Iivesi zeBhayibhile ezithandwayo ezisuka Enk 6

Share

Neinosu Olaitoriani enkaraki naitobira oltung'ani te nkop, netum osina sapuk.

Nedol Olaitoriani enkarrueisho e tung'ani ajo etaa sapuk te nkop oleng, naa ore emusunoto endamunoto enye pooki e atua oltau naa entorroni ake eponaa.

Kake enoto Noa omom too nkonyek o Laitoriani.

Kuna ninche iishoritin e Noa. Ore apa Noa naa oltung'ani oitashe too sipat, nemeeta entioto to lporror lenye: eiriamariyie Noa Enkai.

Nejo Olaitoriani: “Kajutu tioriong enkop oltung'ani laitobira, tung'ani tenebo eng'ues, o pooki toki naiserpepiari, o motonyi o loing'ang'e, amu aanyaaka ainosu ajo ainyoo apa peyie aitobirua ninche.”

Ore peyie eiteru iltung'ana aaponari tioriong enkop, netoikioki ninche intoyie, nedol ilayiok le Nkai intoyie oo ltung'ana ajo aisidain, neyaki ate inkituaak anaa enagelu tenena, anaa enayieu. Nejo Olaitoriani: “Meitoki enkiyanget ai amany tung'ani ntarasi, amu ore ninye naa osesen. Keaku inkolong'i enyena ilarin iip nabo o tikitam.” Etii sii apa Ilnefilim enkop te nena olong'i, ore peyie epuonu ilayiok le Nkai aajing'aki aayiolou intoyie oo ltung'ana, neiki ninche inkera. Naa kulo apa iltung'ana magil liopa laa aiyiolot oleng.

Neas Noa ena; etaasa nena pooki naaitanapa Enkai ninye.

Nejoki Enkai Noa, “Atumuta to ltau ajo kaiting'ie pooki sesen, amu eiputa enkop o larrabal tenkaraki ninche, ng'ura kaidaikie nanu ninche o enkop.

“Intaiki kewan esafina olchani le Gofer, nipik ilgilat atua esafina, nimur atua o oriong te nkoronko.

Nedol Enkai enkop ajo etarruoyie oleng. Amu ore iseseni pooki neitarruoitie inkoitoi enye te nkop.

O pooki toki naishu e pooki sesen, iyau maare e pooki pukunoto atua e safina. Niramat ninche peyie meye; naa ore pooki naa oloing'oni ake o elipong.