉndɛnʉ ngbanga kʉndʉ ɛmɛ maanɨkʉnda inu.

Ndʉ namɔ lipumo lɨja, Tidoo ngiasɛmɛ a꞊chɨka ɨbɨba. Kʉ ɓwanɨ, ya꞊panananɨa ɓɔ na kingono ɓakpataka ngiɓʉsɛmɛ.

Ɛmɛ kʉ ma ɓʉtɨ ɓʉ mujabibo ngiɓa ɓʉ ingono, Tidoo ngiasɛmɛ kʉ a makʉʉ ʉ watɨnɨ wʉ mijabibo.

Ndʉ mombi ambukuɓio amati asɛmɛ, a ngbanga ndʉ mɨtapɨ yɨ ɓʉtɨ ngia ɓaaigiso yambʉmɔkɔkɔ. Mɨtapɨ ngiinanɨ ɓaaɨtʉpa ɓambuigiso akʉ dyaa, kija yaasioko.

Mu꞉nisigio moni ngikʉnanɨ aka ekoo ngia ɓɔ ɨgyagya ngiisɛmɛ yiɓio amati ʉ mɨtʉma ngiindɛnʉ, nʉ ɨgyagya yɛngɔ yiɓio ihue tʉkʉ ɓʉ kyɛɛ kyɛɛ.

Ndʉ napɨmakɨa mapanʉ ngikʉsɛmɛ, naɓio amati ʉ ɓʉkʉnda ngiɓʉsɛmɛ, ngbanga kʉndʉ ɛmɛ ma꞉pɨmakɨa mapanʉ ngika kʉ Tidoo, mambuɓio tiga kʉ mombi ngiangɔ wʉ ɓʉkʉnda.

Ʉpanʉ ngua mu꞉nititio kʉkyɨa engo wa ɓɔ: « Ɓieni nʉ ɓʉkʉnda ati ʉndɛnʉ. »

Ninyeni piɛ ɓombi ɓʉ ɨtaka, ambʉ́ ɨtaka ya꞉nɨkʉnda inu kʉ kʉndaa, jʉ naɓio piɛ ɓombi ɓangɔ. Ɛmɛ kʉ ma꞉nɨchwa kʉʉngwa akʉ ɨtaka ngiakɛ, ɨkyɛmɨngana inu nambʉkɔmʉ tii ɓata ɓombi ɓʉ ɨtaka. Ya aka ekoo moni ngikʉnanɨ iya ɨtaka ya‑ɔɔ ninu kʉyaa.