Iivesi zeBhayibhile ezithandwayo ezisuka Lwiikö 24

Yabelana

‑Maa na'bhë, 'saa na dɩba gbä a‑a ɔ 'kanyɩ 'nyɛɛ, n yi 'nglɩ ‑kä a yu ghlɩ. Miɛ nɩɩ, Lagɔ 'a 'mötɛɛnɔɔ wʋ yi ‑mä ghäyɩ 'wʋ 'bhöönɩ, wʋ yeanyɩ ‑gömö yi. Zaa, a nɩ tɩ ‑bhlɛ mä'ä glɔ 'mö 'bhöö, ‑maa ‑lɛ a 'mötɛɛnɔ 'la, a nɩ ‑kʋnuu.»

Ɔ'ɔɔ mä'ä ‑wʋ. Ɔ yɛ glu 'wlʋ. Ɔ ‑wʋ a‑a ‑bhlɛ ‑mä Galilee‑bhölɩɩ 'mö a wɛlɩɩ ɔ 'nyanyɩ a‑a, a'bhï a nɩ ligbaniɛ yɩ ‑ka 'wʋ.

Ɔ 'nyʋänyɩɛ yowʋ cuu, 'n 'wa yilaa yiɛ do 'n wa yoo yɩbhlɩnɩ. ‑Maa wa lɛ zʋ a sɛ'ɛ, ɔ'ɔa'a ‑lɛ ‑wʋ. Wa lɛ: «‑Aaa, sɛ'ɛ yɩ ‑wʋä 'mö zaa, nza ɔ ‑wʋnyɩ a‑a ‑mä 'yio 'wʋ Lagɔ 'a 'bɔgʋʋ 'mö a wɛlɩɩ dlɩ ‑gömö ‑sɛsɛnɩ dɔ'wʋʋ, 'n ‑aa dilaa 'wlɔnɩ a‑a 'mö.»

Ɔ lɛ naa: «Sɛ'ɛ yɩ cɛlɩɛ ‑mä Lagɔ 'a wɛlɩɩ a 'bɔgʋʋ 'mö nɩɩ: Puënyɔɔ Lagɔ ‑sɛɛ ‑lɛ, ɔ yi 'zwɩ zi, ɔ yi 'ku, ‑maa ɔ ‑kä 'ku 'wë a ylɩɩ a tanɛɛ 'mö, ɔ yi glu 'wlʋ. Wɛlɩ 'la, a'bhï a 'yi 'ylɩmö. Sɛ'ɛ yɩ cɛlɩ'ɛɛ ‑mä nɩɩ, Puënyɔ 'la a 'nglɩ 'mö, wa nɩ 'nyɛ 'bhlɩbhëa 'wuë 'dɩ nɩɩ, wa nɩ ligba wa 'kä 'wa ‑lizokuu kɛ'mö ‑sɛ, nzɩɩ ɔ 'kä yɩ gbʋʋ 'yi 'tatinɩ. ‑Lɛ a dɩ 'la, mä'ä yɩ 'kää Zeluzalɛɛmö tɛɛnɩ ‑këë yɩ 'kä bhlɩɩ 'wuë ‑gömö ghlɛ.

Wa ghlɛɛ ‑mä, wa lɛ 'bhöö 'lɛ, kpiyi 'kädɛɛ wa ‑gbanɩ a‑a lesikpëa nuë 'wʋʋ, ɛ ‑cɩanɩ. 'N wa yiɛ ‑mä lesikpëa 'mö plɛ, ‑maa, ‑Alowli Zezwii a ‑gäzɛɛ 'nɩɛ ‑mä ‑wʋ.