Iivesi zeBhayibhile ezithandwayo ezisuka Mateo 13

Share

Mawũãmina ne ta pobʉrʉdꞌe egoro biadꞌe bꞌaedꞌara Daizeze bedꞌeata ũrĩpe sãwũãta kꞌawuabadata maʉ̃ã, aramaʉ̃ne zaubada. Mawũẽ eaba bꞌʉa cienne, sesentadꞌe, treintadꞌe abꞌa abꞌakꞌa.

Ne ta pobʉrʉdꞌe ʉrʉdꞌe bꞌaedꞌara Daizeze bedꞌeata ũrĩbarita maʉ̃ã. Mawũãmina naʉ̃ ẽjũãnebemata krĩcha nʉme bꞌʉa, aramaʉ̃ne sãwũã ne bio erubꞌaita krĩcha nʉmʉbara sewa bꞌʉba Daizeze bedꞌeata kenabꞌaribi bꞌʉa, aramaʉ̃ne zau eaba ẽã.

Daizezeta Nokꞌodꞌebemata iabꞌaʉba ũrĩbʉrʉdꞌe sãwũãta kꞌawua ẽbʉrʉ, ãtõmiã bia ẽãta zepe bedꞌeata izha ũrĩnata ãĩ eda bꞌʉa izhi sodꞌeba. Maʉ̃ã ne ta pobʉrʉdꞌe odꞌe bꞌaedꞌata.

Ne ta pobʉrʉdꞌe mongꞌaradꞌe bꞌaedꞌara iabꞌaʉba Daizeze bedꞌeata ũrĩbarita maʉ̃ã, aramaʉ̃tara sobia ũrĩbaria. Mawũãmina bia kꞌarra jida ẽãba dããrã zrogꞌa ẽã, mawũẽ zuburiabʉrʉdꞌera, o Daizeze bedꞌeata ĩjã bꞌʉ kꞌarea zuburia obʉdadꞌera ĩjã ẽã kenabꞌari bꞌʉa.

Daizezeta Nokꞌodꞌebemane bꞌaira orota egorodꞌe merã bꞌadꞌa kĩrãkꞌa bꞌʉa, ũmakĩrãba ũdupe wakusa merãsia. Mobe maʉ̃ kꞌarea sobia wãpe izha ne erubꞌʉra jõma nendope edasia maʉ̃ druara.

Mawũãmina ʉ̃kʉrʉ egoro biadꞌe bꞌaepe zausia, aramaʉ̃ne zausia ta cienne, ta sesentadꞌe, ta treintadꞌe abꞌa abꞌakꞌa.

Idu ãba abꞌarika waribiudua trigo bꞌʉadꞌayeedꞌa. Bꞌʉabʉda ewadebʉrʉ mʉãrã zhi bꞌʉabadarãã mawũãña: Chirua kꞌazhiruata naara ẽũkua jãmaũdua, baratʉ tãjʉ̃kuaudua badꞌai kꞌarea. Mawũãmina trigo tara kuaudua mʉ ne kuabari maẽ.