Iivesi zeBhayibhile ezithandwayo ezisuka Lukə 12

Share

Ɓay hi ta', i ke həre', zə Vay sumra' wə də mbə kəri məni hi cu ɗik mi.»

Zawa, i ɗik dan wa ri məni Ifray wə də suk jwə wa ri nə cop, ɓay Ifray də mi ne kam kwa məni kuna.»

Kəki rum, Zezu la' ne kə sôwâ məni wə han daŋ'ŋ: «I mun ri'i! I kaw wa ri du səna' ndaka. Zə ko swə la' ndak juk si, ndak um cu gak um gi suk kə nyî mə də hâ mi.»

Zə wə ri məni hi ɓawa ndak mi wə han, vunduk ri wə han ta'a.»

Sa du ri gak ge bəka um də han kî kə dan ɗik um nə su?

Kəki rum, Zezu in ne kə sum ta zə rumu: «Zə rum, na in mi ne: I ɗik dan wa kwati məni hi kə mê' rum zə bəka nyî ri nə mi, ko wa mbraw məni hi kə mê' rum zə tu ri nə mi.

Ko sâ wa ri Ifray in si ɗaw ɗaw daŋ'ŋ. Zə rum, I ne wəlok mi zə hi kə mbra' pâ daw i ra' ghər si.

«I ne wəlok mi, kul mə kî məni wə mun vun, zə Ba mi wə mi ne vari kədan hi suk wə jwə umu.

I kar rugwa fun tayta ri'i: Handay cu jo' kwa ko ɓawa kwa wakaya mi, handay cu kə so njay kwa ko zəna mi. Ama Ifray wə nday uru. Ɓay hi kə mbra' pâ rugwa si.

Zə rum, i ɗik dan kə keɓ kwati kə kwace bəka daŋ' mi, i cik tu ri mi.

Ifray wə ge mbraw ne kə za məni wə gop tam, ɓay siw sôwâ də ge ku rum, la' ndəna' si, mum cu də ge mbraw mi ne nday pâ mi su? Hi sôwâ məni ve nan kî!

Kwa daŋ' məni pe' sôwâ də we, ɓay dan daŋ' məni 'yeŋ, sôwâ də munu.