Iivesi zeBhayibhile ezithandwayo ezisuka Mata 28

Yabelana

Aɗaba taŋa, dum à bazlam gà a təv gà mburma ana ika gər ahəɗ a tserdze, ka nwim à tar gà ɓəzla mazazama iye. Tsilwiɓwim à tar a yam nda zləm Tsir gà Mbulum, dite nda zləm gà, Kəla ŋgar ŋa, dite nda zləm Mezite Mesife Mbulum asa mbaŋa. Dite ka dzeŋgwim a tar, ta gəs bazlam ana i tsik a kurum tserdze ya mbaŋa. Sərum dər lele, mə̀ məts a kurum gər tsa: Iye ŋa tekeɗe ka, i ndze a i təv kurum kəla pat, i zlèk a kurum haa aka təv gər ahəɗ ana à ndìv a ya.»

Dite Yesuw a sìrìkaha a təv tar kuɗa. A daha, a gwaɗa a tar: «Mbulum aka viliŋ mekwere ŋgar ana i gər ŋa ya, ndəna ɗa ika gər ahəɗ a tserdze ka, a ahər gà.

Ama gawla Mbulum ata a gwaɗa a gà məkəs aaha ndeɗiŋa, tə daha aka dive ya: «Ki gwim magəɗa, arəv ma da aà kurum a tsa. Aɗaba i sər, ki yehwim a ka, Yesuw aaha tə ndwandway ŋgat aà dizl magə̀làwà ŋa ya. Ama ka, ar ɗa i faha tsa, Mbulum aka mbəl à ŋgat i məməta ya, kamala ana a tsikewa ya. Dumara, fə̀rum aà təv ana ti tike aɗəm a kwaŋ.

I dəba ŋa ya, Yesuw a gwaɗa a tar: «Ki gwim magəɗa tsa, dum, ta gwaɗum a gà na ti ne gà damər gà ya ka, tə da aka miɗ a Galile, ti ta ŋgetiŋ a ka, i fata.»

Aləka gà mburma ata tə tsaraka kataya ka, ti yaha ba gər nda gà bàba gà mburma ana i fata, ta kwere a gà Yahuda, tə dzawa akaba ahəm tserdze ya. Tə daha, tə dza akaba ahəm ika magər tar. I təv mandza akaba ahəm tar ata ya ka, tə ruɓa gà sliwdze aaha ndeɗiŋa ta kasla dive Yesuw a, tə dzàɗa a tar siŋgwe hinne. Ta gwaɗa a tar: «Ki gweɗwim a ka: <Gà ɓəzla mazazama ŋgat tàa dara ndaàvəɗ, tàa zlara i biye ya nda akəl, i təv ana mər ika mendze are ya.> Na Əbay mala sik gà Ruma aaha aka tsaraka kataya ka, a tsik a kurum a duwa tsa. Mər mìi sir a bazlam ana mìi tsiker a ya. Mìi beye a à kurum a i mesewere are ana a vile a kurum a ya.» I dəba ŋa ya, gà sliwdze ata ta ndzək siŋgwe ata tə dzàɗa a tar a. Tə daha, ə̀ndats ə̀ndats tə sasa pàrsa, ta mà à bazlam gà bàba ŋa ata ti tsik a tar a kaɗəŋ. Dite haa kinehe, bazlam pàrsa ata à ndìv a tsa, rih rih rih ika magər gà Yahuda ya.