Iivesi zeBhayibhile ezithandwayo ezisuka યોહાન 14

Share

“મા તુમાલા શાંતિ દેહે, મજે તી શાંતિ જી માને પાસી આહા, યી તી શાંતિ નીહી જી યી દુને દેહે, કા જેથી તુમના મન દુઃખમા નીહી રહ અન બીહ નીહી.

ઈસુની તેલા સાંગા, “મારોગ, સત્ય અન કાયીમના જીવન મા આહાવ, માને વગર કોની પન માને બાહાસ પાસી નીહી જાયી સક.

ઈસુની તેને ચેલા સાહલા સાંગા, “તુમના મન પકા દુઃખમા નોકો પાડા, તુમી દેવવર અન માવર બી વીસવાસ રાખા.

પન સહાય કરનાર મતલબ પવિત્ર આત્મા તેલા બાહાસ માને નાવકન દવાડીલ, તો પવિત્ર આત્મા તુમાલા અખે ગોઠી સીકવીલ, અન જી કાહી મા તુમાલા સાંગનાહાવ, તી અખા તુમાલા આઠવ કરવીલ.”

જો કોનાલા માની આજ્ઞા માહીત આહા, અન તો તી આજ્ઞા પાળહ, તોજ માનેવર માયા કરહ, તેવર માના બાહાસ માયા કરહ, અન મા તેવર માયા રાખીન, અન મા તેનેવર પરગટ હુયીન.

અન મા બાહાસલા વિનંતી કરીન, અન તો તુમાલા એક સહાય કરનાર દીલ, કા તો કાયીમ તુમને હારી રહ. મતલબ પવિત્ર આત્મા, જેલા યે દુનેના લોકા મેળવી નીહી સકત, કાહાકા તે તેલા હેરી નીહી સકત કા વળખી નીહી સકત. પન તુમી તેલા વળખતાહાસ, કાહાકા તો તુમને હારી રહહ, અન તો તુમનેમા રહીલ.

અન જી કાહી તુમી માને નાવી માંગસે, તી જ મા કરીન કા મા, પોસા મારફતે દેવ બાહાસના મહિમા હુય. જો તુમી માપાસી માને નાવી કાહી માંગસે, ત મા તી પુરા કરીન.

જો તુમી માવર માયા રાખતાહાસ, ત માની આજ્ઞા પાળશે.

માને બાહાસને ઘરમા રહુલા સાટી પકી જાગા આહા, જો નીહી રહતી ત મા તુમાલા સાંગી દેતાવ કાહાકા મા તુમને સાટી જાગા તયાર કરુલા જાહા.

અન મા જાયી ન તુમને સાટી એક જાગા તયાર કરીન માગુન પરત યીની તુમાલા માને હારી રહુલા સાટી લી જાયીન, જઠ મા રહીન તઠ તુમી બી રહા.

થોમાની તેલા સાંગા, “હે પ્રભુ, આમાલા માહીત નીહી કા તુ કઠ જાહાસ, ત મારોગ કીસાક કરી માહીત રહીલ?”