Iivesi zeBhayibhile ezithandwayo ezisuka Jáaŋ 5

Share

Kwaʼ anuúnē anuúnē, meŋ shúŋɔ á wɛ́ ŋ́gɛ, ŋiŋ a júʼɔ ashuŋne zá ŋkúʼte, éfɛ́ nnɛ̄t ŋgyá á mbū Ndém páʼ, a le tó á gá, mbɔ ŋgaŋ a á ndáʼ nzī á leta á lezēŋ yí. Ŋgaŋ a te e láʼ epí asāʼ á, a á ndáʼ ntswɛ́t á lewhʉ̄, tɛ nzī á leta á lezēŋ Ndém.

Yɛɛ́so á jʉ́ɔ á yí, á nɔŋ á esī, mɛ́ shúŋ á yí ŋ́gɛ, ŋiŋ mɛ́t a á ndáʼ nnáŋ á ntē agɔ, tɛ ntshí é zi esāk. Yɛɛ́so á lé á mbū yí ŋ́gɛ: «O ó si ŋkɔ̄ŋɔ á wú á lete e?»

Pɛ é si ntúŋɔ atseŋ aŋwaʼne Ndém, melaʼ mīi, pɛ é si ŋkwāŋa ŋ́gɛ, pɛ gɔ ezápa éwú, tɛ́ efú ntā á lezēŋ Ndém. Aŋwaʼne Ndém á ké ŋgɔ́ si eshúŋɔ azí á ŋiŋ yīi, meŋ á ewiɛ́. Pɛ piīŋ te si ŋkɔ̄ŋɔ á letsē á nzem meŋ, ńdáʼ ntā á lezēŋ Ndém ɛ́.

Yɛɛ́so á lé á mbū yí ŋ́gɛ: «Lu á esī, ńtswíʼ á akō jú, ńzīŋ. » Ŋiŋ wɔ̄ á lɛ ntē. Ńtswíʼ akō zí, ńzī á leziŋ. Ajʉɔ anu á le gē etɔ́k páʼa, á gɔ́ aleʼé aswite.

Yɛɛ́so á zéŋ ndé á mbū pɔ́p ŋ́gɛ: «Kwaʼ anuúnē anuúnē, meŋ shúŋɔ á wɛ́ ŋ́gɛ, Mɔ́ a gɔ le lɔ̄k á athū zí méŋwɛ̄t, ŋ́kūʼ á leghʉ azō ɔ́, a ghʉʉ̄ áa ajū mīi, a á si njʉ́ɔ Mɔʼɔ́ yi á ghʉɛ. Ajū mīi, Mɔʼɔ́ yi a á si ŋghʉ̄ɛ, Mɔ́ a zeéŋ ŋghʉ azí ndeŋ ndeŋ épúp.